spot_img
Homeວິທະຍາສາດ-ວິທະຍາການຢາປົວ ໂຣກຕັບອັກເສບ ປະເພດ C ຊະນິດໃໝ່ ມີ ປະສິດທິຜົນສູງ ແຕ່ລາຄາ ຍັງແພງ

ຢາປົວ ໂຣກຕັບອັກເສບ ປະເພດ C ຊະນິດໃໝ່ ມີ ປະສິດທິຜົນສູງ ແຕ່ລາຄາ ຍັງແພງ

Published on

ບັນດາ​ນາຍ​ແພດ​ທີ່​ປິ່ນປົວ​ໂຣກຕັບ​ອັກ​ເສບ​ ປະ​ເພດ C ​ພາກັນຊົມ​ເຊີຍ​ແລະດີ​ໃຈ​ ນຳ​ການ​ພັດທະນາ​ພວກ​ຢາ​ປົວ
ຫລາຍ​ໆ​ຊະນິດ​ ທີ່​ສາມາດ​ກຳຈັດ​ ການ​ຕິດ​ເຊື້ອ​ໂຣກຕັບ​ອັກ​ເສບ​ໄດ້ ​ຢ່າງ​ມີ​ປະສິດທິ​ຜົນ ຊຶ່ງໂຣກດັ່ງກ່າວ​ນີ້​ແມ່ນ
ສາ​ເຫດ​ຊັ້ນ​ນຳ​ ທີ່​ພາ​ໃຫ້ ເປັນ ໂຣກຕັບ​ແຂງແລະ​ມະ​ເຮັງຕັບ​ຢູ່ໃນ​ທົ່ວ​ໂລກ. ​ບັດ​ນີ້ ຈຸດ​ເພ່ງ​ເລັງ​ຂອງ​ ເຂົາ​ເຈົ້າ​ ​ແມ່ນ
​ແນ​ໃສ່​ການ​ລົດ​ຄ່າ​ປິ່ນປົວ​ພະຍາດ​ນີ້​ລົງ ​ເພື່ອ​ໃຫ້​ພວກ ປະຊາຊົນ​ຢູ່​ໃນ​ບັນດາ​ປະ​ເທດ​ກຳລັງ​ພັດທະນາ​ ສາມາດເຂົ້າ
ເຖິງ​ຢາ​ເຫລົ່າ​ນັ້ນ​ໄດ້. ປະຊາຊົນ​ ໃນ​ບັນດາ​ປະ​ເທດ​ກຳລັງ​ພັດທະນາ ໃນ​ຈຳນວນ 80 ​ເປີ​ເຊັນ ພາກັນ​ຕິດ​ເຊື້ອ​ໂຣກດັ່ງກ່າວ.

ຢາປົວ ໂຣກຕັບອັກເສບ ປະເພດ C ຊະນິດໃໝ່ ມີ ປະສິດທິຜົນສູງ ແຕ່ລາຄາ ຍັງແພງ
ຢາປົວ ໂຣກຕັບອັກເສບ ປະເພດ C ຊະນິດໃໝ່ ມີ ປະສິດທິຜົນສູງ ແຕ່ລາຄາ ຍັງແພງ

