spot_img
Homeມຸມຂ່າວ AECມຽນມ່າຂາຍກ໊າຊ 12 ເດືອນລາຍໄດ້ທະລຸ 3.200 ລ້ານໂດລາ

ມຽນມ່າຂາຍກ໊າຊ 12 ເດືອນລາຍໄດ້ທະລຸ 3.200 ລ້ານໂດລາ

Published on

557000005047401
ທໍ່ກ໊າຊຍາວ 2.520 ກິໂລແມັດເຊິ່ງລວມກັບສ່ວນທີ່ຢູ່ໃນດິນແດນມຽນມ່າ 793 ກມ

ລາຍ​ໄດ້​ຈາກ​ການ​ສົ່ງ​ອອກ​ກ໊າ​ຊ​ທຳມະຊາດ​ຂອງມຽນ​ມ່າ​ເພີ່ມ​ຂຶ້ນ​ກວ່າ 50% ໃນ​ປີ​ງົບ​ປະ​ມານ 2013-2014ທີ່​ຜ່ານມາ ລວມ​ເປັນ​ມູນ​ຄ່າ​ກວ່າ 3.200 ລ້ານ​ໂດ​ລາເຊິ່ງ​ເປັນ​ຕົວ​ເລກ​ລ່າ​ສຸດ​ກ່ຽວກັບ​ລາຍ​ໄດ້​ຈາກ​ອຸດສາຫະກຳ​ພະລັງ​ງານ​ ທີ່​ເຜີຍແພ່​ໂດຍ​ກະ​ຊວງ​ການຄ້າໂດຍ​ສະເພາະ​ແມ່ນ​ຫຼັງ​ຈາກ​ໄດ້​ເລີ່ມ​ຂາຍ​ກ໊າ​ຊ​ໃຫ້​ແກ່​ຈີນ​ ໂດຍ​ສົ່ງ​ຜ່ານ​ລະບົບ​ທໍ່​ໃນ​ທ້າຍເດືອນ ຕຸລາ.2013ເປັນ​ຕົ້ນ​ມາ.
ລາຍ​ໄດ້​ຈາກ​ກ໊າ​ຊ​ຂຶ້ນນຳ​ໜ້າ​ສິນ​ຄ້າ​ສົ່ງ​ອອກ​ອີກ 5 ປະ​ເພດ ເຊິ່ງ​ໄດ້​ແກ່ຜົນ​ຜະລິດ​ການ​ກະເສດ, ຜົນ​ຜະລິດ​ອາຫານ​ທະ​ເລ, ສິນ​ຄ້າ​ອຸດສາຫະກຳ​ສຳ​ເລັດ​ຮູບ, ຜົນ​ຜະລິດ​ຈາກ​ສັດ,ຜົນ​ຜະລິດ​ຈາກ​ປ່າ​ໄມ້​ແລະ​ສິນ​ຄ້າ​ກຸ່ມ​ແຮ້ທາດ​ຕ່າງໆໂດຍ​ໝວດ​ສິນ​ຄ້າ​ການ​ກະເສດ​ເຊິ່ງ​ໄດ້​ແກ່ ເຂົ້າ ໝາກຖົ່ວ​ແລະ​ງາ ເຂົ້າ​ໂພດຢາງ​ພາ​ລາ ນ້ຳ​ມັນ​ແກ່ນມາກ​ມ່ວງ​ຫິມະ​ພານ​ແລະ ອື່ນໆ ມາ​ເປັນ​ອັນ​ດັບ 2 ລວມ​ມູນ​ຄ່າ​ກວ່າ 2.000 ລ້ານໂ​ດ​ລາ.
ຍັງ​ບໍ່​ມີ​ການ​​ແຈງ​​ລາຍ​ລະອຽດ​ຂະນະ​ນີ້​ວ່າ​ລະຫວ່າງ​ເດືອນ ເມສາ.2013ຈົນ​ເຖິງ​ທ້າຍ​ປີ​ງົບ​ປະ​ມານ​ວັນທີ່ 31ມີນາ.2014ມຽນມ່າ​ຈຳ​ໜ່າຍ​ກ໊າ​ຊະ​ໃຫ້​ແກ່​ປະເທດ​ໄທແລະ​ຈີນ.
ມຽນມ່າ​ເລີ່ມ​ສົ່ງ​ກ໊າ​ຊ​ຈາກ​ແຫຼ່ງ​ຊາຍ​ຝັ່ງ​ທະ​ເລ​ເບງ​ກອນ ລັດ​ຍະ​ໄຂ່ຈຳ​ໜ່າຍ​ກ໊າ​ຊ​ໃຫ້​ແກ່​ຈີນ​ຜ່ານ​ລະບົບ​ທໍ່​ຕັ້ງ​ແຕ່​ວັນທີ່ 20 ຕຸລາ.2013ໂດຍ​ບໍ່​ຮູ້​ລາ​ຄາ​ຊື້​ຂາຍ​ຢ່າງ​ເປັນ​ທາງ​ການແຕ່​ໜັງສື​ພິມ​ໂກ​ບອນ​ທາຍ​ຂອງ​ທາງ​ການ​ຈີນ​ກ່າວ​ວ່າລະບົບ​ທໍ່​ທີ່​ອອກ​ມາ​ເພື່ອ​ຂົນ​ສົ່ງ​ກ໊າ​ຊ​ໃນ​ປະລິມານ 12.000 ລ້ານ​​ແມັດກ້ອນ​ຕໍ່​ປີ​ນັ້ນຈະ​ເຮັດໃຫ້​ມຽນມ່າ​ມີ​ລາຍ​ໄດ້​ປີ​ລະ 1.500 ລ້ານໂ​ດ​ລາສະຫະລັດ
