ວັນທີ 29 ມີນານີ້ ທ່ານ ພູວົງບຸນຊູ ຫົວໜ້າພະແນກກະສິກຳ ແລະປ່າໄມ້ ແລະທ່ານ ບົວພັນ ກອນດາວົງ ຮອງຫົວໜ້າພະແນກຊັບພະຍາກອນນ້ຳ ແລະສິ່ງແວດລ້ອມ ແຂວງວຽງຈັນ ພ້ອມຄະນະລົງຕິດຕາມກວດກາໂຄງການປູກໄມ້ວິກຂອງບໍລິສັດບົວລະພາກະສິກຳ-ປ່າໄມ້ຈຳກັດທີ່ເມືອງຫີນເຫີບ ເພື່ອປະເມີນຜົນກະທົບຕໍ່ສິ່ງແວດລ້ອມ, ຂະນະທີ່ທ່ານ ນາງ ສຸໄພວັນ ທ່ຽງຈັນໄຊ ຮອງອຳນວຍການບໍລິສັດ ແລະພະນັກງານວິຊາການກໍຊີ້ແຈງເລິກການປູກໄມ້ວິກ ແລະບັນຫາສິ່ງແວດລ້ອມຄືໝາກຫົວໃຈເພື່ອບໍ່ໃຫ້ເກີດບັນຫາ.
ທ່ານ ນາງ ສຸໄພວັນ ທ່ຽງຈັນໄຊກ່າວວ່າ: ບໍລິສັດໄດ້ໃຫ້ຄວາມສຳຄັນຫຼາຍທີ່ສຸດຕໍ່ບັນຫາສິ່ງແວດລ້ອມກ່ອນຈະນຳເອົາໄມ້ວິກໄປປູກໃສ່ຕອນດິນໃດໜຶ່ງແມ່ນໄດ້ເອົາດິນໄປວິໄຈເສຍກ່ອນ ຫຼັງຈາກນັ້ນ ຈິ່ງເອົາຝຸ່ນສູດປັບປຸງດິນມາໃສ່ ເພື່ອຟື້ນຟູສະພາບດິນແລ້ວຈິ່ງປູກນອກຈາກນັ້ນ ດິນທີ່ຈະປູກກໍ່ແມ່ນປ່າເຫຼົ່າ, ດິນເປົ່າຫວ່າງເສຍຄຸນປູກໄມ້ວິກ ແລະ ສາມາດປູກພືດຊະນິດອື່ນເກີດຂຶ້ນນຳໄດ້, ສະນັ້ນໂຄງການປູກໄມ້ວິກຂອງບໍລິສັດຈິ່ງປະຫ່າງ 9 ແມັດຕໍ່ແຖວ ເພື່ອທຳການຜະລິດກະສິກຳສັບຫວ່າງ ແລະບ່ອນບໍ່ໄດ້ປູກແມ່ນຈ້າງຄົນຖາງທຸກປີ.
ທ່ານ ບົວພັນ ກອນດາວົງ ກ່າວວ່າ: ນີ້ເປັນຄັ້ງທຳອິດທີ່ໄດ້ລົງມາເບິ່ງຕົວຈິງຕ່າງຈາກຄົນເວົ້າຫຼາຍ ເພາະມາເຫັນຕົວຈິງຕົ້ນໄມ້, ຫຍ້າແລະພືດຊະນິດອື່ນເກີດຕາມກ້ອງຕົ້ນວິກຫຼາຍ ແລະກໍເຫັນຮ່ອງຮອຍຖາກຖາງຕະຫຼອດ ເມື່ອເບິ່ງແລ້ວເຂົາເຈົ້າເຮັດເປັນລະບົບຜົນກະທົບຕໍ່ສິ່ງແວດລ້ອມເກືອບວ່າບໍ່ມີ ສະນັ້ນ ໃນນາມພາກລັດ ພ້ອມຈະໃຫ້ການຮ່ວມມື ແລະເຮັດວຽກກັບບໍລິສັດຂະຫຍາຍເນື້ອທີ່ປູກຕໍ່ໄປ.
