ຄະນະລັດຖະມົນຕີທີ່ມາຈາກການເລືອກຕັ້ງແບບເສລີເປັນເທື່ອທຳອິດຂອງມຽນມາໃນຮອບກວ່າເຄິ່ງສັດຕະວັດ ຈະມຸ່ງເນັ້ນຄວາມເທົ່າທຽມທາງດ້ານລາຍໄດ້, ການພັດທະນາຊົນນະບົດ ແລະ ການກະຕຸ້ນລາຍໄດ້ງົບປະມານການເງິນ.
ທ່ານ ຈໍ ວິນ ວ່າທີ່ລັດຖະມົນຕີວ່າການກະຊວງການເງິນມຽນມາຄົນໃໝ່ກ່າວວ່າ ການເບິ່ງພຽງແຕ່ຕົວເລກລວມຈີດີພີຂອງປະເທດນັ້ນບໍ່ແມ່ນວິທີທີ່ຖືກທີ່ຈະປະເມີນສະພາບເສດຖະກິດຂອງປະເທດ ແລະ ອື່ນໆ ໂດຍ 70% ຂອງປະຊາກອນອາໄສຢູ່ໃນພື້ນທີ່ຊົນນະບົດ ຄົນເຫຼົ່ານີ້ເປັນຄົນທຸກຍາກ ແລະ ບໍ່ມີລາຍໄດ້ພຽງພໍ ດັ່ງນັ້ນ ພວກເຂົາຈິ່ງເຫັນຄວາມສຳຄັນອັນດັບທຳອິດຂອງເຮົາ; ທ່ານລະບຸອີກວ່າ ກະສິກຳເປັນສິ່ງຈຳຫຼາຍສຳລັບຊົນນະບົດ ແລະ ໃຫ້ຄຳໝັ້ນວ່າ ຈະມຸ່ງປັບປຸງໄຟຟ້າ ແລະ ການຄົມມະນາຄົມຂົນສົ່ງໃນພື້ນທີ່ຊົນນະບົດ, ລັດຖະມົນຕີໃໝ່ທ່ານນີ້ຍັງຕ້ອງປະເຊີນຕໍ່ພາລະກິດທີ່ໜັກໃນການປັບປຸງການເງິນຂອງປະເທດ.
ກອງທຶນການເງິນລະຫວ່າງປະເທດ ຫຼື ໄອເອມັເອຟ ເຕືອນມຽນມາໃນເດືອນກັນຍາທີ່ຜ່ານມາວ່າ ຖ້າຫາກມຽນມາບໍ່ປະຕິຮູບອາດຫຼຸດຜ່ອນການເຕີບໂຕທາງເສດຖະກິດໃນໄລຍະສັ້ນ ມຽນມາສ່ຽງເພິ່ງພາເງິນທຶນສຳຮອງສາກົນທີ່ພຽງພໍຮັບຮອງການນຳເຂົ້າພຽງ 3 ເດືອນ ແລະ ຂາດດຸນການເງິນ, ທ່ານ ຈໍ ວິນກ່າວວ່າ ແທນທີ່ຈະຊອກຫາການທ້ອນເງິນຜ່ານການປັບຂຶ້ນພາສີ ພັກເອັນແອລດີ ຈະພະຍາຍາມທີ່ຈະປິດຊ່ອງວ່າງເພື່ອເພີ່ມລາຍໄດ້ງົບປະມານ.