ເປັນເວລາບໍ່ດົນຫຼັງຈາກທີ່ Huawei ໄດ້ເປີດໂຕສະມາດໂຟນເຮືອທຸງລຸ້ນໃໝ່ຄື P9 ແລະ P9 Plus ຢ່າງເປັນທາງການ ທີ່ມີພັນທະມິດແບບ Leica ມາໃຫ້ຄຳແນະນຳດ້ານຂອງກ້ອງ. ໃນອາທິດນີ້ເອງກໍມີຂ່າວຄາວຂອງລຸ້ນນ້ອງຂອງຕະກູນ P9 ອອກມາເລື້ອຍໆ P9 Lite ຜ່ານການຮັບຮອງຈາກ TENAA ແລະມື້ນີ້ເອງເຮົາກໍມີຂ່າວດີມາຝາກຄືທາງ Huawei ອອກມາປະກາດຢ່າງເປັນທາງການແລ້ວວ່າລຸ້ນນ້ອງແບບ P9 Lite ຈະເປີດໂຕໃນເດືອນພຶດສະພາທີ່ຈະຮອດນີ້

ເຮົາມາທົບທວນສະເປັກຂອງ Huawei P9 Lite ນຳກັນເລີຍວ່າມີຫຍັງແດ່?

ສະເປັກຂອງ Huawei P9 Lite ແບບບໍ່ເປັນທາງການ:

– ໜ້າຈໍຂະໜາດ 5.2 ນິ້ວ, ຄວາມລະອຽດ 1920 x 1080 ພິກເຊວ (FHD)
– ຊິບປະມວນຜົນ Kirin 650 ຄວາມແຮງຢູ່ທີ່ 2.0 GHz
– RAM 2GB ແລະ 3GB (ແລ້ວແຕ່ປະເທດທີ່ຈຳໜ່າຍ)
– ROM 16GB ຮອງຮັບ microSD ສູງສຸດ 128GB
– ກ້ອງຫຼັງຄວາມລະອຽດ 13 ລ້ານພິກເຊວ
– ໃຊ້ງານລະບົບ Android 6.0 Marshmallow ທັບດ້ວຍ EMUI 4.1
– ແບັດເຕີຣີ 2900 mAh
– ໂຕເຄື່ອງມີສັດສ່ວນຢູ່ທີ່ 146.8 × 72.6 × 7.5 ມມ ແລະໜັກ 143 ກຣາມ (ເຊິ່ງໜັກກວ່າ P8 Lite ປະມານ 10 ກຣາມ),
– ໂຕເຄື່ອງມີໃຫ້ເລືອກ 3 ສີໄດ້ແກ່: ສີຂາວ, ສີດຳ ແລະສີທອງ ສີບົວ

ທີ່ມາ:phonearena