ຈາກການສອບຖາມໂຮງໝໍມິດຕະພາບ 150 ຕຽງ, ເສດຖາທິລາດ ແລະ ໂຮງໝໍອື່ນໃນນະຄອນຫຼວງວຽງຈັນໃນວັນທີ 20 ເມສານີ້ໃຫ້ຮູ້ວ່າ: ຈາກລະພາບອາກາດທີ່ຮ້ອນແຮງດັ່ງປັດຈຸບັດອາດເປັນສາເຫດໃຫ້ພະຍາດຕາມລະດູການເກີດການລະບາດໄດ້ງ່າຍ, ໂດຍສະເພາະພະຍາດທີ່ມາຈາກອາຫານເຊັ່ນ: ພະຍາດຖອກທ້ອງ, ອະຫິວາ ແລະ ໄຂ້ຊະນິດຕ່າງໆ, ປັດຈຸບັດຢູ່ໂຮງໝໍຫຼາຍແຫ່ງໄດ້ມີຄົນເຈັບພະຍາດຖອກທ້ອງເຂົ້າມາປິ່ນປົວແລ້ວເປັນຈຳນວນຫຼາຍ, ຊຶ່ງມີທັງເດັກນ້ອຍ ແລະ ຜູ້ໃຫຍ່, ພ້ອມທັງມີພະຍາດໄຂ້ຫວັດ ແລະ ໄຂ້ຍຸງເກີດຂື້ນແຕ່ຍັງມີຈຳນວນໜ້ອຍ, ເຖິງຢ່າງໃດກໍຕາມເພື່ອປ້ອງກັນບໍ່ໃຫ້ພະຍາດດັ່ງກ່າວແຜ່ລະບາດອອກສູ່ວົງກວ້າງ ,ຈຶ່ງເຕືອນໃຫ້ປະຊາຊົນມີສະຕິເອົາໃຈໃສ່ຮັກສາສຸຂະພາບໃຫ້ດີ, ໂດຍສະເພາະແມ່ນໃຫ້ເອົາໃຈໃສ່ປະຕິບັດຕາມຫຼັກການອະນາໄມ 3 ສະອາດຢ່າງເຂັ້ມງວດ, ເປັນຕົ້ນການກິນຢູ່ໃຫ້ສະອາດ, ບໍ່ຄວນກິນອາຫານສຸກໆດິບໆ ແລະ ຕ້ອງເກັບມ້ຽນອາຫານການກິນໃຫ້ດີເພື່ອບໍ່ໃຫ້ແມງວັນມາຈັບ-ຕອມ,ສິ່ງສຳຄັນແມ່ນຕ້ອງລ້າງມື້ທຸກຄັ້ງກອນ ແລະ ຫຼັງກິນອາຫານ, ໝັ່ນທຳຄວາມສະອາດຮ່າງກາຍ, ເຄື່ອງນຸ່ງຫົ່ມ ແລະ ທີ່ຢູ່ອາໃສ່ເປັນປະຈຳ, ພ້ອມທັງເປັນເຈົ້າການຕັກເຕືອນລູກຫຼານຂອງຕົນໃຫ້ເຂົ້າເຈົາປະຕິບັດຫຼັກ ການອະນາໄມ 3 ສະອາດຢ່າງເຄັ່ງຄັດເພື່ອຫຼີດເວັນພະຍາດທີ່ມັກເກີດຂື້ນໃນລະດູຮ້ອນນີ້.
ຂ່າວຈາກ: 