spot_img
Homeຂ່າວທ້ອງຖິ່ນກອງອຸທົກກະສາດແຈ້ງ ລະດັບນ້ຳຂອງຍັງຢູ່ເກນປົກກະຕິ ຍ້ອນຈີນປ່ອຍນ້ຳຈາກເຂື່ອນໃຫຍ່!

ກອງອຸທົກກະສາດແຈ້ງ ລະດັບນ້ຳຂອງຍັງຢູ່ເກນປົກກະຕິ ຍ້ອນຈີນປ່ອຍນ້ຳຈາກເຂື່ອນໃຫຍ່!

Published on

ຫົວໜ້າກອງອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໃຫ້ຮູ້ວ່າ: ໄລຍະນີ້ອາກາດຮ້ອນເອົ້າ ໄດ້ແຜ່ປົກຄຸມທົ່ວລາວ ເຮັດໃຫ້ແມ່ນ້ຳລຳເຊບາງທ້ອງຖິ່ນບົກແຫ້ງ, ແຕ່ປະ ກົດວ່າລະດັບນ້ຳຂອງໃນທົ່ວປະເທດ ຍັງຢູ່ໃນເກນປົກກະຕິ ເມື່ອທຽບໃສ່ໄລຍະດຽວກັນຂອງປີຜ່ານມາ ແລະ ຜ່ານການວັດແທກລະດັບນ້ຳຂອງ ຢູ່ແຕ່ລະເຂດເຫັນວ່າ: ທ່ານໍ້າເມືອງປາກແບງ ແຂວງອຸດົມໄຊ ມີລະດັບນ້ຳຂອງສູງຈາກພື້ນນ້ຳ 7,27 ຊັງຕີແມັດ, ຫລວງພະບາງ 5,48 ຊັງຕີແມັດ, ເມືອງປາກລາຍ ແຂວງໄຊຍະບູລີ 4,02 ຊັງຕີແມັດ, ເມືອງຫ້ວຍຊາຍ ແຂວງບໍ່ແກ້ວ 2,60 ຊັງຕີແມັດ, ນະຄອນຫລວງວຽງຈັນ ທ່າເຮືອຫລັກສີ່ 2,13 ຊັງຕີແມັດ, ເມືອງປາກຊັນ ແຂວງບໍລິຄຳໄຊ 2,35 ຊັງຕີແມັດ, ເມືອງທ່າແຂກ ແຂວງຄຳມ່ວນ 3,04 ຊັງຕີແມັດ, ສະຫວັນນະເຂດ 1,82 ຊັງຕີແມັດ ແລະ ເມືອງປາກເຊ ແຂວງຈຳປາສັກ 1,18 ຊັງຕີແມັດ, ຍ້ອນ ສ.ປ ຈີນ ໄດ້ປ່ອຍນ້ຳຈາກເຂື່ອນໃຫຍ່ລົງມາເປັນໄລຍະ ຈຶ່ງເຮັດໃຫ້ລະດັບນ້ຳຂອງ ຍັງຢູ່ໃນເກນປົກກະຕິ, ແຕ່ປາສະຈາກບໍ່ໄດ້ບາງທ້ອງຖິ່ນ ຍັງມີສະພາບຂາດເຂີນນ້ຳໃຊ້-ນ້ຳກິນ ເນື່ອງຈາກອາກາດ ໃນໄລຍະນີ້ຮ້ອນເອົ້າ ຈຶ່ງເຮັດໃຫ້ນ້ຳບາດານ, ນ້ຳສ້າງບົກແຫ້ງເລັກໜ້ອຍ ສົ່ງຜົນໃຫ້ປະຊາຊົນ ບໍ່ສາມາດນຳໃຊ້ນ້ຳໄດ້ຢ່າງສະດວກສະບາຍ ຄືກັບໄລຍະຜ່ານມາ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...