ຕັບ ເປັນອະໄວຍະວະທີ່ຊ່ວຍທຳລາຍສານພິດໃນຮ່າງກາຍ ຫຼືຂອງເສຍອອກຈາກເລືອດຂອງທ່ານ ສ້າງພູມຄຸ້ມກັນເພື່ອຕໍ່ຕ້ານເຊື້ອໂລກ
ສ້າງສານທີ່ຊ່ວຍໃຫ້ເລືອດແຂງຕົວໄດ້ ແລະສ້າງນ້ຳດີເພື່ອຍ່ອຍອາຫານ ຫຼືວ່າຈະເປັນການດູດຊຶມວິຕາມິນທີ່ລະລາຍໃນນ້ຳມັນ ເມື່ອຕັບມີໜ້າທີ່ເຮັດວຽກຫຼາຍຢ່າງຂະນາດນີ້ ຫາກວ່າ ຕັບເພ່ ຫຼືເຮັດວຽກຜິດປົກກະຕິມື້ໃດ ຮ່າງກາຍຂອງທ່ານຍ່ອມລວນຢ່າງໄວວາແນ່ນອນ ຫາກເປັນໂລກຕັບ ຈະມີສັນຍານເຕືອນໄພຫຍັງແດ່ ມາກວດເບິ່ງນຳກັນ.
1 ອ່ອນເພຍ ຫຼືເມື່ອຍງ່າຍກວ່າປົກກະຕິ
2 ເບື່ອອາຫານ ຫຼືກິນອັນໃດກໍ່ບໍ່ຄ່ອຍແຊບ
3 ມີອາການຊິປວດຫາກຢູ່ຕະຫຼອດ ແບບບໍ່ມີສາເຫດ
4 ນໍ້າໜັກຫຼຸດລົງ ທັ່ໆທີ່ບໍ່ໄດ້ຢູ່ໃນລະຫວ່າງຫຼຸດນ້ຳໜັກເລີຍ
5 ຕີນບວມ ທ້ອງບວມຜິດປົກກະຕິ
6 ເລືອດອອກງ່າຍ ເນື່ອງຈາກຕັບບໍ່ສາມາດເຮັດໃຫ້ເລືອດແຂງຕົວໄດ້ງ່າຍນັ້ນເອງ
7 ເກີດອາການຄ້າຍເປັນໂລກໜິ້ວໃນຖົງນ້ຳບີ
8 ຕົວເຫຼືອງ ຫຼືຕາເຫຼືອງ ເນື່ອງຈາກຕັບບໍ່ສາມາດຂັບນ້ຳດບີອອກມາໄດ້
9 ໄອເປັນເລືອດ ເນື່ອງຈາກຄວາມດັນໃນຕັບສູງຜິດປົກກະຕິ
10 ອາດເປັນຣິດສີດວງຖະວານໄດ້
ນອກຈາກໂລກຕັບແຂງຈະເກີດຂຶ້ນເມື່ອເຮົາດື່ມແອວກໍຮໍຫຼາຍເກີນໄປແລ້ວ ຍັງອາດມີສາເຫດທີ່ເກີດຈາກໂລກໄວຣັດຕັບອັກເສບບີອີກດ້ວຍ.
ວິທີປ້ອງກັນໂລກຕັບແຂງ
1 ງົດ ຫຼືຫຼຸດດື່ມແອວກໍຮໍ
2 ຊີດວັກຊີນປ້ອງກັນໂລກໄວຣັດຕັບອັກເສບ ຊຶ່ງເປັນສາເຫດສຳຄັນຈຂອງໂລກຕັບ
3 ພະຍາຍາມຄວບຄຸມອາຫານ ແລະອອກກຳລັງກາຍຢ່າງສະໝ່ຳສະເໝີ
4 ລະວັງຢ່າໃຫ້ເປັນໂລກໜິ້ວໃນຖົງນ້ຳບີ ເພາະອາດສົ່ງຜົນໃຫ້ເກີດໂລກຕັບໄດ້
5 ບໍ່ກິນຢາ ຫຼືຮັບສານພິດຊະນິດໃດຊະນິດໜຶ່ງເປັນໄລຍະເວລາດົນນານ
ຫາກມີສັນຍານເຕືອນໄພເຫຼົ່ານີ້ ໂດຍສະເພາະອາການເບື່ອອາຫານ, ນ້ຳໜັກຫຼຸດ ແລະຕີນບວມ ທ້ອງບວມ ຄວນໄປຫາແພດໜໍໂດຍດ່ວນທີ່ສຸດ ເພາະຕັບເປັນອະໄວຍະວະສຳຄັນທີ່ບໍ່ສາມາດຕັດອອກໄປຂ້າງໜຶ່ງໄດ້ຄືກັບໄຕ ຫຼືປີກໝົດລູກ ແລະຕັບເຮັດໜ້າທີ່ສຳຄັນຫຼາຍຢ່າງໃນຮ່າງກາຍ ຫາກເຮັດວຽກຜິດປົກກະຕິເມື່ອໃດ ທ່ານຊວຍແນ່ນອນ.
ຂໍ້ມູນຈາກ: ເສດຖະກິດ-ສັງຄົມ