ອົງການຂ່າວລາຍງານຈາກເມືອງ Melbourne ປະເທດອົດສະຕາລີ ເມື່ອວັນທີ່ 6 ພຶດສະພາ ນັກວິໃຈອາວຸໂສທີ່ເຮັດງານໃຫ້ອົງກອນອານາໄມໂລກ ຮ່ວມກັບສູນປະສານງານຂໍ້ມູນແລະການວິໃຈຂອງອົດສະຕາລີ ເຊິ່ງເປັນຫົວໜ້າທີມວິໃຈຂອງອົດສະຕາລີ ໃນເມືອງ Melbourne ເຊິ່ງເປັນຫົວໜ້າທີມວິໃຈ ໃນປະເດັນດັ່ງກ່າວເຜີຍວ່າ ທີມວິໃຈກວດພົບໄວຣັສໄຂ້ຫວັດນົກສາຍພັນໃໝ່ “H11N2” ໃນນົກເພັນກິ່ນອະເດເລຍ ເຊິ່ງອາໃສຢູ່ບໍລິເວນມະຫາສະໝຸດ Antarctica ຕັ້ງຢູ່ທາງຕອນເໜືອສຸດຂອງທະວີບ Antarctica .

ໂດຍທາງທີມນັກວິໃຈ ໃດ້ເກັບຕົວຢ່າງຂີ້ບໍລິເວນກົ້ນ ແລະຫຼອດລົມຂອງນົກເພັນກິ່ນ ສາຍພັນດັ່ງກ່າວ ຈຳນວນ 301 ໂຕ ໃນຊ່ວງເດືອນ ມັງກອນ-ກຸມພາ ປີ 2013  ນອກຈາກນີ້ ຍັງເກັບຕົວຢ່າງເລືອດຂອງນົກຈຳນວນ 270 ອີກດ້ວຍ ທັ້ງນີ້ນັກວິໃຈກວດພົບໄວຣັສໄຂ້ຫວັດນົກ ໃນ 8 ໂຕທີ່ເກັບມາ ໃນຈຳນວນນີ້ 6 ຕົວຢ່າງມາຈາກເພັນກິ່ນໃຫຍ່ເຕັມທີ່ແລະ 2 ຕົວຢ່າງມາຈາກເພັນກິ່ນທີ່ຍັງນ້ອຍ

ຜົນການວິເຄາະເຊື່ອໄວຣັສດັ່ງກ່າວພົບວ່າ ໄວຣັສຕົວຢ່າງທັ້ງໝົດເປັນສາຍພັນ “H11N2” ເຊິ່ງເປັນສາຍພັນທີ່ບໍ່ເຮັດໃຫ້ນົກປ່ວຍ ແລະຍັງບໍ່ພົບວ່າຈະສາມາດຕິດຕໍ່ ໄປຍັງສັດຊະນິດອື່ນໂດຍສະເພາະສັດລຽງລູກດ້ວຍນົມ ພາຍໃນ DNA ບໍ່ມີເຊື້ອໄວຣັສ ໄຂ້ຫວັດນົກສາຍພັນອື່ນໆທີ່ພົບຢູ່ເທິງໂລກນີ້ອີກດ້ວຍ ງານວິໃຈດັ່ງກ່າວໃດ້ຮັບການເຜີຍແພ່ຢູ່ວາລະສານຊື່ດັ່ງ “embryo” ຂອງສະຫະລັດ