spot_img
Homeຄວາມຮູ້ກ່ຽວກັບ AECບັນດາປະເທດທີ່ມີບຸນປີໃໝ່ ຫຼື ບຸນຫົດນ້ຳຄືກັນກັບລາວ

ບັນດາປະເທດທີ່ມີບຸນປີໃໝ່ ຫຼື ບຸນຫົດນ້ຳຄືກັນກັບລາວ

Published on

“ປະເພນີບຸນກຸດສົງການປີໃໝ່” ບໍ່ແມ່ນເປັນຂອງປະເທດລາວປະເທດດຽວເທົ່ານັ້ນ ເຊິ່ງປະເພນີບຸນກຸດສົງການຍັງມີປະເທດທີ່ຖືສາດສະໜາພຸດຮ່ວມກັນຢູ່ 5 ປະເທດເຊັ່ນ: ລາວ, ໄທ, ມຽນມາ, ກຳປູເຈຍ ແລະ ສິບສອງປັນນາໃນຈີນອີກດ້ວຍ.

ວັນນີ້ລາວໂພສຕ໌ຈະມານຳສະເໜີການຫຼິ້ນບຸນປີໃຫມ່ຂອງແຕ່ລະປະເທດ ພວກເຂົາເປັນແນວໃດ ຈະຄືກັນກັບບ້ານເຮົາ ຫຼື ບໍ່ ເຮົາມາເບິ່ງໄປພ້ອມໆກັນເລີຍ.

ບຸນກຸດສົງການ “ບຸນປີໃໝ່ທີ່ລາວ”

“ບຸນປີໃໝ່ທີ່ປະເທດລາວ” ຈັດຂຶ້ນໃນຊ່ວງເດືອນ 5 ລາວ (ເດືອນເມສາ) ເຊິ່ງຈະຈັດຂຶ້ນໃນວັນທີ 14-16 ເມສາ ຂອງທຸກປີ, ປີໃໝ່ລາວຈະແບ່ງອອກເປັນ 3 ມື້ ຄື: ວັນທຳອິດ ຈະເອີ້ນວ່າ “ສັງຂານລ່ວງ” ວັນທີສອງຈະເອີ້ນວ່າ “ວັນເນົາ” ແລະ ວັນທີສາມ ຈະເອີ້ນວ່າ “ວັນສັງຂານຂຶ້ນ” ຮີດທີ່ຄົນລາວປິຕິບັດໃນວັນປີໃໝ່ຈະມີການບາສີສູ່ຂັວນ ອວຍພອນເຊິງກັນແລະ ກັນ, ມີການສົມມາພໍ່ແມ່ ແລະ ຍາດຜູ້ໃຫຍ່, ການເລາະສົງນ້ຳພຣະ, ມີພິທີແຫ່ນາງສັງຂານ, ການເຮັດບຸນຕັກບາດຖວາຍອາຫານໃຫ້ພຣະ, ການຕົບພະຊາຍ ແລະ ມີການຫລິ້ນນ້ຳຄົບງັນມ່ວນຊື່ນອີກດ້ວຍ.
       
ສຳລັບແຫລ່ງທ່ອງທ່ຽວທີ່ໂດດເດັ່ນມີສື່ສຽງທີ່ສຸດໃນລາວໃນຊ່ວງປີໃໝ່ລາວ ຕ້ອງແມ່ນທີ່ຫຼວງພະບາງ ໂດຍສະເພາະປະເພນີ ແຫ່ນາງສັງຂານ ທີ່ງົດງາມ ອະລັງການຫາທີ່ປຽບບໍ່ໄດ້ ເຊິ່ງແຕ່ລະປີຈະມີນັກທ່ອງທ່ຽວທັງພາຍໃນ ແລະ ຕ່າງຊາດເດີນທາງມາສຳພັດບັນຍາກາດປີໃໝ່ທີ່ເມືອງນີ້ເປັນຈຳນວນຫຼວງຫຼາຍ.  

 

“ບຸນປີໃໝ່ທີ່ປະເທດໄທ” ຈັດຂຶ້ນໃນຊ່ວງເດືອນ 5 ລາວ (ເດືອນເມສາ) ເຊິ່ງຈະຈັດຂຶ້ນໃນວັນທີ 13-15 ເມສາ ຂອງທຸກປີ, 

ກິດຈະກຳການຫຼິ້ນປີໃໝ່ໃນໄທປະເພນີກໍ່ຈະຄ້າຍຄືກັນກັບການຫຼິ້ນບຸນປີໃໝ່ໃນລາວ ແລະ ກຳປູເຈຍ ເຊິ່ງກິດຈະກຳຈະມີ ການບາສີສູ່ຂັວນ ອວຍພອນເຊິງກັນແລະ ກັນ, ມີການສົມມາພໍ່ແມ່ ແລະ ຍາດຜູ້ໃຫຍ່, ການເລາະສົງນ້ຳພຣະ, ມີພິທີແຫ່ນາງສັງຂານ, ການເຮັດບຸນຕັກບາດຖວາຍອາຫານໃຫ້ພຣະ, ການຕົບພະຊາຍ ແລະ ມີການຫລິ້ນນ້ຳຄົບງັນມ່ວນຊື່ນອີກດ້ວຍ.

Songkran_25

“ບຸນປີໃໝ່ທີ່ ມຽນມາ” ຈັດຂຶ້ນໃນຊ່ວງເດືອນ 5 (ເດືອນເມສາ) ເຊິ່ງຈະຈັດຂຶ້ນໃນວັນທີ 13-17 ຂອງທຸກປີ ເຊິ່ງຊາວມຽນມາ ເອີ້ນ ບຸນກຸດສົງການນີ້ວ່າ ປະເພນີ ເຫຍ່ບະແວຕໍ ແປວ່າ ພິທີການຫຼິ້ນນ້ຳ
       
       ປະຊາຊົນມຽນມາ ສະເຫຼີມສະຫຼອງວັນສົ່ງທ້າຍປີເກົ່າຕອນຮັບປີໃໝ່ ໂດຍການຫຼິ້ນສາດນ້ຳຕະຫຼອດ 5 ວັນ ນອກຈາກນີ້ພວກເຂົາຍັງຖືວ່າເປັນຊ່ວງໄລຍະ ມົງຄຸນ ຈິ່ງນຳຍົມເຂົ້າວັດ ຮັກສາສິນ ສົງນ້ຳພຣະພຸດທະຮູບ ແລະ ເຈດີ ມີການສົງນ້ຳໃຫ້ຜູ້ໃຫຍ່ ແລະ ສະຜົມໃຫ້ຜູ້ເຖົ້າຜູ້ແກ່ດ້ວຍນ້ຳສົ້ມປ່ອຍ ແລະ ເມື້ອສິ້ນສຸດວັນສົງການຊາວມຽນມາ ຈະຈັດງານບວດຈົວນ້ອຍໃຫ້ລູກຊາຍ ແລະ ຈັດງານບ່ອງຫູໃຫ້ລູກສາວ ດັ່ງນັ້ນ ຊ່ວງຫຼັງສົງການຈະເຫັນຂະບວນແຫ່ລູກແກ້ວ ແລະ ລູກຍິງໄປຕາມທ້ອງຖະໜົນ ແລະ ຮອບລານພຣະເຈດີ ຕາມວັດຕ່າງໆ ຈິ່ງມີຈົວນ້ອຍອົງໃໝ່ຢູ່ກັນເຕັມແທບທຸກວັດ

img_fbf450266a7a180d3461ecb4592dcbc0

“ບຸນປີໃໝ່ທີ່ປະເທດກຳປູເຈຍ” ຊາວກຳປູເຈຍ ຈະເອີ້ນບຸນປີໃໝ່ນີ້ວ່າ ໂຈລຊນຳທເມຍ ເຊິ່ງຈະຈັດຂຶ້ນບາງປີກໍ່ຈັດໃນວັນທີ 13-15 ຫຼື 14-16 ເມສາຂອງທຸກປີ.

