Homeຊີວິດແລະຄວາມຮັກເງິນ...ຊື້ຄວາມຮັກບໍ່ໄດ້...ແຕ່ກໍ່ສຳຄັນ ແລະ ຈຳເປັນ

ເງິນ…ຊື້ຄວາມຮັກບໍ່ໄດ້…ແຕ່ກໍ່ສຳຄັນ ແລະ ຈຳເປັນ

ຊີວິດແລະຄວາມຮັກວັນນະກຳ

Published on

By ບຸດສະດີ ສາຍນ້ຳມັດ
3333

ເລື່ອງຊີວິດກັບຄວາມຮັກວັນນີ້ລາວໂພສຕ໌ຈະບໍ່ໄດ້ມາເວົ້າເຖິງການມີເພດສຳພັນຄືຫົວຂໍທີ່ຜ່ານມາ ແຕ່ເຮົາຈະມາເວົ້າໃນຫົວຂໍ້ “ເງິນ ກັບ ຄວາມຮັກ”

ຫຼາຍຄົນເຊື່ອວ່າຄວາມຮັກເຮັດໃຫ້ໂລກສົດໃສສວຍງາມ ເພາະທຳມະຊາດສອນໃຫ້ເຮົາຮຽນຮູ້ທີ່ຈະຮັກ ແລະ ຖືຮັກ ພື້ນຖານຂອງຄວາມຈິງໃຈ, ຊື່ສັດ ແລະ ເປັນຜູ້ເສຍສະຫຼະ ຄວາມເຊື່ອທີ່ວ່ານີ້ ຫາກເບິ່ງຜິວເຜີນແລ້ວກໍ່ບໍ່ມີບັນຫາ ແຕ່ເມື່ອເບິ່ງເຂົ້າໄປເລິກໆເຮົາຈະພົບວ່າ ຮັກຂອງເຮົາຍັງມີບົດທົດສອບຊະນິດເຂັ້ມຂຸ້ນລໍຖ້າເຮົາພິສູດຢູ່ “ຮັກແທ້” ອີກຫລາກຫຼາຍໂດຍສະເພາະ “ເງິນ” ເຊິ່ງສຳຄັນບໍ່ແພ້ກັບບັນຫາອື່ນໆ

ຄູ່ຮັກຫຼາຍຄົນເສຍຫຼັກເພາະເລື່ອງແບບນີ້ມາແລ້ວ…ຂໍບອກ…

ທ່ານເຄີຍສັງເກດບໍ່ວ່າເວລາເຮົາກະເປົາໜັກ ເຮົາກັບແຟນຢາກເຮັດສິ່ງໃດ ຢາກໄປໃສກໍ່ສະດວກສະບາຍໄປໝົດ ບົດຮັກເດີນທາງແບບບໍ່ມີສະດຸດ ອາລົມໂຣແມນຕິກ ຄຳເວົ້າຫວານຊຶ້ງເປັນຕາຟັງເຫຼືອເກີນ ຊ່ວງໃດທີ່ມີງັອນໃສ່ກັນ ອີກຝ່າຍກໍ່ຕ້ອງຟ້າວງໍ້ຂໍຄືນດີ ດ້ວຍການຊື້ດອກໄມ້ໃຫ້, ພາໄປກິນເຂົ້າ, ເບິ່ງໜັງ, ຟັງເພງ…ທຸກຢ່າງ…ຈັດໄປ!

ແຕ່ເມື່ອໃດກໍ່ຕາມທີ່ເງິນຂາດມື ຢ່າວ່າແຕ່ເວົ້າງໍ້ເລີຍ ຂะໜາດໜ້າຍັງຮອດບໍ່ຢາກແນມ ໃຜກັນທີ່ຢາກເບິ່ງແຟນໜ້າຫ່ຽວໆແຫ້ງໆ ຊວນໄປໃສແຕ່ລະເທື່ອກໍ່ອືດໆບອກແຕ່ວ່າ “ແຫະ ແຫະ ບໍ່ມີເງິນ…”

