spot_img
Homeຂ່າວການພັດທະນາຈະ­ເລີນ​ຊັບສຳ​ຫຼວດ​ກຽມສ້າງ​ເຂື່ອນໃສ່ 5 ສາຍ​ນໍ້າຢູ່​ແຂວງ​ບໍ​ລິ​ຄຳ​ໄຊ

ຈະ­ເລີນ​ຊັບສຳ​ຫຼວດ​ກຽມສ້າງ​ເຂື່ອນໃສ່ 5 ສາຍ​ນໍ້າຢູ່​ແຂວງ​ບໍ​ລິ​ຄຳ​ໄຊ

Published on

ພະ​ແນກ​ແຜນ­ການ-ການ​ລົງ­ທຶນແຂວງ​ບໍ​ລິ​ຄຳ​ໄຊສົມ­ທົບ​ກັບ​ກຸ່ມ​ບໍ­ລິ­ສັດຈະ­ເລີນ​ຊັບ​ຄົບ​ວົງ​ຈອນຈຳ­ກັດ ໄດ້​ຈັດ​ພິທີ​ເຊັນ​ບົດ​ບັນ­ທຶກ​ຄວາມ​ເຂົ້າ­ໃຈ​ສຶກ​ສາຄວາມ​ເປັນ​ໄປ​ໄດ້​ໃນ​ການ​ກໍ່­ສ້າງ​ເຂື່ອນໄຟ­ຟ້າ​ນ້ຳ­ຕົກ​ຂະ­ໜາດ​ນ້ອຍ 5 ສາຍ​ນ້ຳຄື:ນ້ຳ​ທວາຍ ເມືອງ​ທ່າ​ພະ​ບາດ, ນ້ຳ​ປັນ, ນ້ຳ​ຍະ​ລາ, ນ້ຳ​ຈຳ ເມືອງ​ໄຊ​ຈຳ​ພອນ ແລະ​ນ້ຳ​ຈວນ ເມືອງ​ວຽງ​ທອງ ແຂວງ ບໍ​ລິ​ຄຳ​ໄຊ ຂຶ້ນ​ໃນ​ວັນ​ທີ 4 ເມ­ສາ​ນີ້​ຢູ່ ໂຮງ­ແຮມ​ໂຊກ​ບຸນ​ມາ ຊຶ່ງ​ຕາງ­ໜ້າ​ແຂວງ ເຊັນ​ໂດຍ ທ່ານ ພອນ​ທິ​ລາດ ສິດ​ສາ­ທອນ ຫົວ­ໜ້າ​ພະ​ແນກ​ແຜນ­ການ-ການ​ລົງ­ທຶນແຂວງແລະ​ຕາງ­ໜ້າ​ບໍ­ລິ­ສັດເຊັນ​ໂດຍ ທ່ານ ກະ­ເສີມ​ສັກ ແກ້ວ​ໄຊ​ຍະ​ວົງ ອຳນວຍ​ການ​ກຸ່ມ​ບໍ­ລິ­ສັດ​ຈະ­ເລີນ​ຊັບ​ຄົບ​ວົງ​ຈອນ ຈຳ­ກັດ, ມີ​ຫົວ­ໜ້າ​ພະ​ແນກ​ພະ­ລັງງານ-ບໍ່​ແຮ່​ຫົວ­ໜ້າ​ພະ​ແນກ​ຊັບ​ພະ­ຍາກອນ​ທຳ​ມະ​ຊາດແລະ​ສິ່ງ­ແວ­ດລ້ອມແຂວງ, ທີ່​ປຶກ­ສາ​ຂອງບໍ­ລິ­ສັດ ເຊັນ​ຮ່ວມເປັນ​ສັກ­ຂີ​ພິ­ຍານ ໂດຍ​ຊ້ອງ​ໜ້າ ທ່ານ ດຣ. ກອງ​ແກ້ວ ໄຊ​ສົງ­ຄາມ ເຈົ້າ­ແຂວງໆ ບໍ​ລິ​ຄຳ​ໄຊ, ພ້ອມ​ດ້ວຍ​ຫົວ­ໜ້າ​ພະ​ແນກການ​ທີ່​ກ່ຽວ­ຂ້ອງ, ພະ­ນັກ­ງານ, ວິ­ຊາການ​ທັງ​ສອງ​ຝ່າຍ​ເຂົ້າ​ຮ່ວມ.

