ສຳນັກຂ່າວຕ່າງປະເທດ ລາຍງານໃນວັນທີ 29 ມີນາຜ່ານມານນີ້ວ່າ ກະຊວງກະສິກຳ ແລະ ພັດທະນາຊົນນະບົດຫວຽດນາມ ໄດ້ລາຍງານຄາດວ່າ ໃນໄລຍະໄຕມາດທຳອິດຂອງປີ 2016 ນີ້ ການສົ່ງອອກເຂົ້າຂອງຫວຽດນາມ ຈະຂະຫຍາຍຕົວເພີ່ມຂຶ້ນ 41.6% ແລະ ສ້າງລາຍຮັບໃຫ້ແກ່ປະເທດ ເພີ່ມຂຶ້ນ 40.8% ເມື່ອທຽບກັບປີກາຍນີ້ ດ້ວຍປະລິມານການສົ່ງອອກທັງໝົດ 1.59 ລ້ານໂຕນ ມູນຄ່າ 692 ລ້ານໂດລາ.

ຕະຫລາດຕ່າງປະເທດ ທີ່ຊື້ເຂົ້າຈາກຫວຽດນາມ ລາລຍໃຫຍ່ທີ່ສຸດແມ່ນ ອິນໂດເນເຊຍ ກວມສ່ວນແບ່ງຕະຫລາດ ຂອງການສົ່ງອອກເຖິງ 31.42%, ຖັດລົງມາແມ່ນ ສປຈີນ ກວມ 17.15%, ນອກຈາກນັ້ນ ຍັງມີຕະຫລາດອື່ນໆ ເຊັ່ນຟິລິບປິນ, ມາເລເຊຍ ແລະ ສະຫະລັດອາຣັບເອມິເຣດ ກໍຂະຫຍາຍຕົວເພີ່ມຂຶ້ນເຊັ່ນດຽວກັນ.