“ເລື່ອງຈິງທະລຸໂລກ” ວັນນີ້ລາວໂພສຕ໌ ຈະພາທຸກທ່ານໄປຮູ້ຈັກພິທີກຳຕ້ອງຫ້າມແປກປະຫຼາດທົ່ວທຸກມຸມຸໂລກ ທີ່ຜູ້ທີ່ສັດທາໃນສາສະໜາເຫັນແລ້ວຕ້ອງຂົນຫົວລຸກ ເຊິ່ງຈະປະກອບມີພຶດຕິກຳໃດແນ່ນັ້ນເຮົາມາຮູ້ໄປພ້ອມໆກັນເລີຍ 

Aghori Babas ເປັນນິກາຍໜຶ່ງຂອງອິນດູອາໃສໃນເມືອງພາຣານາສີ ຂອງປະເທດອິນເດຍ ມີຊື່ສຽງໃນການກິນຊາກສົບມະນຸດທີ່ຕາຍແລ້ວ ແລະ ໃຊ້ກະດູກຈາກສົບໃນການສ້າງງານຫັດຖະກຳ ເຊັ່ນ: ຊາມກະໂຫຼຫົວຄົນຕາຍ ແລະ ເຄື່ອງປະດັບ ພວກເຂົາເຊື່ອວ່າຄວາມຢ້ານຂອງມະນຸດກໍ່ຄືການຕາຍຂອງຕົນເອງ ແລະ ການຢ້ານແມ່ນອຸປະສັກຂອງການຕັດສະລຸຂອງຈິດວິນຍານ ດັ່ງນັ້ນການກ້າປະເຊີນໜ້າກັບມັນຈະສາມາດບັນລຸການຕັດສະລູໄດ້

ໃນທິເບດ ຊາວພຸດທີ່ນັ້ນມີການປະກອບພິທີກຳອັນສັກສິດທີ່ແປກໆ ທີ່ເອີ້ນວ່າ: “ການຟັງສົບເທິງທ້ອງຟ້າ” ນັ້ນຄື ຫາກເມື່ອມີຄົນນຕາຍ (ຍົກເວັ້ນເດັກອາຍຸຕ່ຳກ່ວາ 18 ປີ, ແມ່ຍິງຖືພາ ແລະ ຜູ້ປ່ວຍດ້ວຍໂຣກຕິດຕໍ່ ຫຼື ເກີດອຸບັດຕິເຫດ, ສ່ວນການຝັງສົບໃນສຸສານ ຫຼື ເຜົາ ຈະສະຫງວນໄວ້ໃຫ້ຜູ້ທີ່ເປັນພຣະລາມະຕຳແໜ່ງສູງເທົ່ານັ້ນ) ຜູ້ປະກອບພິທີກຳຈະເຮັດການຈັດການສົບໃຫ້ໄວທີ່ສຸດດ້ວຍການຕັດສົບອອກໄປສິ້ນໆ ແລະ ໃຫ້ຝູງແຮ້ງທີ່ຕົນລ້ຽງນັ້ນກິນ ສ່ວນຊາກທີ່ເຫຼືອກໍ່ເອົາໄປເຜົາຖິ້ມ ຕາມຄວາມເຊື່ອຂອງຊາວພຸດທີ່ນັ້ນເຊື່ອເລື່ອງຈັກກະຫຼາດການເກີດໃໝ່ ຈິດວິນຍານໄປອີກແຫ່ງໜຶ່ງ ດັ່ງນັ້ນບໍ່ຈຳເປັນທີ່ຈະຕ້ອງເກັບຮ່າງໄວ້ ອີກຢ່າງໜຶ່ງພວກເຂົາປຽບນົກແຮ້ງເໝືອນຟ້ອນລຳຢູ່ເທິງຟ້າ ມີຖານະທຽບເທົ່າເທວະບຸດ ແລະ ເທວະດາ ເຊິ່ງເທບທັງຫຼາຍເຫຼົ່ານີ້ຈະນຳວິຍານຜູ້ຕາຍໄປສູ່ສະຫວັນ

ຊາວນິກາຍຊີອະຂອງ ສາສະໜາອິດສະລາມ ( ປາກີສະຖານ, ອັບການິສະຖານ, ອີຣັກ, ອິຣ່ານ, ຕູຣກີ, ອາເຈີໃບຈານ, ເລບານອນຣ໌ ແລະ ບາເຣນ) ໄດ້ປະກອບພິທີກຳໝູ່ທີ່ໜ້າຫວາດສຽວ ຄືການຕີ ແລະ ທຳຮ້າຍຕົວເອງດ້ວຍມີດ ໃຫ້ເລືອດໄຫລອອກຈາກຮ່າງກາຍ ເປັນປະຈຳທຸກປີໃນຊ່ວງເດືອນສັກສິດຂອງມູຮັມໝັດ ເພື່ອລະນຶກເຖິງຄວາມທຸກທໍລະມານຂອງຮຸນເຊັນ ຫຼາຍຊາຍຂອງສາດສະດາມູຮັມໝັດ ແລະ ເປັນສິ່ງທີ່ອະທິບາຍເຖິງພາບແຫ່ງຄວາມສະຫຍອງໃນການປະກອບພິທີກຳໃນການໄວ້ອາໄລໃຫ້ທ່ານມູຮັມໝັດ