ຂປລ. ຕາມການໃຫ້ສຳພາດ ຂອງທ່ານ ສົມບັດ ແສນພັນຊ່ອງ ຫົວໜ້າພະແນກ ອຸດສາຫະກໍາ ແລະ ການຄ້າ ແຂວງຈຳປາສັກ ໃຫ້ຮູ້ວ່າ: ໄລຍະບຸນ ປີໃໝ່ລາວປີນີ້ ເຈົ້າໜ້າທີ່ ທຸກພາກສ່ວນ ທີ່ກ່ຽວຂ້ອງ ຈະເປັນເຈົ້າການ ຢ່າງເຂັ້ມງວດ ໃນການປະຕິບັດ ໜ້າທີ່ຂອງຕົນ ໃນການຕິດຕາມກວດກາ ຄຸ້ມຄອງລາຄາສິນຄ້າ ແລະ ຄ່າບໍລິການເພື່ອ ຫລີກເວັ້ນການສວຍໂອກາດ ຂຶ້ນລາຄາສິນຄ້າ ແລະ ຄ່າບໍລິການຂອງຜູ້ປະກອບການ ຖ້າເຈົ້າໜ້າທີ່ພົບເຫັນ ພຶດຕິກໍາດັ່ງກ່າວ ແມ່ນຈະໄດ້ມີການ ສຶກສາອົບຮົມ ແລະ ປັບໃໝ ຕາມລະບຽບການ ທີ່ກໍານົດໄວ້.
ທ່ານ ສົມບັດ ແສນພັນຊ່ອງ ຍັງໄດ້ຮຽກຮ້ອງ ໃຫ້ຜູ້ບໍລິການຄ້າຂາຍ ຈົ່ງມີຈັນຍາບັນ ໃນການເຮັດອາຊີບຂອງຕົນ ດ້ວຍການຊື້-ຂາຍ, ເກັບຄ່າບໍລິການ ດ້ວຍຄວາມເໝາະສົມ, ຮັບປະກັນຄຸນນະພາບ, ຄວາມສະອາດຂອງສິນຄ້າ ທີ່ທາງເຈົ້າໜ້າທີ່ ແຕ່ລະພາກສ່ວນ ໄດ້ກໍານົດໄວ້.
ແຫລ່ງຂ່າວ:
