ເວັບໄຊຂ່າວອັງກິດ ເດີະເມໂທ ລາຍງານຈາກກຸງເຣຄະຍາວິກ ປະເທດໄອແລນ ເມື່ອວັນທີ 30 ມີນາວ່າ ທ້າວເມດ ບອດເທັນ ອາຍຸ 32 ປີຊາວອັງກິດຈາກເມືອງຄາດີບ ແຄວ້ນສະກ໋ອດແລນ ປະເທດອັງກິດ ຕັດສິນໃຈບໍ່ເສຍຄ່າໂຫຼດນ້ຳນັກກະເປົ່າໃຫ້ກັບສາຍການບິນ ອີຊີເຈັດ ມູນຄ່າ 45 ປອນອັງກິດ ຂະນະເດີນທາງຈາກສະໜາມບິນລອນດອນແກດວິກໄປຍັງກຸງເຣຄະຍາວິກ ປະເທດໄອແລນ ລາວເລືອກວິທີການນຸ່ງເຄື່ອງທຸກໂຕທີ່ຢູ່ໃນກະເປົ໋າ ຈົນເຮັດໃຫ້ກະເປົ໋າຫວ່າງແລະສາມາດຍ່າງຂື້ນຍົນໄດ້
ທັງນີ້ທີ່ໂຕຂອງລາວເຊິ່ງນຸ່ງເສື້ອຜ້າທັບກັນໄປມາຈົນໜາແໜ້ນ ປະກອບໄປດ້ວຍເສື້ອຍືດ ເສື້ອກັນໜາວ ແລະເກີບຈຳນວນຫຼາຍຊິ້ນຈົນເຈົ້າໜ້າທີ່ຮັກສາຄວາມປອດໄພທີ່ສະໜາມບິນ ເອີ້ນໂຕມາສອບສວນແລ້ວກໍ່ປ່ອຍໄປ ເຮັດໃຫ້ເຂົາແລະແຟນສາວ ສາມາດເດີນທາງເຖີງຈຸດມຸ່ງໝາຍຕາມກຳໜົດການ ທັງນີ້ທ້າວບອດເທັນ ໄດ້ໂພສພາບຂອງຕົນເອງທີ່ນຸ່ງເຄື່ອງທຸກໂຕລົງໃນເຟສບຸກ ພ້ອມຂຍນຄຳບັນຍາຍວ່າ “ຂ້ອຍກຳລັງຈະກັບໄປປະເທດໄອແລນ”
ແຫລ່ງຂ່າວຈາກ: 