ລະບົບ​ທໍ່​ກ໊າ​ຊ​ແລະ​ນ້ຳ​ມັນ​ດິ​ບ ມຽນມ່າ -ຈີນ ໄລຍະ​ເມືອງ​ຈອກ​ຍູ (Kyaukpyu) ຝັ່ງ​ອ່າວ​ເບງ​ກອນ ເຖິງ​ຊາຍແດນ​ມົນ​ທົນ​ຫຍຸນ​ໜານ ມີ​ຄວາມ​ຍາວ​ປະ​ມານ 793 ກິ​ໂລ​ແມັດເປັນ​ສ່ວນໜຶ່ງ​ຂອງ​ລະບົບ​ທໍ່​ສົ່ງ​ກ໊າ​ຊ​ແລະ​ນ້ຳ​ມັນ​ດິບ​ຍາວ 2.520 ກມ. ມູນ​ຄ່າ​ກໍ່​ສ້າງ​ຫຼາຍກວ່າ 2.500 ລ້ານໂ​ດ​ລາ​ທີ່​ຕໍ່​ເຂົ້າໄປ​ຈົນ​ເຖິງ​ມົນ​ທົນ​ກຸ້ຍ​ໂຈວໃນ​ພາກ​ກາງ​ຂອງ​ຈີນເພື່ອ​ນຳ​ພະລັງ​ງານ​ເຂົ້າ​ສູ່​ດິນແດນ​ເຊິ່ງ​ກ່ອນ​ໜ້າ​ນັ້ນ​ຂາດ​ແຄນ​ຢ່າງ​ໜັກແລະ​ມີ​ລາ​ຄາ​ແພງ​ຫຼາຍ ສື່​ຂອງ​ທາງ​ການ​ຈີນ​ກ່າວ.
ຈາກການ​ສຳ​ຫຼວດ​ແລະ​ຜະລິດ​ພະລັງ​ງານ​ຍັງ​ເປັນ​ຂະແໜງ​ການ​ລົງ​ທຶນ​ນຳ​ໜ້າ​ຂອງ​ນັກ​ລົງ​ທຸນ​ຕ່າງຊາດ​ໃນ​ມຽນມ່າ ຈົນ​ເຖິງ​ທ້າຍປີ​ເດືອນ ມີນາ. ປີ​ນີ້​ລວມ​ເປັນ​ມູນ​ຄ່າ​ກວ່າ 14.000 ລ້ານ​ໂດ​ລາຄິດ​ເປັນ 31,09% ຂອງ​ມູນ​ຄ່າ​ການ​ລົງ​ທຶນ​ຈາກ​ຕ່າງ​ປະເທດ​ທັງ​ໝົດ ທັງ​ນີ້ເປັນ​ຕົວ​ເລກ​ຂອງ​ສຳ​ນັກ​ງານ​ບໍລິຫານ​ການ​ລົງ​ທຶນ​ແລະ​ບໍລິສັດ​ເຊິ່ງ​ເປັນ​ໜ່ວຍ​ງານ​ໜຶ່ງ​ໃນສັງ​ກັດ​ກະ​ຊວງ​ການຄ້າ
ເມື່ອ​ເດືອນ​ຜ່ານມາລັດຖະບານ​ມຽນມ່າ​ໄດ້​ອະ​ນຸ​ມັດ​ໃຫ້​ບໍລິສັດ​ຕ່າງ​ຊາດ​ອີກ​ຫຼາຍ​ແຫ່ງ​ເຂົ້າ​ສຳ​ຫຼວດ​ກ໊າ​ຊ​ແລະ​ນ້ຳ​ມັນ​ເພີ່ມ​ອີກ​ຈຳນວນ 20 ແຫ່ງ ຜູ້​ຊະນະ​ການ​ປະ​ກວດ​ລາ​ຄາ ໄດ້​ແກ່ບໍລິສັດ​ເຊນເຊ​ຟ​ລອນ ໂຄ​ໂນ​ໂຄ​ຟິ​ລິ​ປິນ ​ແລະ​ຜະລິດ ບີ​ຈີວູ້​ດ​ໄຊ​ເອັນ​ເນີຍີ ແລະ​ບໍລິສັດ​ຊັ້ນ​ນຳ​ອື່ນໆ ຈາ​ກສະຫະ​ລັດ , ອັງກິດ​,ອອດສະ​ເຕ​ເລຍ ແລະ​ອິນ​ເດຍ ລາຍ​ງານ​ຂອງ​ກະ​ຊວງ​ການຄ້າ​ລະ​ບຸ.