ທ່ານ ໂອລົດ ສີສູນທອນ ຫົວໜ້າຫ້ອງການຊັບພະຍາກອນນ້ຳ ແລະສິ່ງແວດລ້ອມເມືອງຫີນເຫີບກ່າວວ່າ: ສຳລັບໂຄງການປູກໄມ້ວິກຂອງບໍລິສັດບົວລະພາກະສິກຳ-ປ່າໄມ້ຈຳກັດນີ້ ເປັນໂຄງການທີ່ໄດ້ຮັບປະສິດທິຜົນເຮັດແທ້
ທຳຈິງ ນັບແຕ່ໂຄງການເຂົ້າມາພື້ນທີ່ປ່າເຫຼົ່າກໍເກີດເປັນພື້ນທີ່ເສດຖະກິດ, ຊີວິດການເປັນຢູ່ຂອງປະຊາຊົນກໍ່ມີການຫັນປ່ຽນດີຂຶ້ນປະຊາຊົນມີວຽກເຮັດງານທຳ, ມີລາຍຮັບຕໍ່ເນື່ອງ, ໃນເລື່ອງສະພາບແວດລ້ອມ ກໍມີພຽງດ້ານທີ່ພັກອາໄສຂອງສັດປ່າ, ແຫຼ່ງນ້ຳບົກແຫ້ງສາເຫດ ປະຊາຊົນສ່ວນຫນຶ່ງຖາງປ່າເຮັດໄຮ່ເຮັດໃຫ້ສະພາບປ່າແປນເປົ່າບວກໃສ່ການບຸກເບີກເນື້ອທີ່ປູກໄມ້ຂອງບໍລິສັດຈິ່ງເຮັດໃຫ້ແຫຼ່ງນ້ຳບົກແຫ້ງ ແນວໃດກໍ ຕາມພາກລັດກໍປະສານສົມທົບກັບບໍລິສັດ ເພື່ອຊ່ວຍກັນແກ້ບັນຫາແຫຼ່ງນ້ຳ ແລະຂະຫຍາຍເນື້ອທີ່ປູກຕໍ່ໄປ.
ສະຫະລັດປະກາດຄູ່ຮ່ວມມືໃໝ່ໃນບັນດາປະເທດລຸ່ມແມ່ນ້ຳຂອງອົງການພັດທະນາສາກົນສະຫະລັດອາເມລິກາ (USAID) ໄດ້ປະກາດຄູ່ຮ່ວມພັດທະນາໃໝ່ ຈຳນວນ 12 ມະຫາວິທະຍາໄລ ແລະສະຖາບັນອາຊີວະສຶກສາທີ່ມີຊື່ສຽງໃນຂົງເຂດລຸ່ມແມ່ນ້ຳຂອງ ເພື່ອໃຫ້ນັກສຶກສາໄດ້ຮັບການຝຶກຝົນທັກສະທີ່ຈຳເປັນໃນການເຮັດວຽກ, ຊຶ່ງໃນນີ້ ມີ ມະຫາວິທະຍາໄລ ແລະສະຖາບັນການທ່ອງທ່ຽວ ແລະໂຮງແຮມຂອງ ສປປ ລາວນຳ.
ບັນດາສະຖາບັນ ທີ່ໄດ້ຮັບການຄັດເລືອກໃນການແຂ່ງຂັນເຂົ້າຮ່ວມໂຄງການເຊື່ອມຕໍ່ແມ່ນ້ຳຂອງຜ່ານການສຶກສາ ແລະຝຶກອົບຮົມ (USAID COMET), ຈະສ້າງເຄື່ອຂ່າຍຂອງສູນຮຽນຮູ້ແມ່ນ້ຳຂອງ ໃນສະຖາບັນຂອງພວກເຂົາ
ໂດຍປະກອບມີ: ມະຫາວິທະຍາໄລເຕັກໂນໂລຊີ-Yatanarpon Cyber City ຂອງມຽນມາ; ສະຖາບັນເຕັກໂນໂລຊີແລະມະຫາວິທະຍາໄລ ອາຊີຕາເວັນອອກສຽງໃຕ້ ຂອງກຳປູເຈຍ; ມະຫາວິທະຍາໄລແຫ່ງຊາດ ແລະສະຖາບັນການທ່ອງທ່ຽວ ແລະໂຮງແຮມແຫ່ງຊາດຂອງ ສປປ ລາວ; ມະຫາວິທະຍາໄລ ມະຫິດົນ ແລະວິ ທະຍາໄລເຕັກນິກມາບຕາພຸດຂອງໄທ ແລະມະຫາວິທະຍາໄລເຕັກໂນໂລຊີ ແລະ ການສຶກສາໂຮ່ຈິມິນ ມະຫາວິທະຍາໄລເສດຖະສາດ; ມະຫາວິທະຍາໄລດານັງ; ມະຫາວິທະຍາໄລວິທະຍາສາດ ແລະເຕັກໂນໂລຊີຮ່າໂນ້ຍ (ຫວຽດນາມ); ວິທະຍາໄລອຸດສາຫະກຳ ເຮ້ວ Hue ຂອງຫວຽດນາມ.
