ກ່ອນໜ້ານີ້ເອງທາງບໍລິສັດກໍໄດ້ເປີດໂຕ LG K8 ໄປແລ້ວ ແຕ່ວ່າມື້ນີ້ທາງບໍລິສັດກໍໄດ້ອອກມາເປີດໂຕ K8 ອີກເທື່ອໜຶ່ງແລະມາພ້ອມກັັບສະມາດໂຟນ K5 ອີກລຸ້ນໜຶ່ງ. Juno Cho ປະທານບໍລິສັດ ແລະ ຊີອີໂອຂອງ LG Electronics Mobile Communications Company ໄດ້ກ່າວວ່າ:
“ເຮົາມີຄວາມຄິດເຖິງຄວາມຕ້ອງການທີ່ຫຼາກຫຼາຍ ບໍ່ວ່າຈະເປັນຄວາມຕ້ອງການຂອງລູກຄ້າຂອງພວກເຮົາໃນທົ່ວໂລກ ແລະເປົ້າໝາຍຂອງພວກເຮົາຄືການຈັດສົ່ງຜະລິດຕະພັນທີ່ດີທີ່ສຸດຂອງເຮົາໃຫ້ແກ່ລູກຄ້າ ເພື່ອຕອບສະໜອງຄວາມຄາດຫວັງ ແລະຄວາມຕ້ອງການໃຫ້ພວກເຂົາ. ສະນັ້ນແລ້ວ K5 ແລະ K8 ຈຶ່ງເປັນຕົວເລືອກທີ່ພິເສດຫຼາຍສຳລັບໃຜທີ່ກຳລັງຊອກຫາສະມາດໂຟນທີ່ມີ ຮູບຮ່າງທີ່ດີແລະລາຄາທີ່ເໝາະສົົມ”
ສຳລັບລຸ້ນ LG K8 ມາພ້ອມກັບໜ້າຈໍຂະໜາດ 5 ນິ້ວ, ຄວາມລະອຽດ 720 x 1280 (HD) ແລະເປັນຈໍແບບ 2.5D. ໃຊ້ງານຊິບປະມວນຜົນຄອດຄໍ MediaTek MT6735 1.3GHz ແລະຊິບປະມວນຜົນກຣາບຟິກ Mali T720. ROM 8GB ຫຼື 32GB (ຂຶ້ນກັບແຕ່ລະປະເທດວ່າຈະໄດ້ ROM ແບບໃດ) ສາມາດເພີ່ມ microSD ໄດ້. ຮອງຮັບ 4G LTE, Wi-Fi 802.11 b, g, n, Bluetooth 4.2, USB 2.0 ແລະ NFC
LG K8 ໂຕເຄື່ອງນັ້ນເຮັັດມາຈາກໂລຫະ ເຊິ່ງເປັນວັດສະດຸທີ່ນິຍົມໃຊ້ຫຼາຍໃນຕະຫຼາດ. ໂຕເຄື່ອງມາພ້ອມກັບ RAM 1.5GB, ໃນອາເມຣິກາລາຕິນຈະເປັນ 1GB. ກ້ອງຫຼັງຄວາມລະອຽກ 8 ລ້ານພິກເຊວ ແລະກ້ອງໜ້າຄວາມລະອຽດ 5 ລ້ານພິກເຊວ. ສຳລັບກ້ອງນັ້ນມາພ້ອມກັບຄຸນສົມບັດ Gesture Interval Shot (ໜ້າຈະເປັນແບບໃຊ້ທ່າທາງແລ້ວຈະຖ່າຍເອງ) ແລະແຟລັດສຳລັບເຊວຟີ. ແບັດເຕີຣີໃຫ້ມາ 2125 mAh ແລະໃຊ້ງານລະບົບປະຕິບັດການ Android 6.0. ມີທັງໝົດ 3 ສີໃຫ້ເລືອກຄື: Gold, Indigo ແລະ White. ໂຕເຄື່ອງມີຄວາມໜາປະມານ 8.7 ມມ. ປຸ່ມ Power ແລະ ປຸ່ມປັບສຽງ ຈະຢູ່ທີ່ດ້ານຫຼັງສຳລັບ K8.
ໃນດ້ານຂອງ LG K5 ມາພ້ອມກັບໜ້າຈໍຂະໜາດ 5 ນິ້ວ, ຄວາມລະອຽດ 480 x 854 FWVGA. ໃຊ້ງານຊິບປະມວນຜົນຄອດຄໍ MediaTek MT6735 1.3GHz ແລະຊິບປະມວນຜົນກຣາບຟິກ Mali T720. RAM 1GB, ROM 8GB. ກ້ອງຫຼັງຄວາມລະອຽດ 5 ລ້ານພິກເຊວ ແລະກ້ອງໜ້າຄວາມລະອຽດ 2 ລ້ານພິກເຊວ. ແບັດເຕີຣີ 1900mAh. ຮອງຮັບ 4G LTE, Wi-Fi 802.11 b, g, n, Bluetooth 4.1, ແລະ USB 2.0. ມາພ້ອມກັບລະບົບ Android 5.1 ແລະໂຕເຄື່ອງມີ 3 ສີຄື: Gold, Silver ແລະ Titan. ໂຕເຄື່ອງໜາປະມານ 8.9 ມມ.
ສຳລັບລາຄາຂອງໂຕເຄື່ອງນັ້ນຈະກາດອອກມາໃນພາຍຫຼັງ. LG K8 ຈະວາງຂາຍໃນຕະຫຼາດ ເອເຊຍ, ແອັບຟຣິິກາ, ຕາເວັນອອກກາງ, CIS ແລະ ອາເມຣິກາລາຕິນ. ໃນສ່ວນຂອງ LG K5 ຈະຂາຍທີ່ປະເທດຍຸໂຣບ, CIS ແລະອາເມຣິກາລາຕິນ.
*/ສາລະໜ້າຮູ້:
CIS ແມ່ນຫຍໍ້ມາຈາກຄຳວ່າ:
– Commonwealth of Independent States ໃນພາສາອັງກິດ
– Содружество Независимых Государств ຫຼື СНГ ສຳລັບພາສາຣັດເຊຍ
CIS ແມ່ນກໍຕັ້ງຂຶ້ນໃນວັນທີ 21 ທັນວາ 1991 ເຊິ່ງເປັນອົງການລະຫວ່າງປະເທດທີ່ຕັ້ງຂຶ້ນຫຼັງຈາກທີ່ສະຫະພາບໂຊວຽດລົ້ມສະຫຼາຍລົງ ເຊິ່ງມີສະມາຊິກເປັນປະເທດທີ່ປະກາດເອກະລາດຈາກ ສະຫະພາບໂຊວຽດທີ່ລົ້ມສະຫຼາຍ (ຍົກເວັັ້ນກຸ່ມປະເທດບອນຕິກ)
ໃນປັດຈຸບັນມີສະມາຊິກທັງໝົດ 9 ປະເທດ 1 ປະເທດຮ່ວມ ແລະອອກໄປແລ້ວ 2 ປະເທດ ຂໍ້ມູນຈາກ wikipedia
ທີ່ມາ:phonearena