ໃນຕອນເຊົ້າຂອງວັນທີ 14 / 03 / 2016 ເວລາປະມານ 07:25 ນາທີ ໄດ້ເກີດອຸບັດຕິເຫດສຸດສະເທືອນໃຈ ລົດບັນທຸກຢຽບຄົນຂີ່ລົດຈັກເສຍຊີວິດຄາທີ 1 ສົບ. ຢູ່ທີ່ບ້ານ ດົງຄຳຊ້າງ ເມືອງ ຫາດຊາຍຟອງ ນະຄອນຫຼວງວຽງຈັນ.
ຫຼັງຈາກທີ່ອາສາສະໝັກໜ່ວຍກູ້ໄພມູນນິທິ 1623 ຈຸດໜອງໄຮໄດ້ລົງໄປກວດສອບສະພາບບາດແຜພົບວ່າ ຜູ້ຕາຍຫົວໝຸ່ນ, ແຂນຊ້າຍຫັກ ແລະ ນິ້ວມືທັງ 5 ຫັກ (ຫມ่ຸນ)
ຈາກການບອກເລົ່າຂອງຜູ້ເຫັນເຫດການໄດ້ບອກວ່າ ລົດຈັກ ແລະ ລົດບັນທຸກນັ້ນມາແຕ່ທິດທາງດຽວກັນ ມາແຕ່ທາງຕະຫຼາດດົງຄຳຊ້າງ ມຸ່ງໜ້າໄປທາງໂຮງຮຽນການເງິນ ເມື່ອມາເຖິງຈຸດເກີດເຫດບໍລິເວນໜ້າຫ້ອງການດົງຄຳຊ້າງ ລົດທັງ 2 ຄັນເກີດການເກາະກັນແລ້ວລົດຈັກກໍ່ລົ້ມລົງ ແຕ່ໂຊກບໍ່ດີຄົນຂັບລົດຈັກນັ້ນໄດ້ລົ້ມລົງທາງຕີນລົດບັນທຸກເຮັດໃຫ້ຖືກຢຽບບໍລິເວນຫົວ ເຮັດໃຫ້ຜູ້ເຄາະຮ້າຍເສຍຊີວິດຄາທີ
ທາງທີມງານລາວໂພສຕ໌ ຂໍສະແດງຄວາມເສຍໃຈກັບການສູນເສຍໃນຄັ້ງນີ້ດ້ວຍ
ອີກຄັ້ງກັບການສູນເສຍທີ່ບໍ່ມີໃຜຢາກໃຫ້ເກີດຂື້ນການສັນຈອນຕາມທ້ອງຖະໜົນທຸຄົນຄວນມີສະຕິລະມັດລະວັງຕົວ ໃຫ້ກຽດກັນ ແລະ ເຄົາລົບກົດຈາລະຈອນ ທີ່ສຳຄັນບໍ່ຄວນຂີ່ລົດໃຫ້ຮຽງຂ້າງກັບລົດບັນທຸກໃຫຍ່ ຫາກເກີດຜິດພາດພຽງໜ້ອຍດຽວນັ້ນກໍ່ໝາຍເຖິງຊີວິດຂອງທ່ານໄດ້
ຂໍຂອບໃຈພາບຈາກໜ່ວຍກູ້ໄພມູນນິທິ 1623 ຈຸດໜອງໄຮ
ຂໍຂອບໃຈ ຂໍມູນຈາກ ອາສາສະໝັກ @Anoukong Keoounheuan
ຂໍຂອບໃຈແຫລ່ງຂ່າວຈາກເພສ: ນາທີຊີວິດ.