ສຳນັກຂ່າວຕ່າງປະເທດ ລາຍງານໃນວັນທີ 8 ເມສາຜ່ານມານີ້ວ່າ ອົງການສົນທິສັນຍາປ້ອງກັນແອັດແລນຕິກເໜືອ ຫລື ນາໂຕ້ ຈະມີການເປີດປະຊຸມຮ່ວມກັນກັບຣັດເຊຍ ຄັ້ງທຳອິດໃນຮອບ 2 ປີ ໂດຍທ່ານ ເຈນສ໌ ສະໂຕເລນເບີກ ເລຂາທິການນາໂຕ້ ໄດ້ອອກມາລະບຸວ່າ ທັງສອງຝ່າຍ ອາດຈະມີການລົງນາມ ເພື່ອແກ້ໄຂຟື້ນຟູຄວາມສຳພັນລະຫວ່າງກັນ ນັບຕັ້ງແຕ່ວິກິດການທາງການເມືອງ ຢູ່ປະເທດອູແກຣນເປັນຕົ້ນມາ. ທັງນີ້ ກອງປະຊຸມຈະຈັດຂຶ້ນທີ່ສຳນັກງານໃຫຍ່ຂອງນາໂຕ້ ທີ່ນະຄອນຫລວງບຣຸກແຊນ ປະເທດແບນຊິກ.