ຈາກທີ່ເຄີຍ ຈູຈີ ກໍ່ກາຍເປັນ ຈຸກຈິກ ເມື່ອຄວາມຮັກເສຍຫຼັກຕ່າງກໍ່ມີທັດສະນະຄະຕິທີ່ບໍ່ຕົງກັນ ອີກຝ່າຍເບິ່ງວ່າຄວາມຮັກບໍ່ຈຳເປັນຕ້ອງໃຊ້ເງິນ ແຕ່ອີກຝ່າຍພັດເບິ່ງວ່າ ບາງຄັ້ງ ແລະ ຫຼາຍໆຄັ້ງທີ່ຈຳເປັນຕ້ອງໃຊ້ເງິນ ຫາກຕອນນີ້ຄູ່ໃດກຳລັງເກີດບັນຫານີ້ ພວກທ່ານລອງທົບທວນເບິ່ງໃຫ້ດີໆ 

ຫາກທຳອິດຄວາມຮັກເກີດຂຶ້ນທ່າມກາງຄວາມລຽບງ່າຍ ບັນຫາກໍ່ຈະບໍ່ເກີດ ບໍ່ຕ້ອງຄິດວ່າອີກຝ່າຍຈະມີ ຫຼື ບໍ່ມີ ຫຼື ຄິດແຕ່ວ່າຄົບກັນແລ້ວຕົນເອງຈະມີຄວາມສຸກ ຫຼື ບໍ່

ຕາມທັດສະນະຄະຕິສ່ວນຕົວເອງ ຄິດວ່າພວກທີ່ຫວ່ານເງິນເພື່ອຕີລາຄາຄວາມຮັກເຂົາເອີ້ນວ່າ “ຄົນບໍ່ມີຫົວໃຈ” ມີແຕ່ຄວາມຢາກໄດ້ ເມື່ອໄດ້ມາກໍ່ບໍ່ເຄີຍຮູ້ຄຸນຄ່າ ຢາກເລີກກໍ່ເລີກ ເພາະປຽບຄວາມຮັກເໝືອນສິ່ງຂອງຕາມຮ້າງຊຸບເປີ້ມາເກັດ ຄົນແບບນີ້ແຫລະທີ່ເອີ້ນວ່າພວກໃຊ້ເງິນຊື້ຄວາມຮັກ. ແຕ່ສາວໆສ່ວນຫຼາຍກໍ່ມັກທີ່ຈະໄດ້ຮັບຮັກແບບນີ້

ເຊິ່ງຕ່າງຈາກຄົນມີຄວາມຮັກທີ່ໃຊ້ຫົວໃຈລົງທຶນ ຮູ້ຈັກນຳມູນຄ່າຂອງເງິນແລກປ່ຽນເປັນການເອົາໃຈໃສ່ເຊິ່ງກັນ ແລະກັນ ຖະໜອມຄວາມຮູ້ສຶກ, ເປັນຜູ້ໃຫ້ເລືອກເຟັ້ນໂອກາດເໝາະສົມ ສະແດງຄວາມຮັກໃນຮູບແບບຜ່ອນຄາຍ ສ້າງສີສັນ ເຕີມຄວາມຫວານໃຫ້ຊີວິດຮັກແບບຄີຣມເນີຍຄື ມີທັງຫວານ, ຫອມ, ມັນ ແບບສະໝ່ຳສະເໝີ. ເຊິ່ງເລື່ອງແບບນີ້ເງິນຈະບໍ່ສາມາດຊື້ໄດ້ຕະຫຼອດເວລາ.

ສະນັ້ນທ່ານຕ້ອງແຍກແຍະໃຫ້ຊັດເຈນລະຫວ່າງ ຮັກທີ່ໃຊ້ເງິນຊື້ໄວ້ເປັນເຈົ້າຂອງ ກັບຄວາມຮັກທີ່ຮູ້ຈັກໃຊ້ເງິນແລກຄວາມສຸກເພື່ອຄົນທີ່ເຮົາຮັກ.

ຮຽບຮຽງໂດຍ: ແອັດມິນ ປັອກເລັກ ລາວໂພສຕ໌

ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!