ໂຄງ­ການ​ສຳ​ຫຼວດ​ສຶກ​ສາ​ຄວາມ​ເປັນ ໄປ​ໄດ້​ໃນ​ການ​ພັດ­ທະ­ນາ​ເຂື່ອນ​ໄຟ­ຟ້າ​ນ້ຳ­ຕົກ​ຂະ­ໜາດ​ນ້ອຍ  5 ສາຍ​ນ້ຳ​ດັ່ງ­ກ່າວ ເປັນ​ໂຄງ­ການ​ໜຶ່ງ​ທີ່​ນອນ​ຢູ່​ໃນ​ທ່າ­ແຮງຂອງ​ແຂວງ​ບໍ​ລິ​ຄຳ​ໄຊ​ເພື່ອ​ຈັດ​ຕັ້ງ​ຜັນ​ຂະຫຍາຍ​ແຜນ​ພັດ­ທະ­ນາ​ເສດ­ຖະ­ກິດ​ສັງຄົມ​ໃຫ້​ໄປ​ຕາມ​ທິດ​ອຸດ­ສາ­ຫະ­ກຳ ແລະ ທັນ​ສະ­ໄໝ, ເຮັດ​ໃຫ້​ໂຄງ​ປະ­ກອບ​ເສດ​ຖະກິດ​ຄ່ອຍ​ຫັນ­ປ່ຽນ​ຈາກ​ຂົງ­ເຂດ​ກະ­ສິ­ກຳ ກວມ​ອັດ­ຕາ​ສ່ວນ​ຫຼາຍ ແລະ​ ເຂົ້າ​ສູ່​ຂົງ­ເຂດອຸດ­ສາ­ຫະ­ກຳ ແລະ​ການ​ບໍ­ລິ­ການ​ເພີ່ມ​ຂຶ້ນ.

ໂຄງ­ການ​ກໍ່­ສ້າງ​ເຂື່ອນ​ໄຟ­ຟ້າ​ນ້ຳ­ຕົກ ຂະ­ໜາດ​ນ້ອຍ ແຂວງ​ບໍ​ລິ​ຄຳ​ໄຊ, ທັງ 5 ສາຍ​ນ້ຳ​ນີ້​ຄາດ​ຄະ­ເນ​ຄວາມ​ສາ­ມາດ​ໃນ​ການ​ຕິດ​ຕັ້ງ​ເຄື່ອງ​ຈັກ​ຜະ­ລິດ​ໄຟ­ຟ້າ​ແຕ່ລະ​ສາຍ​ນ້ຳ​ໄດ້​ປະ­ມານ 15 ເມ​ກາ​ວັດ, ໂດຍ​ແມ່ນ​ກຸ່ມ ບໍ­ລິ­ສັດ ຈະ­ເລີນ​ຊັບ ຈຳ­ກັດ ເປັນ​ຜູ້​ລົງ­ທຶນ​ໃນ​ການ​ລົງ​ສຳ​ຫຼວດ​ເກັບ ກຳ​ຂໍ້​ມູນ​ທາງ​ດ້ານ​ພູ­ມິ­ສາດ, ອຸ​ທົກ​ກະສາດ, ສັງ­ຄົມ ແລະ​ຄິດ­ໄລ່​ຜົນ​ຕອບ​ແທນ ທາງ​ດ້ານ​ເສດ­ຖະ­ກິດ. ຖ້າ​ມີ​ຄວາມ​ເປັນໄປ​ໄດ້ບໍ­ລິ­ສັດ ດັ່ງ­ກ່າວ ຈະ​ສືບ­ຕໍ່​ລົງ­ທຶນພັດ­ທະ­ນາ​ໃນ​ການ​ກໍ່­ສ້າງ​ຕໍ່​ໄປ. ໂດຍ​ໄລຍະ​ໃນ​ການ­ຈັດ­ຕັ້ງ​ປະ­ຕິ­ບັດ (MOU) ແຕ່​ລະ​ສາຍ​ນ້ຳ18 ເດືອນ.

ສະ­ນັ້ນ ເພື່ອ​ໃຫ້​ສອດ­ຄ່ອງ​ກັບ​ກົດໝາ­ຍ ວ່າ​ດ້ວຍ​ການ​ສົ່ງ­ເສີມ​ການ​ລົງ­ທຶນ ແລະ​ນິ­ຕິ​ກຳ​ລະ­ບຽບ​ການ​ຕ່າງໆ​ທີ່​ກ່ຽວຂ້ອງ ແລະ​ເພື່ອ​ເຮັດ​ໃຫ້​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ຫັນ​ສູ່​ລະ­ບຽບ​ການ​ນັ້ນຈິ່ງ​ໄດ້​ເຊັນ​ສັນ­ຍາ​ໄວ້​ເພື່ອ​ເປັນ​ຫຼັກ​ຖານ.

ທີ່ມາ:logo

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...