ໄຊສົມບູນເປັນແຂວງໜຶ່ງທີ່ໄດ້ປະກອບສ່ວນສຳຄັນໃນການພັດທະນາເສດຖະກິດ-ສັງຄົມ ຂອງຊາດໂດຍການນຳໃຊ້ທ່າ ແຮງບົ່ມຊ້ອນພາຍໃນແຂວງເປັນ
ຕົ້ນແມ່ນທີ່ຕັ້ງ ແລະພູມສັນຖານ ຂອງແຂວງທີ່ວ່າເໝາະສົມໃຫ້ແກ່ ການສ້າງເຂື່ອນສາມາດດຶງດູດນັກລົງທຶນໃຫ້ມີສ່ວນຮ່ວມໃນການພັດທະນາສົ່ງຜົນໃຫ້ໃນໄລ ຍະຜ່ານມາແຂວງໄຊສົມບູນຖືເອົາ ການລົງທຶນໃສ່ການສ້າງເຂື່ອນ ໄຟຟ້າເປັນຕົ້ນຕໍ.
ອີງຕາມຂໍ້ມູນຂອງພະແນກ ແຜນການ ແລະການລົງທຶນແຂວງ ໃຫ້ຮູ້ວ່າ: ປະຈຸບັນການຜະລິດພະ ລັງງານກະແສໄຟຟ້ານ້ຳຕົກພາຍ ໃນແຂວງ ສາມາດຜະລິດໄດ້ ທັງ ໝົດ 328 ລ້ານກິໂລວັດໂມງ ແລະ ໄດ້ມີການຂະ ຫຍາຍຕາຂ່າຍໄຟຟ້າ ໄປເຖິງທຸກເມືອງໃນທົ່ວແຂວງ ແລ້ວ, ບ້ານທີ່ມີໄຟຟ້າໃຊ້ຖາວອນ ແລ້ວມີຈຳນວນ 74 ບ້ານ ກວມ ເອົາ 77,89% ຂອງບ້ານທັງໝົດ ໃນທົ່ວແຂວງ, ຄອບຄົວທີ່ໄດ້ຊົມ ໃຊ້ໄຟຟ້າແລ້ວມີ 13 ພັນກວ່າຄອບ ຄົວ ກວມເອົາ 79,88% ຂອງຄອບຄົວທັງໝົດ ແລະບ້ານທີ່ຍັງບໍ່ ທັນໄດ້ໃຊ້ໄຟຟ້າມີ 22 ບ້ານ ກວມ ເອົາ 22,11%, ຄອບຄົວທີ່ຍັງບໍ່ ໄດ້ຊົມໃຊ້ໄຟຟ້າມີ 3 ພັນກວ່າຄອບ ຄົວກວມເອົາ 20,11%.
ພ້ອມກັນນັ້ນ ບັນດາໂຄງການ ເຂື່ອນໄຟຟ້ານ້ຳຕົກຂະໜາດໃຫຍ່ ແລະຂະໜາດນ້ອຍໄດ້ມີການສຳ ຫຼວດ, ສຶກສາຄວາມເປັນໄປໄດ້ ແລະລົງມືກໍ່ສ້າງມີທັງໝົດ 22 ໂຄງການ ໃນນັ້ນ ເຂື່ອນທີ່ສາມາດ ຜະລິດກະແສໄຟຟ້າໃຊ້ແລ້ວ ມີ 2 ເຂື່ອນຄື: ເຂື່ອນໄຟຟ້ານ້ຳເລິກ ແລະເຂື່ອນໄຟຟ້ານ້ຳງື່ມ 2, ມີກຳ ລັງການຜະລິດ 675 MW, ເຂື່ອນທີ່ກຳລັງດຳເນີນການກໍ່ສ້າງມີ 6 ເຂື່ອນຄື: ເຂື່ອນນ້ຳງື່ມ 3, ນ້ຳໄຜ່, ນ້ຳງຽບ 1, ນ້ຳຊັນ 3B, ນ້ຳມັງ 1 ແລະເຂື່ອນນ້ຳຈຽນ(ນ້ຳແຈ) ມີ ກຳລັງການຜະລິດ 1.069 MW, ເຂື່ອນທີ່ລັດຖະບານເຊັນສັນຍາ ສຳຫຼວດກໍ່ສ້າງ (PDA) ມີ 3 ໂຄງການຄື: ເຂື່ອນນ້ຳພວນ, ນ້ຳ ບາກ 1 ແລະນ້ຳບາກ 2, ມີກຳລັງ ການຜະລິດ 272,5 MW, ເຂື່ອນ ທີ່ລັດຖະບານເຊັນສັນຍາກໍ່ສ້າງ (CA) ມີ 5 ໂຄງການຄື: ເຂື່ອນ ນ້ຳຜາໃຫຍ່, ນ້ຳແຈຕອນລຸ່ມ 1, ນ້ຳແຈຕອນລຸ່ມ 2, ນ້ຳແຈຕອນລຸ່ມ 3 ແລະນ້ຳເຜືອກມີກຳລັງການຜະ ລິດ 49 MW, ເຂື່ອນທີ່ແຂວງ ເຊັນສັນຍາ (CA) ແລະສັນຍາຄຸ້ມຄອງໄຟຟ້າຂະໜາດນ້ອຍ 2 ເຂື່ອນຄື: ເຂື່ອນນ້ຳຜາໃຫຍ່ ແລະ ນ້ຳເຜືອກມີກຳລັງການຜະລິດ 19 MW, ເຂື່ອນໄຟຟ້ານ້ຳຕົກຂະ ໜາດນ້ອຍທີ່ໄດ້ເຊັນບົດບັນທຶກ ຄວາມເຂົ້າໃຈ (MOU) ມີ 6 ໂຄງການຄື: ເຂື່ອນນ້ຳຕ່າຍ, ນ້ຳຍາມ, ນ້ຳທອງ, ນ້ຳແທງ, ນ້ຳມັງ 2- ນ້ຳປະປາ ມີກຳລັງການຜະລິດປະ ມານ 29,4 MW, ນອກນັ້ນ ຍັງມີ ການສຶກສາຄວາມເປັນໄປໄດ້ຂອງໄຟຟ້າພະລັງງານລົມເຂດເມືອງອະນຸວົງ ແລະເມືອງລ້ອງຊານ.
ແຫລ່ງຂ່າວຈາກ: 