spot_img
Homeຄລິບ-ວິດີໂອມາ​ໃໝ່​ແບບ​ສຸດ​ຍອດ ກັບ​ເຄື່ອງ​ດົນ​ຕີ​ ຈັກ​ກົນຂອງ​ຄວາມ​ແປກ​ໃໝ່​ ທີ່​ໃຜ​ເຫັນແລ້ວ​ຕ້ອງ ອຶ້ງ ! (ມີ​ຄລິບ)

ມາ​ໃໝ່​ແບບ​ສຸດ​ຍອດ ກັບ​ເຄື່ອງ​ດົນ​ຕີ​ ຈັກ​ກົນຂອງ​ຄວາມ​ແປກ​ໃໝ່​ ທີ່​ໃຜ​ເຫັນແລ້ວ​ຕ້ອງ ອຶ້ງ ! (ມີ​ຄລິບ)

Published on

  ​ເບິ່ງ​ແລ້ວ​ເວົ້າ​ໄດ້​ເລີຍ​ວ່າ ບໍ່​ທຳ​ມະ​ດາ​ແທ້ໆ ກັບ​ເຄື່ອງ​ດົນຕີ​ທີ່​ເປັນ​ຊຸດ​ສຸດ​ຍອດ​ເຄື່ອງ​ນີ້ ທີ່​ມີ​ຊື່ວ່າ Marble Machine ຖື​ໄດ້​ວ່າ

​ເປັນ​ນະ​ວັດຕະ​ກຳ​ເຄື່ອງ​ດົນຕີ​ທີ່​ມີ​ຮູບ​ລັກສະນະແປກ, ​ໃໝ່ ​ແລະ ບໍ່​ຄື​ໃຜ ມີ​ລະບົບ​ຂອງ​ການ​ຜະສົມ​ຜະສານສຽງ​ຈາກ​ເຄື່ອງ​ດົນຕີ​ຫຼາຍ​ຊະນິດ​ໄດ້​ແບບ​ລົງ​ຕົວ, ສຽງ​ມ່ວນ ​ແລະ ໜ້າ​ອັດສະຈັນ.

ເຄື່ອງດົນຕີ Marble Machine ເຄື່ອງນີ້ຖືກສ້າງຂຶ້ນໂດຍນັກດົນຕີຊາວສະວີເດນທີ່ມີຊື້ວ່າ Martin Molin ທີ່​ໃຊ້​ເວລາ​ດົນ​ກວ່າ 1 ປີ ​ໃນ​ການ​ສຶກສາ ​ແລະ ສ້າງ​ເຄື່ອງ​ດົນຕີ​ຊະນິດ​​ນີ້​ຂຶ້ນ​ມາ ​ໂຄງ​ສ້າງ​ຂອງ​ຕົວ​ເຄື່ອງ​ເຮັດ​ມາ​ຈາກ​ວັດຖຸ​ໄມ້​​ເນື້ອ​ດີ ປະກອບ​ເຂົາ​ກັບ​ເຄື່ອງ​ດົນຕີ​ຫຼາຍ​ກວ່າ 10 ຊະນິດ ພ້ອມ​ທັງ​ສາມາດ​ສ້າງ​ທຳນອງສຽງ ​ແລະ ຈັງ​ວະ​ຂອງ​ດົນຕີ​ໃນ​ໂທນ​ສຽງ​ຕ່າງໆ ​ໄດ້​ແບບ​ລະອຽດ ​ແລະ ໜ້າ​ອັດສະຈັນ ​ເຊິ່ງກົນ​ໄກ​ຫຼັກ​ທີ່​ເຮັດ​ໃຫ້​ເກີດ​ສຽງ​ນັ້ນ ​ເກີດຈາກ​ໜ່ວຍ​ແກ້ວ (Marble) ທີ່ຢູ່​ພາຍ​ໃນ​ຕົວ​ເຄື່ອງ​ຫຼາຍ​ກວ່າ 2,000 ໜ່ວຍ ​ເປັນ​ຕົວ​ເຄາະ​ກະທົບ​ກັບ​ເຄື່ອງ​ດົນ​ຕີ​ແຕ່ລະ​ຊະນິດ ​ແລະ ​ເຮັດ​ໃຫ້​ເກີດ​ເປັນ​ສຽງ​ຂຶ້ນ ຈຶ່ງ​ເປັນ​ທີ່​ມາ​ຂອງ​ຊື່ Marble Machine ​ເຄື່ອງ​ດົນຕີ​ຈັກ​ກົນ​ສຸດ​ຍອດ​​ເຄື່ອງນີ້

ຫຼາຍໆ​ຄົນ​ໜ້າ​ຈະ​ຢາກ​ຟັງສຽງ​​ເຄື່ອງ​ຕົວ​ນີ້​ແລ້ວ ວ່າ​ຈະ​ສຸດ​ຍອດ​ສໍ່າ​ໃດ ລອງ​ມາ​ເບິ່ງ​ຄລິບວິ​ດີ​ໂອ​ການ​ຫຼິ້ນ​ເຄື່ອງ​ດົນຕີ​ຕົວ​ນີ້​ໄດ້​ເລີຍ.

ຂໍ້ມູນຈາກ http://www.sedthakid.la/

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...