ບໍລິສັດດູໄບເປີດເຜີຍການຄົ້ນພົບແຫຼ່ງແກ໊ສທຳມະຊາດເທິງບົກຂະໜາດໃຫຍ່ສຸດໃນປະເທດທານຊານີ ມີປະລິມານແກ໊ສຢູ່ຢ່າງໜ້ອຍ 2,7 ພັນຕື້ແມັດກ້ອນ.
ສຳນັກຂ່າວເອພີລາຍງານວ່າ ບໍລິສັດດອດຊາລ ກຣຸບ ແຫ່ງດູໄບ ເປີດເຜີຍການຄົ້ນພົບແຫຼ່ງແກ໊ສທຳມະຊາດເທິງບົກແຫ່ງໃໝ່ໃນແອ່ງຣູວູ ເຂດໂຄສ ຂອງທານຊານີ ໂດຍມີແກ໊ສເກືອບ 2,7 ພັນຕື້ແມັດກ້ອນ ມູນຄ່າປະມານ 8 ຕື້ໂດລາສະຫະລັດ.
ດອດຊາລ ກຣຸບ ຊຶ່ງເລີ່ມກໍ່ຕັ້ງບໍລິສັດຢູ່ອິນເດຍ ຕອນທຳອິດປະເມີນວ່າແກ໊ສທຳມະຊາດໃນແຫຼ່ງທີ່ພົບໃໝ່ມີ 2,17 ພັນຕື້ແມັດກ້ອນ ແຕ່ການສຶກສາເພີ່ມຕື່ມພົບວ່າ ປະລິມານແກ໊ສມີຢູ່ເກືອບ 2,7 ພັນຕື້ແມັດກ້ອນ ແລະ ມີຄວາມເປັນໄປໄດ້ທີ່ປະລິມານອາດສູງເຖິງ 3,8 ພັນຕື້ແມັດກ້ອນ ຊຶ່ງຈະເຮັດໃຫ້ມູນຄ່າຢູ່ທີ່ 11 ຕື້ໂດລາ.
ຖະແຫຼງການຂອງດອດຊາລ ກຣຸບ ໃນວັນທີ 28 ມີນາທີ່ຜ່ານມາລະບຸວ່າ ນັບເປັນແຫຼ່ງແກ໊ສທຳມະຊາດເທິງບົກຂະໜາດໃຫຍ່ສຸດເທົ່າທີ່ເຄີຍພົບໃນທານຊານີ ແລະຈະຊ່ວຍກະຕຸ້ນເສດຖະກິດຂອງປະເທດໄດ້ຢ່າງມະຫາສານ ແລະ ບໍລິສັດໄດ້ລົງທຶນໄປແລ້ວ 200 ລ້ານໂດລາ ແລະ ມີແຜນຈະລົງທຶນອີກ 300 ລ້ານໂດລາ ເພື່ອສະໜັບສະໜູນການຢື່ນຂໍສຳປະທານ ສຳຫຼວດແຫຼ່ງນ້ຳມັນ ແລະ ແກ໊ສເທິງບົກຢູ່ແທນຊານີໃນໄລຍະ 2 ປີຂ້າງໜ້າ.