spot_img
Homeຂ່າວເຫດການກຸ່ມປະເທດລຸ່ມແມ່ນ້ຳຂອງ ຫາລືວຽກງານ ຈະລາຈອນທາງອາກາດ

ກຸ່ມປະເທດລຸ່ມແມ່ນ້ຳຂອງ ຫາລືວຽກງານ ຈະລາຈອນທາງອາກາດ

Published on

ສປປ ລາວ ໄດ້​ຮັບ​ກຽດ​ເປັນເຈົ້າພາບ ຈັດ​ກອງ​ປະຊຸມ​ວຽກງານ​ການ​ຈະລາຈອນ​ທາງ​ອາກາດ​ຂອງ​ກຸ່ມ​ປະເທດ​ລຸ່ມ​ແມ່ນ້ຳຂອງ (ກຳປູເຈຍ ມຽນ​ມາ ລາວ ໄທ ແລະ ຫວຽດນາມ) ຄັ້ງ​ທີ 5 ຂຶ້ນ​ວັນ​ທີ 24-26 ມີນາ 2016 ຢູ່​ໂຮງແຮມ​ດອນ​ຈັນ​ພາ​ເລດ ໂດຍເປັນ​ປະທານ​ຂອງ​ທ່ານ ວັນເພັງ ຈັນທະ​ພອນ ຫົວໜ້າ​ກົມ​ການບິນ​ພົນ​ລະ​ເຮືອນ ແຫ່ງ ສປປ ລາວ ມີ​ຄະນະ​ຜູ້​ແທນ​ຈາກກຳປູ​ເຈຍ ມຽນ​ມາ ລາວ ໄທ ແລະ ຫວຽດນາມ ເຂົ້າ​ຮ່ວມ.

ກອງ​ປະຊຸມ​ດັ່ງກ່າວ​ ເພື່ອ​ຕິດຕາມ​ຄວາມ​ຄືບ​ໜ້າ​ໃນ​ການ​ຈັດຕັ້ງ​ປະຕິບັດ ​ແຜນການ​ຂອງ​ກອງປະຊຸມ​ ຄັ້ງ​ທີ 4 ພ້ອມ​ທັງ​ກຳນົດແຜນການ​ໃນ 1 ປີ​ຕໍ່ໜ້າ ເຊິ່ງ​ບັນດາ​ໜ້າ​ວຽກ​ທີ່​ນຳ​ມາ​ຫາລື​ກັນ​ປະກອບ​ມີ ການ​ປະຕິບັດ​ແຜນການຂອງ​ອົງການ​ການບິນ​ພົນ​ລະເຮືອນ​ສາກົນ ການ​ແລກປ່ຽນ​ບົດຮຽນ​ເຊິ່ງ​ກັນ ແລະ ກັນ ການ​ປັບປຸງ ແລະ ເຊື່ອມ​ໂຍງ​ເສັ້ນທາງບິນ ການ​ພັດທະນາ​ລະບົບ​ວິ​ທະຍຸ​ການບິນ ແຜນ​ຮອງ​ຮັບ​ເຫດການ​ສຸກ​ເສີນ​ສຳລັບ​ການ​ຄຸ້ມຄອງ ແລະ ບໍລິການ​ຈະລາຈອນທາງ​ອາກາດ ການ​ຄົ້ນຄວ້າ​ແຜນຍຸດ​ທະ​ສາດ​ຂອງ​ວຽກ​ງານຈະລາ​ຈອນ​ທາງ​ອາກາດ​ອາ​ຊຽນ ຜົນ​ຂອງ​ກອງ​ປະຊຸມ​ຄັ້ງ​ນີ້ ​ຈະ​ເປັນບ່ອນ​ອີງ​ສຳຄັນ​ໃຫ້​ແກ່​ການ​ຈັດຕັ້ງ​ປະຕິບັດ ​ແຜນ​ພັດທະນາ​ວຽກງານ​ການ​ຈະລາຈອນ​ທາງ​ອາກາດ​ຂອງ​ຂົງເຂດ ເວົ້າ​ລວມ ເວົ້າສະເພາະ ການ​ພັດທະນາ​ວຽກງານ​ການ​ຈະລາຈອນ​ທາງ​ອາກາດ ແລະ ເສັ້ນທາງ​ບິນ​ພາຍ​ໃນອະນຸ​ພາກ​ພື້ນ​ໃຫ້​ມີ​ການ​ເຊື່ອມຈອດ ສາມາດ​ປະຕິບັດ​ການບິນໄດ້​ຕາມ​ມາດຕະຖານ ​ທີ່​ອົງການການບິນ​ພົນ​ລະ​ເຮືອນ​ສາກົນ​ກຳນົດ​ອອກ.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...