ປະຊາຊົນຊາວບຶງການ ປະເທດໄທ ທີ່ເປັນແຂວງໜຶ່ງຂອງໄທກົງກັນຂ້າມກັບແຂວງບໍລິຄຳໄຊ ໄດ້ພາກັນແຫ່ກັນໄປເບິ່ງພາລະກິດກູ້ເຮືອກຳປັ່ນອາຍນ້ຳທີ່ຈົມນ້ຳມາເປັນເວລາ 70 ປີີ ເພື່ອເອົາຂຶ້ນມາເປັນມໍລະດົກໄວ້ໃຫ້ລູກຫຼານສອງຝັ່ງຂອງໄດ້ຊົມ ແລະສຶກສາຮຽນຮູ້.
ເນື່ອງຈາກກໍລະນີພົບເຮືອກຳປັ່ນບັນທຸກສິນຄ້າຈຳພວກວາຍຈາກນະຄອນພະນົມເພື່ອລຳລຽງທວນກະແສນ້ຳຂຶ້ນໄປຂາຍຍັງນະຄອນຫຼວງວຽງຈັນ ແຕ່ລະຫວ່າງການເດິນທາງເຮືອໄດ້ຮົ່ວແລ້ວຈົມລົງສູ່ພື້ນແມ່ນ້ຳຂອງທີ່ບ້ານທ່າໄຄ້ ຕາແສງບຶງການ ເມືອງແລະແຂວງບຶງການ ເຮັດໃຫ້ສອງຜົວເມຍຊາວຝຣັ່ງຍອມຕາຍພ້ອມກັນເປັນຜີເຝົ້າສົມບັດຢູ່ໃນເຮືອ ຂະນະທີ່ຄົນອື່ນໆ ທັງກັບຕັນເຮືອນແລະພະນັກງານໃນເຮືອຕ່າງກໍສະລະເຮືອລອຍເຂົ້າຝັ່ງຢ່າງປອດໄພ ເຫດເກີດໃນເວລາກາງຄືນຂອງເດືອນສິງຫາ ປີ 1946 ຕໍ່ມາຈຶ່ງໄດ້ມີຄວາມພະຍາຍາມກູ້ເຮືອກຳປັ່ນດັ່ງກ່າວ 2 ເທື່ອຄືປີ 1947 ແລະປີ 1949 ແຕ່ບໍ່ສຳເລັດ.
ຈົນມາເຖິງເດືອນເມສາ ປີນີ້ 2016 ຊາວບຶງການໄດ້ໂຮມແຮງໂຮມໃຈໄດ້ເງິນ 700,000 ກວ່າບາດ ພ້ອມກັນກູ້ຊາກເຮືອກຳປັ່ນອາຍນ້ຳທີ່ເຮັດດ້ວຍເຫຼັກລຳນີ້ຂຶ້ນ ເພື່ອອະນຸລັກໄວ້ເປັນອະນຸສອນໃຫ້ຄົນລຸ້ນຫຼັງໄດ້ຊົມແລະສຶກສາຮຽນຮູ້ຕໍ່ໄປ.
