spot_img
Homeຂ່າວຕ່າງປະເທດປາກີສະຖານຝົນຕົກໜັກນ້ຳຖ້ວມ

ປາກີສະຖານຝົນຕົກໜັກນ້ຳຖ້ວມ

Published on

ສຳນັກຂ່າວເອພີລາຍງານຈາກເມືອງເປຊາວາຣ໌ ປະເທດປາກີສະຖານ ເມື່ອວັນທີ 3 ເມສາ ວ່າ ຝົນຕົກໜັກຂ້າມຄືນ ຕັ້ງແຕ່ຄືນວັນເສົາທີ 2 ເມສາ ທີ່ຜ່ານມາ ເຮັດໃຫ້ເກີດມີນ້ຳຖ້ວມກະທັນຫັນໃນວັນອາທິດ ໃນພື້ນທີ່ຫຼາຍເມືອງຂອງແຂວງ ໄຄເບີຣ໌ ທາງພາກຕະເວັນຕົກສຽງເໜືອຂອງປາກີສະຖານ ຕິດກັບເຂດຊາຍແດນອັຟການິສຖານ.

ທ່ານ ລາສຕິຟ ອູຣ໌ ເຣຫ໌ມານ ເຈົ້າໜ້າທີ່ສຳນັກງານການຈັດການໄພພິບັດແຫ່ງຊາດ ກ່າວວ່າ ໄດ້ຮັບລາຍງານຜູ້ເສຍຊີວິດຢ່າງໜ້ອຍ 55 ສົບ ຈາກອາຄານບ້ານເຮືອນພັງຖະລົ່ມ ແລະ ຈົມນ້ຳ ແລະ ໄດ້ຮັບບາດເຈັບອີກ 60 ຄົນ ຖືກນຳຕົວສົ່ງໂຮງໝໍ.

ນ້ຳຖ້ວມກະທັນຫັນເກີດເປັນປະຈຳໃນຊ່ວງມໍລະສຸມລະດູຮ້ອນໃນເຂດອາຊີໃຕ້ ຝົນຕົກກ່ອນມໍລະສຸມສ້າງຄວາມເສຍຫາຍໃຫ້ປາກີສະຖານ ໂດຍສະເພາະທ້ອງຖິ່ນເຂດຊົນນະບົດ ເຊິ່ງໂຄງສ້າງເຮືອນບໍ່ແຂງແຮງ ທ່ານ ເຣຫ໌ມານ ກ່າວວ່າ ທາງການປະກາດໃຫ້ປະຊາຊົນທີ່ອາໃສຢູ່ພື້ນທີ່ສ່ຽງ ລວມເຖິງຕາມແຄມ 2 ຝາກຝັ່ງແມ່ນ້ຳສາຍຕ່າງໆ ໃຫ້ມີສະຕິລະວັງຕົວ ຫຼື ອົບພະຍົບອອກຈາກພື້ນທີ່ດັ່ງກ່າວໄປຢູ່ພື້ນທີ່ທີ່ປອດໄພກ່ວານີ້.

ທ້າວ ຮາບິບ ຊ່ານ ຊາວບ້ານທີ່ອາໃສຢູ່ໃນເຂດພູເຂົາສວອດ ທາງພາກເໜືອ ເຜີຍຕໍ່ຜູ້ສື່ຂ່າວໂທລະພາບທ້ອງຖິ່ນວ່າ ປະຊາຊົນຖືກປະປ່ອຍໃຫ້ຢູ່ຕາມຍະຖາກຳ ຍັງບໍ່ມີເຈົ້າໜ້າທີ່ຈາກພາກລັດເຂົ້າໄປໃຫ້ການຊ່ວຍເຫຼືອໃດໆເລີຍແມ້ແຕ່ຄົນດຽວ.

 

ແຫລ່ງຂ່າວຈາກ: ເວັບໄຊ໌ ເດລີນີສ.ຄອມ

ບົດຄວາມຫຼ້າສຸດ

ສານລັດຖະທຳມະນູນ ເຫັນດີຮັບຄຳຮ້ອງ ຢຸດການປະຕິບັດໜ້າທີ່ ຂອງ ທ່ານ ນາງ ແພທອງ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ເລີ່ມແຕ່ມື້ນີ້ເປັນຕົ້ນໄປ

ສານລັດຖະທຳມະນູນ ເຫັນດີຮັບຄຳຮ້ອງຢຸດການປະຕິບັດໜ້າທີ່ຂອງ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ຕັ້ງແຕ່ວັນທີ 1 ກໍລະກົດ 2025 ເປັນຕົ້ນໄປ. ອີງຕາມເວັບໄຊ້ຂ່າວ Channel News...

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...