spot_img
Home​ຂ່າວທ່ອງທ່ຽວວັດພະທາດຊຽງຕຶງ ເມືອງ ສິງ, ແຂວງ ຫຼວງນ້ຳທາ.

ວັດພະທາດຊຽງຕຶງ ເມືອງ ສິງ, ແຂວງ ຫຼວງນ້ຳທາ.

Published on

ເມືອງສິງ ເປັນເມືອງໜຶ່ງຂອງແຂວງຫຼວງນ້ຳທາ ເດີນທາງຈາກຕົວເມືອງຫຼວງນ້ຳທາຫາເມືອງສິງປະມານ 1-2 ຊົ່ວໂມງ ໄປທາງທິດເໜືອ ເມືອງສິງມີຊາວເຜົ່າລື້ອາໃສຢູ່ເປັນສ່ວນຫຼາຍ ແລະ ຍັງມີຫຼາຍຊົນເຜົ່າອາໄສຢູ່.

ເມືອງສິງເປັນເມືອງທ່ອງທຽວຫຼັກອີກແຫ່ງໜຶ່ງຂອງແຂວງ ຫຼວງນ້ຳທາ ຫາກທ່ານໃດທີ່ເດີນທາງມາເມືອງສິງແລ້ວ ສາມາດເດີນທາງຊົມສະຖານທີ່ທ່ຽວໄດ້ຢ່າງສະບາຍເພາະສະຖານທີ່ທ່ຽວແຕ່ລະແຫ່ງຢູ່ບໍ່ໄກກັນຫຼາຍ ສ່ວນຫຼາຍແມ່ນຢູ່ໃນບໍລິເວນຕົວເມືອງ ທ່ານສາມາດທ່ຽວຄົບພາຍໃນວັນດຽວ.

namtha_bg

ສະຖານທີ່ທ່ອງທ່ຽວຂອງເມືອງສິງທີ່ຂຶ້ນຊື່ປະກອບມີ: ວັດຫຼວງບ້ານຊຽງໃຈ, ເຮືອນພະຍາເຊກອງ, ຕະຫຼາດໃຫຍ່, ພະທາດຊຽງຕຶງ, ງານບຸນພະທາດເມືອງສິງ (ງານບຸນປະຈຳປີ)

ເຊິ່ງທ່ອງທ່ຽວກັບລາວໂສຕ໌ວັນນີ້ ພວກເຮົາຈະພາທຸກທ່ານໄປທ່ຽວ ວັດພະທາດຊຽງຕຶງ ເມືອງ ສິງ ນຳກັນແຕ່ອື່ນເຮົາມາຮູ້ປະຫວັດຂອງພະທາດຊຽງຕຶງກັນກ່ອນ.

ພະທາດຫຼວງຊຽງຕຶງ ເມືອງສິງ ຕັ້ງຢູ່ເທິງຈອມພູ ທາງທິດຕາເວັນ ຕົກສຽງໃຕ້ ຂອງເມືອງສິງ ຫ່າງຈາກຕົວເມືອງເມືອງສິງ ໄປທາງແຂວງຫຼວງນ້ຳທາ 5 ກິໂລແມັດ. ມີເສັ້ນທາງ ຈາກຕີນພູ ຂຶ້ນໄປຮອດຕົວພະທາດ ສອງເສັ້ນທາງ ຄື: ທາງຍ່າງ ແມ່ນມີຂັ້ນໄດຂຶ້ນ ມີຄວາມຍາວປະມານ 750 ແມັດ ແລະ​ ເສັ້ນທາງລົດໃຫ່ຍຂຶ້ນ ແມ່ນປູຢາງ ມີຄວາມຍາວປະມານ 1000 ແມັດ. ພະທາດຫຼວງຊຽງຕຶງ ເປັນແຫຼ່ງທ່ອງທ່ຽວ ທາງດ້ານປະຫວັດສາດ ແລະ​ ວັດທະນາທຳ ທີ່ຖືກຮັບຮອງເອົາ ເປັນມູນມໍລະດົກວັດທະນາທຳ ຂອງ ແຂວງຫຼວງນ້ຳທາ ຜ່ານມາຫຼາຍປີແລ້ວ, ພະທາດຫຼວງຊຽງຕຶງ ເປັນພະທາດເກົ່າແກ່, ເປັນສູນລວມ ຄວາມສັດທາຂອງຊາວເມືອງສິງ ມາແຕ່ບູຮານນະການ.

3322

ວັດພະທາດຊຽງຕຶງ ມີລັກສະນະເປັນເຈດີຖານແປດຫຼ່ຽມສູງ 10 ແມັດ ເປັນສະຖາປັດຕະຍາກຳແບບລ້ານຊ້າງ ແລະ ລ້ານນາ ທຸກປີໃນວັນເພັງເດືອນ 12 ຊາວເມືອງຈະສະຫຼອງບຸນຂຶ້ນພະທາດ ເປັນງານບຸນໃຫຍ່ປະຈຳປີ ເຊັ່ນດຽວກັນກັບງານສະຫຼອງພະທາດຫຼວງວຽງຈັນທີ່ຈັດຂຶ້ນໃນວັນດຽວກັນ.

ການເດີນທາງຍັງບໍ່ສິ້ນສຸດ ທ່ຽວເມື່ອລາວໃຫ້ທົ່ວ ແລ້ວທ່ານຈະຮູ້ວ່າ ເປັນຫຍັງຄົນຕ່າງຊາດຈິ່ງມັກມາທ່ຽວປະເທດລາວ.

 

ຮຽບຮຽງໂດຍ: ລາວໂພສຕ໌.ຄອມ

ຮູບພາບຈາກ: ເວັບໄຊ໌ຮັອດເຊຍ.ຄອມ

ຂໍ້ມູນຈາກ: ເວັບໄຊ໌ອັນແນອອນທົວ.ຄອມ

 

 

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...