ໜັງສືພິມຂະແມທາມລາຍງານ ລັດຖະບານ ແລະ ທະຫານກຳປູເຈຍຮ່ວມກັນແຈກຈ່າຍນ້ຳສະອາດໃຫ້ແກ່ຊາວບ້ານຫຼາຍກວ່າ 500 ຄອບຄົວໃນທ້າຍອາທິດທີ່ຜ່ານມາ ປະຈຸບັນຊາວບ້ານຍັງມີນ້ຳໃຊ້ສຳລັບນ້ຳອາບ ແລະ ຊັກເຄື່ອງ ແຕ່ຂາດແຄນນ້ຳສະອາດສຳລັບດື່ມ ແລະ ແຕ່ງກິນ ເຊັ່ນດຽວກັບແຂວງສຽມຖານ ທາງຕາເວັນຕົກສຽງເໜືອທາງການເລີ່ມແຈກນ້ຳສະອາດໃຫ້ກັບຊາວບ້ານກວ່າ 1.600 ຄອບຄົວ.
ສ່ວນແຂວງບັນເຕີຍມຽນເຈຍ ທາງພາກຕາເວັນຕົກສຽງເໜືອ ຊາວບ້ານບາງແຫ່ງຂາດແຄນນ້ຳສະອາດຢ່າງຮຸນແຮງເຖິງຂັ້ນຕ້ອງຊື້ນ້ຳກິນນ້ຳໃຊ້ ສະເພາະນ້ຳສຳລັບອາບ 2 ພັນລິດລາຄາ 40 ພັນເຣີຍ ທາງການທ້ອງຖິ່ນເປີດເຜີຍວ່າ ໄດ້ຂໍຄວາມຊ່ວຍເຫຼືອຈາກທາງການລະດັບແຂວງ ແຕ່ໄດ້ຮັບຄຳຕອບວ່າ ບໍ່ມີນ້ຳໃຫ້ ຈຶ່ງໄດ້ຂໍຄວາມຊ່ວຍເຫຼືອຈາແຂວງພະຕະບອງທີ່ຢູ່ໃກ້ກັນຊຶ່ງຮັບປາກວ່າຈະສົ່ງນ້ຳມາໃຫ້ໄວໆນີ້.
ແຫຼ່ງຂ່າວ: ເສດຖະກິດ-ສັງຄົມ