ບົດຄວາມຫຼ້າສຸດ

ຂ່າວພາຍ​ໃນ

ຫາລືຄວາມເປັນໄປໄດ້ ລາວ-ໄທ ໄດ້ປຶກສາຫາລືເພື່ອສຶກສາສຳຫຼວດຄວາມເປັນໄປໄດ້ໃນການກໍ່ສ້າງ “ຂົວມິດຕະພາບ ລາວ-ໄທ” ບໍລິເວນຈຸດຜ່ານແດນສາກົນບ້ານວັງ ເມືອງໝື່ນ ແຂວງວຽງຈັນ

ໃນວັນທີ 17 ກັນຍາ 2026 ທີ່ອຳເພີຊຽງຄານ ຈັງຫວັດເລີຍ ຣາຊະອານາຈັກໄທ, ໄດ້ຈັດກອງປະຊຸມຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ລາວ-ໄທ, ແຂວງວຽງຈັນ-ຈັງຫວັດເລີຍ ຄັ້ງທີ 21 ໂດຍຝ່າຍລາວ ນຳໂດຍ...
ຂ່າວພາຍ​ໃນ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ ແຫ່ງ ສປປ ລາວ ເຂົ້າຮ່ວມກອງປະຊຸມສຸດຍອດ ໜຶ່ງແລວ ໜຶ່ງເສັ້ນທາງ ຮົງກົງ ຄັ້ງທີ 11 (11th Belt and Road Summit, Hong Kong) ທີ່ ເຂດປົກຄອງພິເສດຮົງກົງ, ສປ ຈີນ

ໃນຕອນເຊົ້າຂອງວັນທີ 09 ກັນຍາ 2026 ທີ່ ເຂດປົກຄອງພິເສດຮົງກົງ, ສປ ຈີນ, ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ຜູ້ປະຈຳການ ແຫ່ງ...
ຂ່າວພາຍ​ໃນ

ສປປ ລາວ ສືບຕໍ່ແກ້ໄຂລະເບີດບໍ່ທັນແຕກທີ່ຕົກຄ້າງ ແລະ ຊ່ວຍເຫຼືອຜູ້ປະສົບເຄາະຮ້າຍຢ່າງຕໍ່ເນື່ອງ.

ພາຍຫຼັງສົງຄາມໄດ້ສິ້ນສຸດລົງມາເປັນເວລາຫຼາຍກວ່າ 60 ປີ, ບັນຫາລະເບີດບໍ່ທັນແຕກ ທີ່ຕົກຄ້າງ ຢູ່ ສປປ ລາວ ຍັງເປັນໜຶ່ງໃນບັນຫາທີ່ສົ່ງຜົນກະທົບຕໍ່ປະຊາຊົນ ແລະ ການພັດທະນາຂອງ ສປປ ລາວ. ນັບແຕ່ປີ...
ຂ່າວພາຍ​ໃນ

ລາວຕັ້ງເປົ້າໃຫຍ່! ກຽມປັ້ນນິຄົມອຸດສາຫະກຳແຫ່ງໃໝ່ ຄາດວ່າຈະມີນັກທຸລະກິດເຂົ້າມາລົງທຶນຫຼາຍກວ່າ 90 ບໍລິສັດ, ສ້າງວຽກເຮັດງານທຳໄດ້ປະມານ 10,000 ຄົນ

ສປປ ລາວ ກຽມສຶກສາຄວາມເປັນໄປໄດ້ໃນການສ້າງຕັ້ງນິຄົມອຸດສາຫະກຳແຫ່ງໃໝ່ ເພື່ອດຶງດູດເມັດເງິນລົງທຶນຈາກຕ່າງປະເທດ ໂຄງການດັ່ງກ່າວຊື່ວ່າ “ນິຄົມອຸດສາຫະກຳ ວຽງຈັນ-ລີ່ຕູ້ (Vientiane-Lidu Industrial Park) ຕັ້ງຢູ່ ເມືອງປາກງື່ມ, ນະຄອນຫຼວງວຽງຈັນ, ກວມເອົາເນື້ອທີ່ປະມານ...