spot_img
Homeຂ່າວຕ່າງປະເທດມີຜູ້ນຶ່ງ​ ເສຍຊີວິດ ແລະ 9 ຄົນ ບາດເຈັບ ໃນເຫດລະເບີດ ເທິງລົດໄຟ ອິນເດຍ (ພາບ/ວີດີໂອ)

ມີຜູ້ນຶ່ງ​ ເສຍຊີວິດ ແລະ 9 ຄົນ ບາດເຈັບ ໃນເຫດລະເບີດ ເທິງລົດໄຟ ອິນເດຍ (ພາບ/ວີດີໂອ)

Published on

ເຫດລະເບີດ 2 ບັ້ນ ​ໄດ້​ແຕກ​ຂຶ້ນ​ໃສ່​ຂະບວນລົດ​ໄຟ​ໂດຍສານ​ອິນ​ເດຍ ພຽງບໍ່​ເທົ່າ​ໃດ​ນາທີ ຫຼັງ​ຈາກ​ທີ່​ໄດ້​ເຂົ້າຈອດ ​ຢູ່​ສະຖາ​ນີເມືອງ Chennai ໂດຍໄດ້ສັງຫານ​ຢ່າງນ້ອຍແມ່ຍິງຜູ້ນຶ່ງ​ແລະມີຜູ້​ບາດ​ເຈັບອີກ​ບໍ່ຕ່ຳກວ່າ 9 ຄົນ. ​

ເຈົ້າ​ໜ້າ​ທີ່​ກ່າວ​ວ່າ ເຫດລະເບີດທັງ 2 ບັ້ນ ​ໃນ​ຕອນເຊົ້າ​ວັນ​ພະຫັດ​ມື້​ນີ້ ແມ່ນ​ຢູ່​ໃນ​ຕູ້​ຫ້ອງ​ນອນຊັ້ນ​ທຳ​ມະ​ດາ ຂອງ​ລົດໄຟດ່ວນ ສາຍ Bangalore ຫາ Guwahati.

ຕຳຫຼວດ​ພວມທຳ​ການ​ສືບສວນ​ສອບ​ສວນ ​ໃນ​ອັນ​ທີ່​ພວກ​ເຂົາ​ເຈົ້າ​ສົງ​ໄສ​ວ່າ ​ເປັນ​ການຫ້າງ​ລະ​ເບີດ​ໃສ່ກ້ອງ​ບ່ອນ​ນັ່ງ​ຂອງ​ຜູ້​ໂດຍສານ. ພວກ​ໝາ​ດົມ​ກິ່ນໄດ້ຖືກສົ່ງໄປ​ປະຕິບັດ​ໜ້າ​ທີ່ໃນ ​ບ່ອນ​ເກີດ​ເຫດ​ ​ແລະຊອກ​ຄົ້ນ​ຫາລະ​ເບີດ​ ໃນຫີບ​ເຄື່ອງນຸ່ງເຄື່ອງໃຊ້ ຂອງ​ຜູ້​ໂດຍສານ.

ຍັງ​ບໍ່​ທັນ​ກຸ່ມ​ໃດ​ອອກ​ມາ​ອ້າງ​ເອົາ​ຄວາມ​ຮັບຜິດຊອບ​ເທື່ອ ກ່ຽວກັບການວາງລະເບີດໃນຄັ້ງ ນີ້ ຊຶ່ງ​ມີ​ຂຶ້ນທ່າມກາງ​ການຮັກສາ​ຄວາມ​ສະ​ງົບທີ່ເຂັ້ມງວດຂຶ້ນ ​ໃນລະຫວ່າງ​ການ​ເລືອກ​ຕັ້ງ​ໃນ​ທົ່ວ​ໄປຂອງອິນເດຍນັ້ນ.

ບົດຄວາມຫຼ້າສຸດ

ແຂວງຈຳປາສັກ ກວດກພົບສິນຄ້າແບບຫຼົບຫຼີກການເສຍພາສີອາກອນ ຈຳນວນ 4 ກໍລະນີ

ແຂວງຈຳປາສັກ ກວດກພົບສິນຄ້າແບບຫຼົບຫຼີກການເສຍພາສີອາກອນ ຕົ້ນປີ​ 2025,​ ແຂວງຈຳປາສັກ ກວດກາພົບເຫັນການເຄື່ອນໄຫວດໍາເນີນກິດຈະການທີ່ບໍ່ຖືກຕາມລະບຽບການ,​ ນໍາເຂົ້າສິນຄ້າແບບຫຼົບຫຼີກການເສຍພາສີອາກອນ​ ຫຼື​ ສິນຄ້ານອກລະບົບ 4 ກໍລະນີ. ທ່ານ​ ໄກທອງ​ ສຸວັນນາດີ ຮອງຫົວໜ້າ​ຂະແໜງ​ການຄ້າ​ພາຍໃນ​ ພະແນກອຸດສາຫະກໍາ​...

ເຂົ້າມັນໄກ່ເປັນເຫດ ເມຍຜິດກັບຜົວເລີຍຈັບມີດຟັນຜົວ ເນື່ອງຈາກເມຍເຮັດຕົ້ມຍຳໃຫ້ກິນ ແຕ່ຜົວຢາກກິນເຂົ້າມັນໄກ່

ເມຍໃຈຮ້າຍຈັບມີດຟັນຜົວ ເນື່ອງຈາກເຮັດຕົ້ມຍຳໃຫ້ກິນ ແຕ່ຜົວຢາກກິນເຂົ້າມັນໄກ່ ສຳນັກຂ່າວໄທລາຍງານໃນວັນທີ 16 ມີນາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງເຫດວ່າ: ມີຜົວ-ເມຍ ຜິດຖຽງກັນ ຢູ່ອຳເພີແກງ ຈັງຫວັດຣະຍອງ ປະເທດໄທ, ຫຼັງໄດ້ຮັບແຈ້ງເຫດເຈົ້າໜ້າທີ່ຈຶ່ງໄດ້ລົງໄປກວດສອບສະຖານທີ່ເກີດເຫດ...

ສອງຊາຍໄວໜຸ່ມກໍ່ເຫດຄາຕະກຳຊີງຊັບ ແລ້ວຖິ້ມຜູ້ເຄາະຮ້າຍລົງໜອງ

ສອງນ້ອງຮັກ ຫັກລ່ຽມໂຫດກໍ່ເຫດຄາຕະກຳເພື່ອຊິງຊັບ ແລ້ວທຳລາຍຫຼັກຖານ. ປກສ ນະຄອນຫລວງວຽງຈັນ ລາຍງານວ່າ: ວັນທີ 25 ຕຸລາ 2024 ຜ່ານມາ ເກີດເຫດຄາຕະກໍາ ຢູ່ບ້ານໜອງແຫ້ວ ເມືອງຫາດຊາຍຟອງ ນະຄອນຫລວງວຽງຈັນ....

ລາວ ເປັນ 1 ໃນປະເທດ ທີ່ຈະຖືກຈຳກັດວີຊາ ຈາກສະຫະລັດອາເມລິກາ

ສະຫະລັດກຽມຂະຫຍາຍມາດຕະການຈຳກັດວີຊາກວມ 41 ປະເທດທົ່ວໂລກ ອີງຕາມສຳນັກຂ່າວ ຮອຍເຕີ ລາຍງານໃນວັນທີ 16 ມີນາ 2025 ຜ່ານມານີ້ວ່າ: ລັດຖະບານຂອງທ່ານ ໂດນັລ ທຣັມ, ປະທານາທິບໍດີ ຂອງສະຫະລັດອາເມລິກາ...