ສຳນັກ​ຂ່າວ​ຕ່າງປະ​ເທດ​ລາຍງານ​ວ່າ ລັດຖະບານ​ເວ​ເນ​ຊູ​ເອລາ​ຍັງ​​ປະກາດ​ມາດ​ຕະການ​ປະຢັດ​ໄຟຟ້າ ຫຼັງ​ຈາກ​ປະສົບ​ວິ​ຂາດ​ແຄນ​ພະລັງງານ​ຕໍ່​ເນື່ອງ ​ໂດຍ​ຫຼ້າ​ສຸດ​ໄດ້​ສັ່ງ​ງົດ​ປ່ອຍ​ໄຟຟ້າ​ທົ່ວ​ປະ​ເທດ​ວັນ​ລະ 4 ຊົ່ວ​ໂມງ ຊຶ່ງ​ຈະ​ເລີ່​ມມາດ​ຕະກາ​ນດັ່ງກ່າວ​ໃນ​ອາທິດ​ໜ້າ ​ໂດຍ​ຂໍ້ຄວາມ​ຮ່ວມ​ມື​ຈາກ​ປະຊາຊົນ​ທຸກ​ພາກສ່ວນ.

ສຳ​ລັບ​ມາດ​ຕະການ​ນີ້​ຈະ​ບັງຄັບ​ໃຊ້​ເບື້ອງ​ຕົ້ນ 40 ວັນ ຫຼື ຈົນ​ກວ່າ​ຈະ​ມີ​ນໍ້າ​ໃນ​ເຂື່ອນ​ພຽງພໍ​ທີ່​ຈະ​ສາມາດ​ຜະລິດ​ກະ​ແສ​ໄຟຟ້າ​ເພື່ອ​ໄດ້​ໃຊ້​ກັນ​ທົ່ວ​ປະ​ເທດ​.

​ໂດຍ​ກ່ອນ​ໜ້າ​ນີ້ ທ່ານ ນິ​ໂຄ​ລັສ ມາ​ດູ​ໂຣ ປະທານາທິບໍດີ​ເວ​ເນ​ຊູ​ເອລາ ​ໄດ້​ປະກາດ​ພັກວຽກອາທິດ​ລະ 3 ວັນ​ຄື ວັນ​ສຸກ, ​ເສົາ​, ອາທິດ ​ໂດຍ​​ເລີ່​ມຕົ້ນ​ແລ້ວ​ຕັ້ງ​ແຕ່​ຕົ້ນ​ເດືອນ​ເມສາ​ໄປ​ຈົນ​ເຖິງ​ວັນ​ທີ 6 ມິຖຸນາ 2016 ​ເນື່ອງ​ຈາກ​ແຜນ​ສຸກ​ເສີນ​ຂອງ​ປະ​ເທດ​ທີ່​ຕ້ອງ​ປະຢັດ​ພະລັງງານ​ໄຟຟ້າ.