ກະຊວງພະລັງງານ ເລະ ບໍ່ແຮ່ໃຫ້ຮູ້ວ່າ: ປັດຈຸບັນຕົວເລກການນຳໃຊ້ໄຟຟ້າຢູ່ປະເທດເຮົາແມ່ນເພີ່ມທະວີຂື້ນເນື່ອງຈາກສະພາບອາການຮ້ອນແຮງແລະ ອາດເຮັດໃຫ້ເກີດມີບັນຫາໃນການສະໜອງໄຟຟ້າຕໍ່ຜູ້ຊົມໃຊ້, ຊຶ່ງຈະຕ້ອງໄດ້ນຳເຂ້າໄຟຟ້າຈາກບັນດາປະເທດໃກ້ຄຽງຄື: ຫວຽດນາມ, ໄທ ແລະ ຈີນ, ໃນລາຄາທີ່ສູງກ່ວາລາຄາການສົ່ງອອກໄຟຟ້າຂອງປະເທດເຮົາ ແລະ ຕາມການປະເມີນຂອງລັດຖະບານໃຫ້ຮູ້ວ່າ: ຕົວເລກການນຳໃຊ້ໄຟຟ້າໃນປີຜ່ານມາຢູ່ທົ່ວປະເທດສູງເຖິງ 3.000 ລ້ານກິໂລວັດໂມງ, ແຕ່ຍອດການຜະລິດໄຟຟ້າຢູ່ພາຍໃນແມ່ນໜ້ອຍກວ່າ 2.000 ລ້ານກິໂລວັດໂມງ, ດັ່ງນັ້ນຈຶ່ງຕ້ອງນຳເຂົ້າກະແສໄຟຟ້າ ຈາກພາຍນອກ ແລະ ປັດຈຸບັນອັດຕາການຊົມໃຊ້ໄຟຟ້າຢູ່ປະເທດເຮົາກວມເອົາຫຼາຍ
ກວ່າ 87% ,ຂອງຈຳນວນຄອບຄົວໃນທົ່ວປະເທດ ແລະ ເພື່ອເປັນການຮັບມືແກ່ການສະໜອງໄຟຟ້າດັ່ງກ່າວໃຫ້ພຽງພໍກັບຄວາມທ້ອງການນັ້ນ, ກະຊວງພະລັງງານ ແລະ ບໍ່ແຮ່ໄດ້ສຸມໃສ່ສ້າງສາຍສົ່ງເຊື່ອມຕໍ່ຫາກັນໃນແຕ່ລະພາກທົ່ວປະເທດ, ເພື່ອລໍຖ້າຮອດທ້າຍປີນີ້ ຊຶ່ງມີ 20 ກວ່າໂຄງການກໍ່ສ້າງເຂືອນໄຟຟ້າຈະສຳເລັດ ແລະ ຈະສາມາດຜະລິດໄຟຟ້າໃຫ້ພຽງພໍກັບຄວາມຕ້ອງການ, ທັງລະດູຝົນ ແລະ ລະດູແລ້ງ, ຊຶ່ງບໍ່ຈຳເປັນຕົ້ອງສັງໃຫ້ບັນດາໂຮງຈັກ, ໂຮງງານຕ່າງໆປິດໄຟເປັນບາງາໄລຍະ, ເພື່ອສາມາດຕອບສະໜອງຄວາມຕ້ອງການຊົມໃຊ້ໄຟຟ້າຂອງສັງຄົມດັ່ງຫຼາຍປີຜ່ານມາ,ແຕ່ເຖິງຢ່າງໃດກໍຂໍຮຽກຮ້ອງໃຫ້ສັງຄົມຊ່ວຍກັນປະຢັດໄຟຟ້າແມ່ນເປັນການດີທີ່ສຸດເພື່ອຜົນປະໂຫຍດລວມຂອງຊາດ.
ແຫລ່ງຂ່າວຈາກ: ໜັງສືພິມລາວພັດທະນາ