ມີ​ການ​ກະ​ປະມານ​ວ່າ ​ປະຊາກອນ​ໃນ​ທົ່ວໂລກໃນ​ລະຫວ່າງ 150 ຫາ 185ລ້ານຄົນ
​ ຕິດ​ເຊື້ອ​ພະຍາດ​ຕັບ​ອັກ​ເສບ​ ປະ​ເພດ C ​ແລະ​ຫຼາຍ​ຄົນ​ບໍ່​ຮູ້ຈັກ​ວ່າ​ ເຂົາ​ເຈົ້າ​ຕິດ​ເຊື້ອ
​ພະຍາດ​ດັ່ງກ່າວ. ທັ້ງນີ້​ກໍ​ຍ້ອນ​ວ່າ ​ເຊື້ອ​ໄວຣັສນີ້ ສ່ວນ​ໃຫຍ່​ບໍ່​ສະ​ແດງ​ຮ່ອງຮອຍ​ໃດໆ​
ໃຫ້​ຮູ້ ຈົນ​ກວ່າ​ໃນ​ເວລາ​ດົນຕໍ່​ມາ ຈຶ່ງສະ​ແດງ​ອາການ​ໃຫ້​ຮູ້ຈັກ ຊຶ່ງຮວມທັງ​ເກີດ​ຄວາມ​
ອິດ​ເມື່ອຍ​ຢ່າງ​ຫຼວງ​ຫຼາຍ ​ເຈັບ​ປວດ​ຕາມ​ຂໍ້ ​ເຈັບ​ປວດ​ຕາມ​ໜ້າ​ທ້ອງ ​ແລະເປັນ​ໝາກ​
ເຫຼືອງ ພ້ອມ​ທັງ​ຜີວ​ໜັງ​ສີ​ເຫຼືອງ​ແລະ​ຕາ​ສີ​ເຫຼືອງ.

​ແຕ່​ການ​ສຶກສາຂັ້ນ​ ຫົວລ້ຽ​ວຫົວ​ຕໍ່​ ກ່ຽວ​ກັບ​ຢາຫລາຍໆ​ຢ່າງທີ່ຕ້ານ​ເຊື້ອໂຣກນີ້​
ໃນ​ບັນດາ​ປະ​ເທດ​ທີ່ພັດທະນາ​ແລ້ວນັ້ນ ສະ​ແດງ​ໃຫ້​ເຫັນ​ວ່າ ​ຢາ​ພວກ​ນັ້ນ​ໄດ້​ກຳ
ຈັດ​ການ​ຕິດ​ເຊື້ອພະຍາດ​ຕັບ​ອັກ​ເສບ ​ປະ​ເພດ C ທັງ​ໝົດໄດ້​ ​ເຖິງ 90 ​ເປີ​ເຊັນ​
ແລ້ວ ​ຊຶ່ງ​ເປັນ​ການ​ໃຫ້​ຄຳ​ໝັ້ນ​ສັນຍາ​ວ່າ ຈະ​ຫັນປ່ຽນ​ການ​ປິ່ນປົວ​ພະຍາດ​ດັ່ງ
ກ່າວ​ໄດ້​ໃນ​ບັນດາ​ປະ​ເທດ​ທີ່ມີ​ລາຍ​ໄດ້​ຕໍ່າ   ແລະ​ພໍ​ປານ​ກາງ​.

ທ່ານ Channa Jayasekera ປະຈຳພະ​ແນ​ກກະ​ເພາະ​ອາຫານ​ແລະ​ລຳ​ໄສ້​
ແລະ​ການ​ຮັກສາຕັບ​ແລະ​ໂຣກຕັບ ທີ່​ມະຫາວິທະຍາ​ໄລ Stanford ທີ່​ລັດ​ຄາ​
ລີ​ຟໍ​ເນຍ ​ໃນ​ສະຫະລັດ ​ເວົ້າ​ຜ່ານ​ທາງ Skype ຈາກ​ ​ກອງ​ປະຊຸມນາໆ​ຊາດ​
ວ່າ​ດ້ວຍໂຣກຕັບທີ່ລອນ​ດອນ ນະຄອນຫຼວງ​ຂອງ​ອັງກິດ ບ່ອນ​ທີ່ທາງ​ເລືອກ
ໃໝ່​ໃນການ​ປິ່ນປົວໂຣກຕັບ​ອັກ​ເສບ C ໄດ້​ຮັບຄວາມ​ສົນ​ໃຈຢ່າງ​ຫລວງ​ຫຼາຍ
ນັ້ນ.

