ສຳນັກຂ່າວບີບີຊີລາຍງານເມື່ອວັນທີ 1 ເມສາ ຫົວເວີຍ ບໍລິສັດເຕັກໂນໂລຊີສັນຊາດຈີນ ລະບຸວ່າ ຜົນປະກອບການໃນປີ 2016 ຢູ່ທີ່ 3,95 ແສນລ້ານຢວນ ເຮັດໃຫ້ກຳໄລເພີ່ມສູງຂຶ້ນຈາກປີກ່ອນ 3,69 ໝື່ນລ້ານຢວນ ຫຼື ຄິດເປັນ 33% ປັດໄຈຈາກຄວາມຕ້ອງການສະມາດໂຟນ ແລະ ອຸປະກອນອື່ນໆຂອງບໍລິສັດທີ່ຫຼາຍຂຶ້ນ.
ຫົວເວີຍລະບຸວ່າ ປັດໄຈຫຼັກມາຈາກຜູ້ບໍລິໂພກທີ່ຕ້ອງການຊື້ຫຼາຍຂຶ້ນ 73% ຈາກປີກ່ອນ ດ້ວຍສາເຫດທີ່ວ່າ “ອຸປະກອນຄຸນນະພາບສູງທີ່ສາມາດມອບປະສົບການການນຳໃຊ້ທີ່ສຸດຍອດ ລວມເຖິງການເຕີບໂຕຂອງຫົວເວີຍໃນຖານະກາສິນຄ້າທີ່ມີຜູ້ນິຍົມບໍລິໂພກຫຼາຍຂຶ້ນ”.
ຫົວເວີຍຍັງເປັນໜຶ່ງໃນບໍລິສັດໂທລະຄົມມະນາຄົມທີ່ໃຫຍ່ທີ່ສຸດບໍລິສັດໜຶ່ງ ແຕ່ຖືກຫ້າມຈຳໜ່າຍໃນປະເທດສະຫະລັດອາເມລິກາ ແລະ ອົດສະຕຣາລີຈາກຄວາມຢ້ານເຖິງໄພຈໍລະກຳຂໍ້ມູນ, ຢ່າງໃດກໍ່ຕາມ ອຸປະກອນເອເລັກໂຕຣນິກອື່ນໆ ລວມເຖິງໂທລະສັບມືຖືໄດ້ຮັບອະຍຸຍາດໃຫ້ຂາຍໃນຕະຫຼາດສະຫະລັດໄດ້.