spot_img
Homeຂ່າວທ້ອງຖິ່ນອພບຕ ເມືອງປາກເຊ ລະບຸ ມີຂີ້ເຫຍື້ອເກີດຂຶ້ນທົ່ວເມືອງ ປະມານ 80 ໂຕນຕໍ່ວັນ!

ອພບຕ ເມືອງປາກເຊ ລະບຸ ມີຂີ້ເຫຍື້ອເກີດຂຶ້ນທົ່ວເມືອງ ປະມານ 80 ໂຕນຕໍ່ວັນ!

Published on

ຂປລ. ທ່ານ ບຸນນາດ ຊຸມພົນພັກດີ ຮອງປະທານຜູ້ປະຈຳການ ອົງການພັດທະນາ ແລະ ບໍລິຫານຕົວເມືອງ (ອພບຕ) ເມືອງປາກເຊ ແຂວງຈຳປາສັກ ໃຫ້ສຳພາດຕໍ່​ສື່​ມວນ​ຊົນ ​ໃນ​ວັນ​ທີ 19 ​ເມສາ ນີ້ວ່າ: ປັດຈຸບັນ ຢູ່ເມືອງປາກເຊ ມີຂີ້ເຫຍື້ອເກີດຂຶ້ນ ປະມານ 80 ໂຕນຕໍ່ວັນ, ໃນນັ້ນ ອພບຕ ສາມາດ ບໍລິຫານຈັດການ ແລະ ເກັບມ້ຽນຂີ້ເຫຍື້ອ ໄດ້ປະມານ 50% ​ເນື່ອງ​ຈາກງົບປະມານ ບໍ່ພຽງພໍ, ພາຫານະຂົນສົ່ງຂີ້ເຫຍື້ອ ໄປສູ່ສະໜາມມີໜ້ອຍ ທັງເກົ່າແກ່ຊຸດໂຊມ ຈຶ່ງບໍ່ສາມາດເກັບມ້ຽນ ຂີ້ເຫຍື້ອໄດ້ຢ່າງທົ່ວເຖິງ.

ຕໍ່ ​ບັນຫາ​ດັ່ງກ່າວ, ທ່ານ ບຸນນາດ ຊຸມພົນພັກດີ ​ໄດ້​ຮຽກຮຽກຮ້ອງ ໃຫ້ທຸກພາກສ່ວນ, ທຸກອົງການ ຈັດຕັ້ງໃນສັງຄົມ ຕະຫລອດຮອດຊຸມຊົນຕ່າງໆ ຈົ່ງໄດ້ມີສ່ວນຮ່ວມ ແລະ ເປັນເຈົ້າການ ໃນການບໍລິຫານຈັດການ ແລະ ເກັບມ້ຽນຂີ້ເຫຍື້ອ ທີ່ຕົນເອງສ້າງຂຶ້ນ ໃນແຕ່ລະວັນ ສິ່ງສຳຄັນ ຕ້ອງແຍກຂີ້ເຫຍື້ອ ແຕ່ລະປະເພດອອກ ໃຫ້ລະອຽດ ຈຶ່ງນຳໄປວາງໄວ້ ຕາມສະຖານທີ່ໆເໝາະສົມ ເພື່ອຄວາມສະດວກ ໃນການຈັດການ ກໍຄື ຂົນສົ່ງໄປສູ່ສະໜາມ ກຳຈັດຂີ້ເຫຍື້ອ, ຂີ້ເຫຍື້ອບາງປະເພດ ທີ່ສາມາດທຳລາຍໄດ້ ກໍຄວນທຳລາຍກັບທີ່ ດ້ວຍຕົນເອງ ຖ້າຂີ້ເຫຍື້ອທີ່ຂາຍໄດ້ ກໍຄວນເກັບຂາຍ ເພື່ອເຮັດໃຫ້ຕົວເມືອງປາກເຊ ກໍຄືແຂວງຈຳປາສັກ ມີຄວາມສະອາດສວຍງາມ ແລະ ​ເປັນ​ເມືອງ​ທີ່ໜ້າຢູ່.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...