spot_img
Homeຂ່າວທ້ອງຖິ່ນກຸ່ມພັດທະນາກີ່ວຫຍ້າ ເມືອງຊຽງເງິນ ແຂວງຫຼວງພະບາງ ຈັດງານຫຼິ້ນບຸນຟົດ ປະຈໍາປີຂອງເຜົ່າ

ກຸ່ມພັດທະນາກີ່ວຫຍ້າ ເມືອງຊຽງເງິນ ແຂວງຫຼວງພະບາງ ຈັດງານຫຼິ້ນບຸນຟົດ ປະຈໍາປີຂອງເຜົ່າ

Published on

ການຫຼິ້ນບຸນຟົດ ຂອງຊຸມຊົນເຜົ່າກະຊັກ ຢູ່ເມືອງຊຽງເງິນ ແຂວງຫຼວງພະບາງ ເປັນຮີດຄອງປະເພນີການຫຼິ້ນບຸນປີໃໝ່ປະຈຳເຜົ່າ ທີ່ເຄີຍຈັດຕັ້ງການຫຼິ້ນມ່ວນໃນມື້ຂຶ້ນ 15 ຄໍ່າ ເດືອນສີ່ລາວຂອງທຸກໆປີ ສຳລັບບຸນຟົດໃນປີນີ້ ໄດ້ຈັດຂຶ້ນໃນວັນທີ່ 25 ມີນາ 2016 ທີ່ຜ່ານມາ ເຊິ່ງກົງກັບມື້ແຮມ 3 ຄໍ່າ ເດືອນສີ່ລາວ ຢູ່ທີ່ເດີ່ນຂອງບ້ານກີ່ວຈະລວງ ກຸ່ມບ້ານກີ່ວຫຽ້າ ເມືອງຊຽງເງິນ ແຂວງຫຼວງພະບາງ ໂດຍເປັນກຽດເຂົ້າຮ່ວມຂອງທ່ານ ເພັງ ຄຳມະວົງ ຮອງເຈົ້າເມືອງໆຊຽງເງິນ ມີອໍານາດການປົກຄອງທ້ອງຖິ່ນ ແລະ ພໍ່-ແມ່ປະຊາຊົນບ້ານອ້ອມຂ້າງເຂົ້າຮ່ວມຢ່າງຫຼວງຫຼາຍ.

ໂອກາດດັ່ງກ່າວ ທ່ານ ຫຸມພັນ ນາຍບ້ານກີ່ວຈະລວງ ໄດ້ເລົ່າໂດຍຫຍໍ້ກຽ່ວກັບປະຫວັດການເຄື່ອນຍ້າຍການຕັ້ງຖິ່ນຖານພູມລຳເນົາຂອງເຜົ່າກະຊັກ ຕະຫຼອດຮອດຄວາມເປັນມາຂອງສີລະປະການສະແດງຕ່ອຍເກິ່ງ ແລະ ການຟ້ອນດາບ ຄາບໄຫ ທີ່ມີສີສັນເປັນເອກະລັກຂອງເຜົ່າກະຊັກ ພ້ອມດຽວກັນນີ້ ທ່ານ ເພັງ ຄຳມະວົງ ຮອງເຈົ້າມືອງໆຊຽງເງິນ ກໍໄດ້ມີຄຳເຫັນກ່າວອວຍພອນພີ່ນ້ອງຊົນເຜົ່າກະຊັກທຸກຖ້ວນໜ້າ ໂດຍໄດ້ສະແດງຄວາມຍ້ອງຍໍຊົມເຊີຍຕໍ່ອຳນາດການປົກຄອງບ້ານກີ່ວຈະລວງ ກໍຄືບ້ານອ້ອມຂ້າງ ທີ່ໄດ້ມີຄວາມເອົາໃຈໃສ່ໃນການປົກປັກຮັກສາຮີດຄອງປະເພນີ ວັດທະນະທຳອັນດີງາມຂອງເຜົ່າໄວ້ໄດ້ເປັນຢ່າງດີ ແລະ ຮຽກຮ້ອງມາຍັງພີ່ນ້ອງເຜົ່າກະຊັກ ຈົ່ງພ້ອມກັນສືບຕໍ່ເສີມຂະຫຽາຍມູນເຊື້ອວັດທະນະທຳອັນດີງາມຂອງຕົນໃຫ້ນັບມື້ມີຄຸນຄ່າ ທັງມີລັກສະນະສືບທອດຕໍ່ໄປຈົນເທົ້າໃດໆ.

ຈາກນັ້ນ ມວນຊົນທີ່ເຂົ້າຮ່ວມກໍໄດ້ຊົມການສະແດງ ແຂ່ງຂັນສິລະປະຕ່ອຍເກິ່ງຂອງແຕ່ລະໜ່ວຍ ໂດຍເລີ່ມຈາກໜ່ວຍບ້ານພູຂວາ ກິ່ວໝາກນາວ ກິ່ວຫຽ້າ ຫ້ວຍເຮ້ຍ ແລະ ຕ່ອຍເກິ່ງ-ຟ້ອນດາບ ຄາບໄຫ ຂອງໜ່ວຍບ້ານກີ່ວຈະລວງ ບ້ານເຈົ້າພາບ ພ້ອມທັງຊົມລາຍການສະແດງສິລະປະຂອງນັກຮຽນປະຖົມແຕ່ລະບ້ານ ແລະ ມັດທະຍົມຕອນຕົ້ນກິ່ວຫຽ້າ ອັນໄດ້ເຮັດໃຫ້ພາຍໃນງານເຕັມໄປດ້ວຍບັນຍາກາດຟົດຟື້ນມ່ວນຊື່ນ ທັງມີຄວາມໝາຍຊົງຄຸນຄ່າຢ່າງເລິກເຊິ່ງຕາມປະເພນີແລ້ວ ເມື່ອເຖິງມື້ຂຶ້ນ 15 ຄໍ່າ ເດືອນສີ່ຂອງທຸກປີ ຊຸມຊົນ ເຜົ່າກະຊັກຈຳນວນ 6 ບ້ານ ທີ່ຢູ່ກຸ່ມພັດທະນາກີ່ວຫຽ້າຄື ບ້ານພູຂວາ ກິ່ວຈະລວງ ຫ້ວຍເຮ້ຍ ກິ່ວຫຽ້າ ກິ່ວໝາກນາວ ແລະ ບ້ານແສນອຸດົມ ຈະພ້ອມກັນ ໄປເຕົ້າໂຮມ ແລະ ຈັດຕັ້ງການຫຼິ້ນບຸນຟົດ ສະຫຼອງປີໃໝ່ປະຈຳເຜົ່າຢູ່ທີ່ບ້ານກິ່ວຈະລວງ ດ້ວຍຄວາມເບີກບານມ່ວນຊື່ນໃນແຕ່ລະປີບໍ່ໄດ້ຂາດ.
ແຫລ່ງຂ່າວຈາກ: ວິທະຍຸ-ໂທລະພາບນະຄອນຫຼວງ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...