ມື້ນີ້ນັກຂ່າວໄດ້ມີໂອກາດ ໄດ້ສຳພາດເຈົ້າຂອງຮ້ານຕັດຜົມ ລາຄາປະຢັດ ແລະເປັນມິດກັບ ສິ່ງແວດລ້ອມ ຍ້ອນວ່າໃຊ້ງົບປະມານບໍ່ຫຼາຍກໍສາມາດເຮັດເປັນທຸລະກິດໄດ້ຢ່າງ
ໝັ້ນຄົງເລີຍກໍວ່າ ໄດ້ ຊຶ່່ງຮ້ານຂອງເພິ່ນຕັ້ງຢູ່ຫຼັກ 7 ຖະໜົນທ່າເດື່ອ ໃກ້ກັບຮ້ານ ອາ ຫານ ລຳເນົາສິງໂຕ ທີ່ໃຜໄດ້ເຫັນຕ່າງກໍອົດເບິ່ງບໍ່ໄດ້.
ທ່ານ ພູທອງ ສີຊະນະ ເຈົ້າຂອງຮ້ານປະຈຸບັນອາຍຸ 56 ປີ ຢູ່ ບ້ານຫາດຊາຍຂາວ ເມືອງສີສັດຕະນາກ ນະຄອນຫຼວງວຽງຈັນ ໄດ້ເລົ່າວ່າ: ແຕ່ກ່ອນແມ່ນເປັນທະຫານນະຄອນຫຼວງທັງເປັນຊ່າງຕັດຜົມໄປພ້ອມແຕ່ດ້ວຍຄວາມຈຳເປັນບາງຢ່າງຈິ່ງໄດ້ອອກມາ ຕັ້ງຮ້ານຕັດຜົມຢູ່ທີ່ບ້ານຂອງຕົນເອງແຕ່ປີ 1982 ເປັນຕົ້ນມາ ແລະໄດ້ຮັບຄວາມນິຍົມພໍສົມຄວນໃນ ເຂດນັ້ນ, ຫຼາຍປີຕໍ່ມາທ່ານ ພູທອງ ໄດ້ຕັດສິນໃຈຍ້າຍອອກມາຕັ້ງຮ້ານໃໝ່ຢູ່ແຄມທາງໃຫຍ່ ຊຶ່ງບໍ່ ຫ່າງຈາກບ້ານຂອງເພິ່ນພໍເທົ່າ ໃດໃນແຕ່ລະມື້ແມ່ນມີລູກຄ້າເຂົ້າ ໃຊ້ບໍລິການບໍ່ຂາດມື້ທີ່ບໍ່ມີແມ່ນ ປະມານ 7 ຫາ 8 ຄົນ ແລະມື້ທີ່ ຫຼາຍທີ່ສຸດກໍເກືອບ 20 ຄົນ ແລະມີ 2 ລະຄາ ຄື: ເດັກນ້ອຍ 5,000 ກີບ ແລະຜູ້ໃຫຍ່ 10,000 ກີບເທົ່ານັ້ນ ລວມທັງຄ່າແຖໜວດ ແລະລູກຄ້າ ສ່ວນໃຫຍ່ຍັງແມ່ນລູກຄ້າປະຈຳ ອີກດ້ວຍ; ທ່ານ ພູທອງ ສີຊະນະ ຍັງໄດ້ເວົ້າເຖິງການປ່ຽນແປງ ຂອງຮ້ານອີກຕື່ມວ່າ: ພາຍໃນໄລຍະເວລາ 10 ປີຜ່ານມານີ້ ແມ່ນໄດ້ສ້ອມແປງຮ້ານໄປແລ້ວ 2 ຄັ້ງ ຍ້ອນວ່າມີການປັບປຸງສ້າງສາພັດທະນາຄອງຊົນລະປະທານ ຍ້ອນສາເຫດນັ້ນ ຕົນເອງຈິ່ງມີແນວຄວາມຄິດຢາກຕັ້ງຮ້ານແບບທຳມະຊາດທີ່ເປັນມິດກັບສິ່ງແວດລ້ອມມາເຖິງປະຈຸບັນ.
ສະນັ້ນ ຖ້າຫາກວ່າທ່ານໃດໄດ້ກາຍໄປກາຍມາແຖວນັ້ນ ແລະຢາກຈະລອງສຳຜັດກັບຮ້ານທີ່ເຕັມໄປດ້ວຍຄວາມເປັນກັນເອງແບບທຳມະຊາດກໍຢ່າລືມຢ່າພາດຫາໂອກາດໄປຕັດຜົມທີ່ຮ້ານຂອງເພິ່ນໃຫ້ໄດ້ ຊຶ່ງທີ່ຕັ້ງຂອງຮ້ານແມ່ນໄດ້ກ່າວມາຂ້າງເທິງນັ້ນໂທ ລະສັບ 020 5944 2150.
ຂ່າວຈາກ: ເສດຖະກິດ-ສັງຄົມ