ອົງການຂ່າວລາຍງານຈາກປັກກິ່ງ ປະເທດຈີນ ເມື່ອວັນທີ່ 7 ພຶດສະພາ ຊາຍຊາວຈີນຄົນໜຶ່ງເສຍຊີວິດຈາກ ໄວຣັສໄຂ້ຫວັດນົກສາຍພັນ H5N6 ເຊິ່ງເຊື່ອວ່າເປັນກໍລະນີທຳອິດຂອງໂລກ ທີມະນຸດຕິດເຊື້ອຈາກ ໄວຣັສຊະນິດນີ້ ອົງການຂ່າວຊິນຫົວແຈ້ງວ່າ ຈາກຜົນການທົດສອບ ຊາຍດັ່ງກ່າວອາຍຸ 49ປີ ໃດ້ຮັບເຊື້ອໄວຣັສໄຂ້ຫວັດນົກ H5N6 ເຊິ່ງຜູ້ປ່ວຍໃດ້ຈັບສັດປີກທີ່ຕາຍແລ້ວ ແລະເບືອງຕົ້ນແພດຄິດວ່າເປັນໂລກປອດບວມ ຂະນະທີ່ຊາວບ້ານທີ່ຢູ່ໃກ້ກັບຊາຍຜູ້ນີ້ ຍັງບໍ່ມີອາການອອກມາ ຜູ້ຊ່ຽວຊານລະບຸວ່າມີການຕິດເຊື້ອພຽງຄົນດຽວ ແລະມີຄວາມສ່ຽງຕ່ຳ ທີ່ການຕິດເຊື້ອຈະລຸກລາມ
ສ່ວນສູນຄວບຄຸມໂລກຂອງ ໄຕ້ຫວັນລາຍງານວ່າ ກ່ອນໜ້ານີ້ກວດພົບ ໄວຣັສ H5N6 ໃນສະພາບແວດລ້ອມຂອງເຢຍລະມັນ ສະວີເດັນ ແລະສະຫະລັດອາເມລິກາ ສ່ວນໂຕເລກກ່ຽວກັບໄຂ້ຫວັດນົກຢູ່ຈີນ ໃນປີນີ້ຊ່ວງລະຫວ່າງເດືອນ ມັງກອນ-ມີນາ ປາກົດວ່າ ມີຄົນໃດ້ຮັບເຊື້ອ 250 ຄົນ ແລະ 96 ຄົນ ເສຍຊີວຶດຈາກໄຂ້ຫວັດສາຍພັນ H7N9 ເມື່ອທຽບກັບປີທີ່ແລ້ວມີຄົນຕາຍ 46 ຄົນ ແລະຕິດເຊື້ອ 144 ຄົນຈາກການລະບາດຂອງ H7N9.