 ເທດສະການປີໃໝ່ຂອງຊາວກຳປູເຈຍ ກິດຈະກຳຈະມີ ການເຮັດບຸນຕັກບາດ, ການຕົບພະຊາຍ, ສົງນ້ຳພຣະ, ມີການຫຼິ້ນເທສະການພື້ນບ້ານ ເຊິ່ງຈະແບ່ງອອກເປັນ 3 ວັນຄື: ວັນທຳອິດ ຊາວບ້ານຈະໄປເຮັດບຸນຕັກບາດ ມີການຂົນຊາຍເຂົ້າວັດ ເພື່ອກຽມກໍ່ເຈດີຊາຍ ຫຼື ຕົບພະຊາຍ, ວັນທີສອງເປັນວັນຂອງຄອບຄົວ ພໍ່ແມ່ລູກ ແລະ ຍາດພີ່ນ້ອງຈະມາຮວວວມຕົວກັນ ອາດມີການໃຫ້ຂອງຂັວນເນື່ອງໃນວັນຂຶ້ນປີໃໝ້ອີກດ້ວຍ ສ່ວນໃນຕອນຄ່ຳຈະມີການກໍ່ເຈດີຊາຍຮ່ວມກັນ ວັນທີສາມຈະມີການຫຼິ້ນມ່ວນຊື່ນຕ່າງໆ ສົງນ້ຳພຣະພຸດທະຮູບ, ສົງນ້ຳຜູ້ໃຫຍ່ເພື່ອຄວາມເປັນສີລິມຸງຄຸນ.

PNOHT570413001006401

“ບຸນປີໃໝ່ ສິບສອງປັນນາ ປະເທດຈີນ” ບຸນປີໃໝ່ຂອງຊາວໄຕ ສິບສອງປັນນາ ມົນທົນ ຢູນນານ ທາງທິດໃຕ່ຂອງປະເທດຈີນ ໂດຍສະເພາະເມືອງ ຈີງຫົງ ຫຼື ເມືອງ ຊຽງຮຸ່ງ ຈະຈັດງານບຸນປີໃໝ່ປະມານວັນທີ 13-15 ເມສາ ເອີ້ນວ່າ ເທສະການ ພົວສຸ່ຍເຈຍ ໂດຍມີການຈັດກິດຈະກຳສະເຫຼີມສະຫຼອງຕ່າງໆ ດ້ວຍຄວາມມມ່ວນຊື່ນ.
       
       ກິດຈະກຳຫຼັກໆ ທີ່ມີໃນບຸນປີໃໝ່ສິບສອງປັນນາກໍ່ຄື ການແຂ່ງຂັນເຮືອມັງກອນ ອັນເປັນເອກະລັກຂອງເທສະການນີ້ ການຟ້ອນລຳນົກຍຸງ ທີ່ມີຄວາມເຊື່ອວ່ານົກຍຸງຈະນຳພາຄວາມໂຊກດີມາໃຫ້ ມີການຮ້ອງລຳທຳເພງຕ່າງໆ ນອກຈາກນີ້ຍັງມີການຫຼິ້ນນ້ຳ ແລະ ການຫົດນ້ຳເຊິ່ງກັນ ແລະ ກັນໃຫ້ຄົນໃນເມືອງນີ້ ພ້ອມທັງຄົນທີ່ຜ່ານມາຢ້ຽມຢາມ ເພາະເຊື່ອວ່າເປັນການຊຳລະລ້າງສິ່ງບໍ່ດີອອກໄປຈາກຕົວເອງ.

W020081201808819032580

 

 

 

 

 

 

 

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...