ຄຣິສຕອບ ມຸລເລີ ປະທານບໍລິຫານບໍລິສັດມາເລເຊຍ ແອລາຍກ່າວວ່າ ສາຍການບິນມີລາຍງານຜົນກຳໄລຕໍ່ເດືອນເປັນຄັ້ງທຳອິດເມື່ອເດືອນກຸມພາ ນັບເປັນຕົວເລກກຳໄລລາຍເດືອນຄັ້ງທຳອິດໃນຮອບຫຼາຍປີ ແລະກຳລັງເຂົ້າສູ່ແດນບວກພາຍໃນປີ 2018.
ຖະແຫລງການລະບຸວ່າ ສາຍການບິນມາເລເຊຍມີຜົນກໍາໄລຕໍ່ເດືອນແລ້ວ ແລະເປັນສັນຍານວ່າຈະກັບມີກໍາໄລຕາມປົກກະຕິອີກຄັ້ງ ຂະນະທີ່ຕຸ້ນທຶນຫລຸດລົງ ຊຶ່ງເປັນຜົນມາຈາກຄ່າເຊື້ອໄຟຕົກຕໍ່າລົງ ຫຼັງຈາກທີ່ເກີດເຫດວິກິດກັບຖ້ຽວບິນສາຍການບິນມາເລເຊຍສອງຄັ້ງເມື່ອປີ 2014, ແນວໃດກໍ່ຕາມ ຜູ້ບໍລິຫານກ່າວວ່າ ບັນຫາໃຫຍ່ຍັງລວມເຖິງເສັ້ນທາງບິນທີ່ຍັງບໍ່ແນ່ນອນ ຕົ້ນທຶນຄ່າໃຊ້ຈ່າຍສູງ ແລະລະບົບເຕັກໂນໂລຊີຂໍ້ມູນຍັງບໍ່ທັນສະໄໝ; ທ້າວ ມຸລເລີໄດ້ຮັບມອບໝາຍໃຫ້ເຂົ້າມາບໍລິຫານເມື່ອກວ່າປີກ່ອນເພື່ອຍົກເຄື່ອງສາຍການບິນຕາມແຜນມູນຄ່າ 1.500 ລ້ານໂດລາ ຊຶ່ງລວມເຖິງການຫລຸດຕຳແໜ່ງງານ 6.000 ຕຳແໜ່ງ.