ທ່ານ Jayasekera ກ່າວ​ວ່າ “ຂ້າພະເຈົ້າ​ຢາກ​ເວົ້າ​ວ່າ ​ອັນ​ນີ້ແມ່ນເປັນ
ຄວາມ​ສຳ​ເລັດ​ຄັ້ງ​ປະວັດ​ສາດ​ແທ້ໆ ​ກ່ຽວ​ກັບ​ຢາ​ປົວ​ພະຍາດ​ທັງ​ໝົດ
ເພາະວ່າມັນ​ເປັນ​ເທື່ອ​ນຶ່ງ​ໃນ​ບໍ່​ເທົ່າ​ໃດ​ເທື່ອ ​ທີ່​ພວກ​ເຮົາ​ສາມາດ​
ກຳຈັດ​ພະຍາດຊະນິດ​ນຶ່ງໃຫ້​ໝົດ​ໄປ​ຢ່າງ​ເດັດຂາດ ໂດ​ຍການ​ບຳ
ບັດ​ດ້ວຍ​ຢາ​ກິນໃນ​ເວລາ​ອັນ​ສັ້ນໆ.”

ບັນດາ​ນັກ​ຊ່ຽວຊານ​ກ່າວ​ວ່າ ຢາກິນ​ທີ່​ໃຊ້​ປິ່ນປົວ​ພະຍາດ​ນີ້ ອາດ​ຈະ​ມີປະສິດ
ທິ​ຜົນ​ຫຼາຍ​ຂຶ້ນ​ ​ໃນ​ໂລກ​ກຳລັງ​ພັດທະນາ ​ເພາະວ່າ​ປະຊາຊົນຢູ່ທີ່​ນັ້ນ ຕິດເຊື້ອ
​ໄວຣັສປະ​ເພດ​ທີ່​ແຕກ​ຕ່າງ​ໄປ ທີ່ອາດ​ຈະ​ຕອບ​ຮັບ​ຢາ​ໃໝ່​ນັ້ນ​ໄດ້​ດີກວ່າ​ ຢູ່​ໃນ
ໂລກ​ຕາ​ເວັນ​ຕົກກໍ​ໄດ້.

​ ແຕ່​ວ່າ ຢູ່ໃນ​ໂລກ​ຕາ​ເວັນ​ຕົກ ຢາ​ຕໍ່ຕ້ານ​ເຊື້ອ​ໄວຣັສນີ້ ລຸ້ນ​ທີ​ສອງ​ ສຳ​ຫລັບ​ໃຊ້
ໃນ​ຊ່ວງ​ເວລາ 3 ​ເດືອນ​ນັ້ນ ກໍ​ແມ່ນ​ຈະສິ້ນ​ເປືອງ​ຄ່າ​ໃຊ້​ຈ່າຍ​ລະຫວ່າງ 85 ພັນ
ຫາ 90 ພັນໂດລາ ອີງ​ຕາມ​ທ່ານ Jayasekera.

​ແຕ່​ວ່າ ຍ້ອນ​ມີ​ການ​ອອກຫຼັກຊີ້ນຳຂອງອົງການອະນາໄມໂລກ ສຳຫລັບການວິ
ນິດໄສໂຣກແລະການປິ່ນປົວໂຣກຕັກອັກເສບ ປະ​ເພດ C ດ້ວຍຢາກິນ ໃນບັນ
ດາປະເທດທີ່ມີລາຍໄດ້ຕໍ່າ ແລະພໍປານກາງນັ້ນ ຈຶ່ງກຳລັງມີການເຄື່ອນໄຫວຕ່າງໆ
​ເພື່ອເຮັດໃຫ້ຄ່າປິ່ນປົວຖືກລົງ.