“ສະຫະລັດອາເມລິກາມຸ່ງໝັ້ນທີ່ຈະພັດທະນາທ່າແຮງຂອງຊາວໜຸ່ມ, ໂດຍສະເພາະແມ່ນແມ່ຍິງ,” ທ່ານ ທອດ ໂຊເຣັນເຊິນ Todd Sorenson, ວ່າການຜູ້ອຳນວຍການລະດັບພາກພື້ນຂອງອົງການ USAID ສຳລັບອາຊີ ກ່າວວ່າ: “ຊາວໜຸ່ມຈຳເປັນຕ້ອງມີທັກສະຄວາມສາມາດດ້ານວິຊາການ, ເຊັ່ນດຽວກັນກັບຄວາມສາມາດຂອງການເຮັດວຽກພ້ອມ, ລວມທັງການເຮັດວຽກເປັນທີມ, ການສື່ສານ ແລະການປັບຕົວເພື່ອຜົນສຳເລັດ. ວິທີການທີ່ດີທີ່ສຸດສຳລັບຊາວໜຸ່ມທີ່ຈະຮຽນຮູ້ທັກສະເຫຼົ່ານີ້ ແມ່ນຜ່ານປະສົບການລົງມືເຮັດວຽກຕົວຈິງກ່ຽວກັບສະຖານະການເຮັດວຽກທີ່ແທ້ຈິງ-ໂດຍການເຊື່ອມຕໍ່ກັບຜູ້ໃຊ້ແຮງງານທີ່ແທ້ຈິງ, ຄືກັນກັບບັນດາຜູ້ທີ່ເຂົ້າຮ່ວມກັບພວກເຮົາໃນໂຄງການນີ້,”.
ອີງຕາມການຂະຫຍາຍຕົວທາງດ້ານອຸດສາຫະກຳໃນຂົງເຂດແມ່ນ້ຳຂອງຕອນລຸ່ມ, ແມ່ນມີຄວາມຕ້ອງການຢ່າງຈະແຈ້ງ ສຳລັບບັນດິດຜູ້ທີ່ຮຽນຈົບທີ່ມີຄວາມຊຳນິຊຳນານ, ຊຶ່ງຕາມການສຶກສາຂໍ້ມູນຂອງອົງການ USAID ທີ່ຜ່ານມາຂອງຜູ້ໃຊ້ແຮງງານໃນບັນດາປະເທດແມ່ນ້ຳຂອງຕອນລຸ່ມ, ຫຼາຍກວ່າ 71% ຊີ້ໃຫ້ເຫັນວ່າພວກເຂົາກຳລັງຊອກຫາທີ່ຈະຈ້າງພະນັກງານໃໝ່ ເພື່ອຈະຂະຫຍາຍທຸລະກິດຂອງເຂົາເຈົ້າ. ການດຳເນີນການສໍາຫຼວດທາງດ້ານທຸລະກິ ດຍັງໄດ້ຍົກໃຫ້ເຫັນວ່າພວກເຂົາເຈົ້າເຊື່ອວ່າ 60% ຂອງພະນັກງານ ຍັງຕ້ອງການການຝຶກອົບຮົມທັກສະເພື່ອກະກຽມຄວາມພ້ອມໃນການເຮັດວຽກ.
ຜ່ານການລົງມືປະຕິບັດຕົວຈິງພາຍໃນໜຶ່ງປີ ໃນສະຖາບັນຂອງພວກເຂົາເຈົ້າ, ສູນການຮຽນຮູ້ແມ່ນ້ຳຂອງຈະໄດ້ເຮັດວຽກຕາມຮູບແບບ Mekong Skills 2Work ແລະສ້າງເຄືອຂ່າຍລະດັບພາກພື້ນຂອງຜູ້ນຳໃນຂົງເຂດວຽກງານວິ ທະຍາສາດ, ເຕັ ກໂນໂລຊີ , ວິສະວະກຳ, ຄະນິດສາດ, ການບັນຊີ ແລະການທ່ອງທ່ຽວ. ບັນດາຄູອາຈານຈະພັດທະນາ ແລະປະຕິບັດວິທີການຮຽນຮູ້ໂດຍຜ່ານການສິດສອນຮ່ຳຮຽນໃນຫ້ອງຮຽນ ແລະໃນທົ່ວສະຖາບັນຂອງພວກເຂົາ.
ທີ່ມາ: