ສຳນັກຂ່າວຕ່າງປະເທດ ລາຍງານຄວາມຄືບໜ້າ ເຫດການແຜ່ນດິນໄຫວ ຄັ້ງໃຫຍ່ທີ່ ເມືອງ ຄຶມະໂມໂຕະ, ເກາະຄິວຊູ ປະເທດຍີ່ປຸ່ນ.
ປັດຈຸບັນ ຍອດຜູ້ເສຍຊີວິດເພີ່ມເປັນ 41ຄົນ, ບາດເຈັບຫຼາຍກວ່າ 1,000ຄົນ ເຊິ່ງໃນນັ້ນມີຜູ້ບາດເຈັບສາຫັດ 184ຄົນ ແລະ ຍັງມີຜູ້ຕິດຢູ່ກ້ອງຊາກຕຶກເປັນຈຳນວນຫຼາຍ. ຊາວບ້ານກວ່າ 90ພັນຄົນ ຕ້ອງອົບພະຍົບອອກຈາກບ້ານເຮືອນ, ອາຄານຕ່າງໆເປ່ເພເສຍຫາຍໄປກວ່າ 1,700ຫຼັງ ແລະ ເສຍຫາຍເລັກນ້ອຍ 1,400ຫຼັງ ພາລະກິດການກູ້ໄພເປັນໄປຢ່າງຊັກຊ້າ ເນື່ອງຈາກດິນເຈື່ອນລົງມາປິດເສັ້ນທາງ ແລະ ຂົວ, ເຖິງຈະປະຕິບັດໜ້າທີ່ຍາກລຳບາກພຽງໃດ ເຈົ້າໜ້າທີ່ກໍ່ຍັງຮີບຟ້າວເຂົ້າຊ່ວຍເຫຼືອປະຊາຊົນຢ່າງເຕັມທີ່ ແລະ ນີ້ແມ່ນຄໍາເວົ້າບາງຕອນ ຂອງຜູ້ປະສົບໄພ :
– ພວກເຮົາຈະບໍ່ແຕກຕື່ນ
– ພວກເຮົາຕ້ອງຍຶດຖືຄວາມປອດໄພເປັນຫລັກ
– ຕ້ອງຍື່ນມືຊ່ວຍເຫລືອ ເຊິ່ງກັນແລະກັນ
– ຕ້ອງຊ່ວຍເຫລືອຄົນທີ່ຈໍາເປັນທີ່ສຸດກ່ອນ
– ເຊືອໝັ້ນສະເຫມີວ່າ ໝົດທຸກຄົນຈະບໍ່ຖີ້ມກັນ ແລະ ການຊ່ວຍເຫລືອກຳລັງຈະມາຮອດໄວໆນີ້
ໄພພິບັດແຜ່ນດິນໄຫວຢູ່ ຄຶມະໂມໂຕະ ຄັ້ງນີ້ເປັນອີກຄັ້ງທີ່ຮຸນແຮງໃນປະຫວັດສາດຍີ່ປຸ່ນ ແລະ ເປັນແຜນດິນໄຫວທີ່ຍັງສືບຕໍ່ເປັນໄລຍະເວລາ 2-3 ມື້.
ທາງທີມງານລາວໂພສຕ໌ຂໍສະແດງຄວາມເສຍໃຈມາຍັງຜູ້ປະສົບໄພໃນເຫດການຄັ້ງນີ້ດ້ວຍ!