ທ່ານ Jayasekera ກ່າວວ່າ ການແຂ່ງຂັນກັນໃນລະຫວ່າງພວກ ບໍລິສັດຜະລິດ
ຢາ ແລະການເຈລະຈາ ລະຫວ່າງພວກຜະລິດ​ກັບພວກ ລັດຖະບານປະເທດ
ຕ່າງໆ ຕະຫລອດທັງພວກບໍລິສັດປະກັນໄພ ​ໃນ​ທີ່​ສຸດກໍຈະເຮັດໃຫ້ຄ່າປິ່ນປົວຖືກ
ລົງໄດ້ໃນອະນາຄົດ.

ທ່ານ Jayasekera ກ່າວ​ວ່າ ພວກບໍລິສັດຜະລິດຢາດັ່ງກ່າວ ຍັງກຳລັງຮ້ອງ​ຂໍ​
ເອົາໃບອະນຸຍາດ ສຳລັບຜະລິດຢາແບບດຽວ​ກັນ ທີ່​ໃຊ້​ເຄື່ອງ​ປຸງທີ່ລາຄາຖືກກວ່າ
ຫຼື generic ສຳລັບຈຳ​ໜ່າຍ​ໃນ​ລາຄາ​ຖືກ​ກ່ວາ ຢູ່ໃນພວກປະເທດທີ່ຕ້ອງການຢາ
ນີ້ ເປັນທີ່ສຸດນັ້ນ.

ທ່ານ Sayasekera ກ່າວ​ວ່າ “ດັ່ງນັ້ນ ​ຖ້າ​ບໍລິສັດ​ນຶ່ງ​ທີ່​ຂາຍ​ຢາ​ເຫຼົ່າ​ນີ້​ຮູ້ສຶກ​
ວ່າມັນເປັນ​ເລື້ອງ​ຈັນຍາ​ແລະ​ສີນລະ​ທຳ ​ແລະ​ໃນນໍ້າ​ໃຈ​ແຫ່ງ​ຄວາມ​ຮັບ
ຜິດຊອບ​ທາງ​ດ້ານ​ສັງຄົມ​ຂອງ​ບໍລິສັດ ​ແລະ​ເໝາະ​ສົມ​ທີ່​ຈະ
ຮັບປະກັນໃຫ້
ພວກ​ຢາເຫຼົ່າ​ນີ້ ມີ​ໄວ້​ສຳຫລັບ​ປະຊາຊົນ​ຢູ່ນອກ​ພວກປະ​ເທດ​ທີ່​ຮັ່ງມີ ໄດ້​
ຊົມ​ໃຊ້​ນຳ​ແລ້ວ ຄວາມ​ຈຳ​ເປັນ​ມັນ​ກໍຢູ່​ຫັ້ນ​.”

ທ່ານ Jayasekara  ກ່າວ​ຕື່ມ​ວ່າ ມັນ​ຈະ​ເປັນ​ສິ່ງ​ຈຳ​ເປັນ ສຳຫລັບ​ແຕ່ລະ​ປະ​ເທດ
ທີ່​ຈະ​ຕ້ອງ​ຈັດ​ບຸລິມະສິດ​ວ່າ ​ຜູ້​ໃດ​ຄວນຈະ​ໄດ້​ຮັບ​ການ​ປິ່ນປົວ​ກ່ອນ​ເພື່ອ​ຄວບ​ຄຸມ​
ຄ່າປິ່ນປົວ​ໃຫ້​ຢູ່​ໃນ​ລະດັບ​ຕໍ່າ ​ແລະ​ບໍ່ໃຫ້ເປັນ​ພາລະ​ໜັກ ​ແກ່ລະ​ບົບຮັກສາ​ສຸຂະ
ພາບຂອງ​ປະ​ເທດ.

ທ່ານ Jayasekera ​ໄດ້​ໃຫ້​ຂໍ້​ສັງ​ເກດ​ຕ່າງໆ​ຂອງ​ທ່ານ ຢູ່​ໃນ​ບົດ​ຄວາມ​ທີ່​ລົງ​ພິມໃນ​ວາລະສານ New England Journal of Medicine.

ບົດຄວາມຫຼ້າສຸດ

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...