ບົດຄວາມຫຼ້າສຸດ

ອອກມາແລ້ວ ກົດໝາຍວ່າດ້ວຍລັດຖະກອນສະບັບປັບປຸງໃໝ່ ລົງວັນທີ 7 ພຶດສະພາ 2025

ແຈ້ງການອອກມາແລ້ວ ກົດໝາຍວ່າດ້ວຍພະນັກງານ-ລັດຖະກອນ ສະບັບປັບປຸງ ເລກທີ 046/ປປທ ລົງວັນທີ 07/09/2025 ມີເນື້ອໃນດັ່ງນີ້:

ອັບດັບ 13 ຂອງໂລກ ລາວຕິດອັນດັບເປັນໜຶ່ງໃນປະເທດ ຈຸດໝາຍປາຍທາງການທ່ອງທ່ຽວທີ່ຂະຫຍາຍຕົວສູງສຸດໃນປີ 2024

ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024...

ເຫດການປະທ້ວງຄັ້ງໃຫຍ່ ຄົນລຸ້ນໃໝ່ລວມກຸ່ມປະທ້ວງໃນເນປານ ເນື່ອງຈາກປິດກັ້ນສື່ອອນລາຍ ແລະ ບັນຫາສໍ້ລາດບັງຫຼວງ

ໃນວັນທີ 09 ກັນຍາ 2025ທ່ານ ເຄພີ ຊາມາໂອລີ, ນາຍົກລັດຖະມົນຕີປະເທດເນປານໄດ້ປະກາດລາອອກຈາກຕໍາແໜ່ງ ເນື່ອງຈາກມີການປະທ້ວງຂອງປະຊາຊົນໂດຍສະເພາະກຸ່ມເດັກລຸ້ນໃໝ່ ເຊິ່ງສາເຫດແມ່ນເກີດຈາກ - ການອອກມາດຕະການຫ້າມນໍາໃຊ້ສື່ອອນລາຍ ເຊິ່ງກ່ອນໜ້ານີ້ໄດ້ມີການແຈ້ງການປິດກັນ 26 ແອັບພຣິເຄຊັນເຊັ່ນ: ເຟສບຸກ,...

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...