ຊາຍອາຍຸ 19 ປີຈາກມົນທົນຝູຈ້ຽນ ຢູ່ລະຫວ່າງການຄວບຄຸມໂຕເພື່ອພິຈາລະນາຄະດີອາດຊະຍາກຳ ຫຼັງຈາກພົບວ່າພວກເຂົາຮ່ວມກັນຈົງໃຈຂາຍລູກສາວອາຍຸ 18 ມື້ດ້ວຍຈຳນວນເງິນ 23,000 ຢວນ
ມີລາຍງານວ່າທັງຄູ່ເລີ້ມຄົບຫາກັນໃນປີ 2013 ແຕ່ບໍ່ໄດ້ມີການແຕ່ງດອງຫຼືຈົດທະບຽນໃດໆ ເນື່ອງຈາກກົດໝາຍຂອງປະເທດຈີນຖືວ່າພວກເຂົາຍັງອາຍຸນ້ອຍເກີນໄປ ແຕ່ຝ່າຍຍິງໄດ້ຖືພາແລະໃຫ້ກຳເນີດເດັກເພດຍິງໃນວັນທີ 28 ສິງຫາ 2014
ພວກເຂົາທັງຄິດວ່າການມີລູກນັ້ນເປັນພາລະທີ່ຍິ່ງໃຫຍ່ສຳລັບຄອບຄົວ ແລະຕັດສິນໃຈວ່າຈະຂາຍລູກໃຫ້ກັບຜູ້ທີ່ຕ້ອງການ ເຖິງແມ້ວ່າຕອນທຳອິດຝ່າຍຍິງຈະບໍ່ເຫັນດີກໍ່ຕາມ ຫຼັງຈາກຂາຍລູກແລ້ວພວກເຂົາກໍ່ໄດ້ນຳເງິນໄປຊື້ລົດຈັກ ແລະໂທລະສັບມືຖືລາຄາແພງ ທັງນີ້ຝ່າຍຍິງຄິດທີ່ຈະເລີກກັບຝ່າຍຊາຍ ແຕ່ເຂົາຂູ່ນາງວ່າຈະນຳເລື່ອງລາວທັງໝົດ ໄປບອກກັບເຈົ້າໜ້າທີ່ຕຳຫຼວດ ນາງຈຶ່ງຈຳໃຈຕ້ອງຄົບກັບເຂົາຕໍ່ ຈົນຮອດເດືອນມິຖຸນາປີທີ່ຜ່ານມາ ນາງຈຶ່ງຕັດສິນໃຈເຂົ້າແຈ້ງກັບຕຳຫຼວດທ້ອງຖິ່ນດ້ວຍຕົນເອງ ໂດຍອ້າງກັບຕຳຫຼວດວ່າ “ຂ້ອຍຂາຍລູກໂຕເອງ ຄູ່ຮັກຫຼາຍໆຄູ່ໃນບ້ານເກີດຂອງຂ້ອຍກໍ່ຂາຍລູກຂອງພວກເຂົາຄືກັນ ດັ່ງນັ້ນຂ້ອຍຈຶ່ງບໍ່ຮູ້ວ່າມັນເປັນເລື່ອງຜິດກົດໝາຍ”
ສານຕັດສິນຕິດຄຸກຝ່າຍຊາຍເປັນເວລາ 3 ປີສ່ວນຝ່າຍຍິງນັ້ນຕິດຄຸກ 2 ປີຂໍ້ຫາຄ້າມະນຸດ
ແຫລ່ງຂ່າວຈາກ http://www.news.com.la/