spot_img
Homeຂ່າວຕ່າງປະເທດກຸ່ມສິດທິຮຽກຮ້ອງສະຫະລັດ-ອັງກິດ ຢຸດສົ່ງອາວຸດໜູນສົງຄາມເຢເມັນ

ກຸ່ມສິດທິຮຽກຮ້ອງສະຫະລັດ-ອັງກິດ ຢຸດສົ່ງອາວຸດໜູນສົງຄາມເຢເມັນ

Published on

ອົງການນິລະໂທດສະກຳສາກົນ ອອກຖະແຫຼງການຮຽກຮ້ອງໃຫ້ສະຫະລັດ ແລະ ອັງກິດ ຢຸດສົ່ງອາວຸດແກ່ຊາວຊາອຸດິອາຣະເບຍ ໃນການເຮັດສົງຄາມເຢເມນ.

ສຳນັກຂ່າວເອເອັຟພີ ລາຍງານຈາກເມືອງ ດູໄບ ປະເທດສະຫະລັດອາຫລັບເອມິເຣດສ໌ (ຢູເອອີ) ເມື່ອວັນທີ 22 ມີນາ 2016 (ວັນນີ້) ວ່າ ອົງການນິລະໂທດສະກຳສາກົນ (ເອໄອ) ອອກຖະແຫຼງການວັນອັງຄານ(ເຊົ້າວັນນີ້) ຮຽກຮ້ອງໃຫ້ທຸກຊາດ ໂດຍສະເພາະອັງກິດ ແລະ ສະຫະລັດ ຢຸດສົ່ງອາວຸດແກ່ຊາວຊາອຸດິອາຣະເບຍ ໃນການເຮັດສົງຄາມເຢເມນ. ເພື່ອຢັບຢັ້ງການເຂັ່ນຂ້າປະຊາຊົນພົນລະເມືອງ ໂດຍຖະແຫລງການດັ່ງກ່າວມີຊື່ວ່າ: “Reckless arms flows decimate civilian lives” ມີອອກມາໃນວາລະຄົບຮອບ 1 ປີ ນັບແຕ່ກອງກຳລັງຮ່ວມຂອງຊາວຊາອຸດິອາຣະເບຍເຂົ້າແຊກແຊງໃນເຢເມນເມື່ອ ເດືອນມີນາ ປີ 2015.

ທ່ານ ເຈມສ໌ ລິນຊ໌ ຮອງອຳນວຍການພາກພື້ນຕະເວັນອອກກາງຂອງເອໄອ ກ່າວວ່າ ພັນທະມິດຊາດຕະເວັນຕົກຂອງຊາອຸດິອາຣະເບຍ ເຮັດໃຫ້ສະພາບເຫດການຮ້າຍແຮງລົງດ້ວຍການຈັດສົ່ງອາວຸດໃຫ້ ເຖິງຈະມີຫຼັກຖານທີ່ຊັດເຈນວ່າອາວຸດເຫຼົ່ານັ້ນອາດຖືກນຳໄປໃຊ້ໃນສົງຄາມເຢເມນ ເຊິ່ງກໍ່ໃຫ້ເກີດວິກິດດ້ານມະນຸດສະທຳໃນລະດັບຮຸນແຮງຢ່າງບໍ່ເຄີຍມີມາກ່ອນ ລາຍງານລະບຸວ່າ ມີປະຕິບັດການທາງອາກາດຢ່າງໜ້ອຍ 32 ຄັ້ງຈາກຝ່າຍກອງກຳລັງຮ່ວມທີ່ເຂົ້າຄ່າຍລະເມີດກົດໝາຍມະນຸດສະທຳລະຫວ່າງປະເທດ ສັງເວີຍຊີວິດພົນລະເມືອງ ໄປປະມານ 361 ຄົນ ເຊິ່ງລວມເຖິງເດັກນ້ອຍປະມານ 217 ຄົນ.

ນອກຈາກນີ້ຍັງມີລາຍງານການໃຊ້ລະເບີດພວງ ແລະ ລະເບີດດາວກະຈາຍເຊິ່ງເປັນອາວຸດຕ້ອງຫ້າມ ໃນການໂຈມຕີຂອງກອງກຳລັງຮ່ວມຂອງຊາອຸດິອາຣະເບຍ ໂດຍມະຕິຄະນະລັດຖະມົນຕີຄວາມໝັ້ນຄົງແຫ່ງສະຫະປະຊາຊາດ (ຢູເອັນເອສຊີ) 2216 (UN Security Council Resolution 2216) ທີ່ມີການລົງມະຕິໃນເດືອນ ເມສາ 2015 ໄດ້ປະກາດຄວ້ຳບາດທາງອາວຸດຕໍ່ກຸ່ມກະບົດຮູຕິ ແລະ ພັນທະມິດແຕ່ພຽງຝ່ານດຽວ ໂດຍບໍ່ຮ່ວມເຖິງຄູ່ສົງຄາມ ຢ່າງກອງກຳລັງຮ່ວມຊາອຸດິອາຣະບີ ແລະ ລັດຖະບານເຢເມນ ເມື່ອວັນທີ 25 ກຸມພາ 2015 ສະຫະພາບຢູໂຣບ (ອີພີ) ໄດ້ຮຍກຮ້ອງໃຫ້ກຸ່ມສະຫະພາບຢຸໂຣບ (ອີຢູ) ທັງໝົດຄວ້ຳບາດທາງອາວຸດຕໍ່ຊາອຸດິອາຣະເບຍ.

ຖະແຫລງການເອໄອລະບຸວ່າ ເນື່ອງຈາກຊ່ອງວ່າງໃນມະຕິຂອງຢູເອັນເອັສຊີ ເອໄອ ຈິ່ງຮຽກຮ້ອງໃຫ້ທຸກປະເທດຢຸດຕິການຈັດສົ່ງອາວຸດໃຫ້ທຸກຝ່າຍໃນສົງຄາມເຢເມນ ບໍ່ວ່າຈະໂດຍທາງກົງ ຫຼື ທາງອ້ອມ ທັງໃນສ່ວນຂອງອາວຸດອຸປະກອນຕ່າງໆ ແລະ ເທັກໂນໂລຢີທີ່ອາດນຳໄປໃຊ້ໃນການສູ້ຮົບໄດ້ ທັງນີ້ ລາຍງານຂອງອົງການອະນະໄມໂລກ (ດັບເບິນຢູເອັຊໂອ) ລະບຸວ່າ ການສູ້ຮົບໃນເຢເມນມີຜູ້ເສຍຊີວິດເກືອບ 6,300 ຄົນ ລວມເຄິງໜຶ່ງເປັນພົນລະເມືອງ.

https://youtu.be/-jiadq3n0Tk

ວິດີໂອປະກອບ : Human Rights Watch

ແຫລ່ງຂ່າວຈາກ: ເວັບຂ່າວເດລີນີວສ໌

ບົດຄວາມຫຼ້າສຸດ

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...