ເພາະເຫດໃດຈິ່ງຫ້າມບໍ່ໃຫ້ຈັບລູກໂຍນຂຶ້ນສູງໆ ອ່ານຈົບແລ້ວທ່ານຈະບໍ່ຢາກເຮັດທັນທີ! - ລາວໂພສຕ໌ Laopost

Click here - to use the wp menu builder

HomeBaby-ແມ່ແລະເດັກເພາະເຫດໃດຈິ່ງຫ້າມບໍ່ໃຫ້ຈັບລູກໂຍນຂຶ້ນສູງໆ ອ່ານຈົບແລ້ວທ່ານຈະບໍ່ຢາກເຮັດທັນທີ!

ເພາະເຫດໃດຈິ່ງຫ້າມບໍ່ໃຫ້ຈັບລູກໂຍນຂຶ້ນສູງໆ ອ່ານຈົບແລ້ວທ່ານຈະບໍ່ຢາກເຮັດທັນທີ!

Baby-ແມ່ແລະເດັກ

Published on

20/04/2016

By ບຸດສະດີ ສາຍນ້ຳມັດ

15100

000

ເຫັນຜູ້ໃຫຍ່ຫຼາຍຄົນມັກຈັບເດັກນ້ອຍໂຍນຂຶ້ນວູງໆ ບາງເທື່ອກໍ່ແກ່ວງໄປມາ ເຫັນລູກຫົວດີໃຈກໍ່ນຶກວ່າມັກ ລາວໂພສຕ໌ເລີຍມີຜົນຮ້າຍຂອງມັນມາບອກວ່າ ທີ່ຈິງແລ້ວການກະທຳເຫຼົ່ານີ້ເປັນອັນຕະລາຍຕໍ່ສະໝອງຂອງລູກເຮົາໄດ້ ເຊື່ອວ່າພໍ່ແມ່ຫຼາຍໆຄົນຍັງບໍ່ເຄີຍຮູ້ຈັກ Shaken Baby Syndrome ເວລາຫຼິ້ນກັບລູກແບບນີ້ອາດເຮັດໃຫ້ລູກໄດ້ຮັບບາດເຈັບຂັ້ນຮຸນແຮງໄດ້ ຕ້ອງລະວັງຢ່າງຫຼາຍທີ່ສຸດ.

6 ພຶດຕິກຳທີ່ຜູ້ໃຫຍ່ຄວນຫຼີກລ່ຽງ

1. ອຸ້ມເດັກຂຶ້ນຈັບກ່ອງຮັກແຮ້ ແລ້ວສັ່ນໆ ແກ່ວງໄປມາ

2. ຫຼີກລ່ຽງການຫຼິ້ນທີ່ໂຍນຮັບເດັກຂຶ້ນລົງ

3. ຖ້າໃຫ້ເດັກນ້ອຍນັ່ງຕັກ ຫຼື ບ່າໄຫລ່ ຕ້ອງລະວັງບໍ່ໃຫ້ເດັກກົ້ມຕົວລົງໄປດ້ານຢ່າງກະທັນຫັນ

4. ຫຼີກລ່ຽງການກອດ/ອຸ້ມເດັກແລ້ວໝູນຕົວຢ່າງໄວວາ

5. ເວລາອຸ້ມເດັກນ້ອຍຕ້ອງໃຊ້ມືປະຄອງຫົວລູກໄວ້ສະເໝີຢ່າລືມເດັດຂາດ

6. ເວລານັ່ງລົດເດີນທາງໄປທາງໃດກໍ່ຄວນລະວັງ ບໍ່ໃຫ້ຫົວຂອງລູກຕ້ອງແກ່ວງໄປມາ.

ໂດຍສ່ວນຫຼາຍໂອກາດຈະເກີດກັບເດັກນ້ອຍທີ່ມີອາຍຸຕ່ຳກ່ວາ 1 ປີ ພົບເປັນປະຈຳແມ່ນລະຫວ່າງ 3-8 ເດືອນ Shaken Baby Syndrome ເກີດຈາກການສັ່ນຕົວເດັກຢ່າງຮຸນແຮງ ຈົນເກີດການກະທົບທາງສະໝອງ ຈົນເຮັດໃຫ້ຕາບອດ, ເປັນອຳມະພາດ, ຊັກກະຕຸກ ຫຼື ອາດເຖິງຂັ້ນເສຍຊີວິດ

ເວລາດູແລເດັກບໍ່ວ່າຈະດ້ວຍເຫດຜົນໃດກໍ່ຕາມບໍ່ຄວນສັ່ນເດັກ ຖ້າບໍ່ລະວັງເກີດສັ່ນເດັກແຮງໆແລ້ວເດັກນ້ອຍເກີດມີອາການຊັກກະຕຸກ, ຮາກ, ໃຫ້ຟ້າວເອົາເດັກນ້ອຍໄປພົບແພດທັນທີ ບົດຄວາມນີ້ມີປະໂຫຍດຢ່າລືມບອກຕໍ່ເດີ້.

ຂໍ້ມູນຈາກ: http://www.rak-sukapap.com/

ບົດຄວາມຫຼ້າສຸດ