ເມື່ອວັນທີ 9 ມີນາ 2016 ເວັບໄຊເດລີເມວ ເຜີຍລາຍງານຈາກປະເທດຈີນວ່າ ເຈົ້າຂອງຟາມໄກ່ໃນໝູ່ບ້ານແຫ່ງໜຶ່ງໃນເມືອງເຫີດຈີ ມົນທົນຊານຕົງ ພົບໄກ່ປະຫຼາດ ມີ 4 ຂາ ແຕ່ຍັງຍ່າງ ແລະ ແລ່ນໄດ້.
ຈູ ແລະ ພໍ່ຂອງນາງເຜີຍວ່າ ໄກ່ປະຫຼາດຕົວນີ້ໄດ້ພົບໃນຟາມຂອງພວກເຂົາເຊິ່ງມີໄກ່ຫຼາຍກ່ວາ 10,000 ໂຕ ແຕ່ໂຕນີ້ເປັນໂຕດຽວທີ່ປະຫຼາດຕ່າງຈາກບັນດາເພື່ອນໆຂອງມັນ ເມື່ອຊາວບ້ານຮູ້ຂ່າວກໍ່ພາກັນແຕກຕື່ນ ແລະ ແຮ່ມາເບິ່ງໄກ່ຂອງລາວ ພ້ອມທັງຖ່າຍຮູບເກັບໄວ້ ເຮັດໃຫ້ໄກ່ມີອາການຕື່ນຕົກໃຈຫຼາຍ.
ດ້ານຜູ້ຊ່ຽວຊານດ້ານການລ້ຽງສັດເມືອງເຫີເຈີ ໄດ້ກ່າວວ່າ ໄກ່ປະຫຼາດ 4 ຂາຕົວນີ້ ເກີດຈາກການຜິດປົກກະຕິຂອງໂຄງສ້າງຮ່າງກາຍ ເຊິ່ງມີຜົນໃຫ້ມັນໃຊ້ຊີວິດໄດ້ຢ່າງຍາກລຳບາກ ແຕ່ມັນຍັງສາມາດກິນອາຫານໄດ້ເມື່ອເວລາໃຫ້ອາຫານ.