spot_img
Homeຂ່າວທ້ອງຖິ່ນເຂື່ອນ​ນໍ້າຄານ 3 ເລີ່ມ​ກັກ​ນໍ້າເພື່ອ​ຜະ­ລິດ​ກະ­ແສ​ໄຟ­ຟ້າ

ເຂື່ອນ​ນໍ້າຄານ 3 ເລີ່ມ​ກັກ​ນໍ້າເພື່ອ​ຜະ­ລິດ​ກະ­ແສ​ໄຟ­ຟ້າ

Published on

 

ໂຄງ­ການ​ກໍ່­ສ້າງ​ເຂື່ອນ​ໄຟ­ຟ້າ​ນ້ຳ​ຄານ 3 ເມືອງຊຽງ​ເງິນ​ແຂວງ​ຫຼວງ​ພະ​ບາງ ຊຶ່ງ​ເປັນ​ໂຄງ­ການ​ບູ​ລິ​ມະ​ສິດ​ຂອງ​ລັດ­ຖະ­ບານທີ່​ມອບ​ໃຫ້​ລັດ​ວິ​ສາ​ຫະ​ກິດ​ໄຟ­ຟ້າ​ລາວ​ເປັນຜູ້​ຈັດ​ຕັ້ງ​ປະ­ຕິ­ບັດ ແລະ​ຄຸ້ມ​ຄອງ, ຮອດ​ຂະ­ນະ​ນີ້ ແມ່ນ​ເລີ່ມກັກ​ນ້ຳ​ເຂົ້າ​ອ່າງ​ເພື່ອ​ຜະ­ລິດ​ກະ­ແສ​ໄຟ­ຟ້າ​ແລ້ວ.

ພິ­ທີ​ກັກ​ນ້ຳ​ເຂົ້າ​ອ່າງ​ຢ່າງ​ເປັນ​ທາງ​ການ​ຈັດ​ຂຶ້ນ​ໃນ​ວັນທີ 4 ມີ­ນາ​ຜ່ານ​ມາ​ນີ້, ຢູ່​ເຂື່ອນ​ດັ່ງ­ກ່າວ   ໂດຍ​ການ​ເຂົ້າ​ຮ່ວມຂອງ ທ່ານ ດ.ຣ ບົວ​ຄົງ ນາມ​ມະ​ວົງຮອງ​ເຈົ້າ­ແຂວງ​ຫຼວງ​ພະ​ບາງ ທັງ​ເປັນປະ­ທານ​ຄະ­ນະ​ກຳ­ມະ­ການ​ຊຸກ­ຍູ້​ໂຄງການ, ທ່ານ ທອງ​ເພັດ ດ້ວງ​ເງິນ ຮອງ​ຜູ້​ອຳນວຍ​ການ​ໃຫຍ່​ລັດ​ວິ​ສາ​ຫະ​ກິດ​ໄຟ­ຟ້າລາວ, ທ່ານ ຟອງ​ປະ­ສິດ ເພັດ​ສີ​ສຸກ ຫົວໜ້າ​ລັດ​ວິ​ສາ​ຫະ​ກິດ​ໄຟ­ຟ້າ​ສາ­ຂາ​ແຂວງ ຫຼວງ​ພະ​ບາງ, ພ້ອມ​ນີ້​ກໍ​ມີ​ວິ­ຊາ​ການ​ຜູ້​ຕາງໜ້າ​ບໍ­ລິ­ສັດ​ຜູ້​ຮັບ​ເໝົາ​ກໍ່­ສ້າງ​ໂຄງ­ການ ແລະ​ບັນ­ດາ​ທ່ານ​ການ​ນຳ​ໃນ​ນາມ​ຄະ­ນະ​ກຳ­ມະ­ການ​ຊຸກ­ຍູ້​ຂັ້ນ​ແຂວງ, ເມືອງ ແລະ ພະ­ນັກ­ງານ​ວິ­ຊາ​ການ​ຈາກ​ລັດ​ວິ​ສາ​ຫະກິດ​ໄຟ­ຟ້າ​ລາວ​ເຂົ້າ​ຮ່ວມ.

ການ​ກໍ່­ສ້າງ​ໂຄງ­ການ​ດັ່ງ­ກ່າວ ແມ່ນໄດ້​ຮັບ​ເງິນ​ກູ້​ຢືມ​ຈາກ​ທະ­ນາ­ຄານ​ຂອງ ສປ ຈີນ, ດອກ​ເບ້ຍ 2% ຕໍ່​ປີ, ມີ​ກຳ­ລັງຕິດ​ຕັ້ງ 60 ເມ​ກາ​ວັດ, ມູນ​ຄ່າ​ການ​ກໍ່­ສ້າງ 127,7 ລ້ານ​ໂດ​ລາ​ສະ­ຫະ­ລັດ, ໂດຍ​ບໍ​ລິສັດ​ຊີ​ໂນ​ໄຮ​ໂດຣ ສປ​ຈີນ ເປັນ​ຜູ້​ຮັບ​ເໝົາກໍ່­ສ້າງ, ໄລ­ຍະ​ການ​ກໍ່­ສ້າງ 42 ເດືອນ.
ລັກ­ສະ­ນະ​ເຂື່ອນ​ເປັນ​ເຂື່ອນ​ຄອນ​ຄຣິດອັດ​ແຮງ, ເນື້ອ­ທີ່​ອ່າງ​ໂຕ່ງ 7050 ກິ​ໂລຕາ​ແມັດ, ສາ­ມາດ​ກັກ​ເກັບ​ນ້ຳ​ໄດ້ 224 ລ້ານ​ແມັດ​ກ້ອນ,  ມີ 2 ເຄື່ອງ​ຈັກ ເຄື່ອງລະ 30 ເມ​ກາ​ວັດ, ສາ­ມາດ​ຜະ­ລິດ​ພະ­ລັງງານ​ໄດ້ 240 ຈີ​ກາ​ວັດ​ໂມງ​ຕໍ່​ປີ.

ແນວ­ໃດ​ກໍ​ດີ ຖ້າ​ເຂື່ອນ​ໄຟ­ຟ້າ​ນ້ຳ​ຄານ 3 ເລີ່ມ​ຜະ­ລິດ​ກະ­ແສ​ໄຟ­ຟ້າ​ແລ້ວ, ຈະ​ສາມາດ​ຕອບ​ສະ­ໜອງ​ພະ­ລັງ­ງານ​ໄຟ­ຟ້າ​ໃຫ້ພາຍ​ໃນ​ປະ­ເທດ​ໂດຍ​ສະ­ເພາະ​ເຂດ​ພາກ ເໜືອ​ຂອງ​ລາວ ແລະ​ນຳ​ໃຊ້​ໄຟ­ຟ້າ​ໃນ​ເວລາ​ຂາດ­ແຄນ, ນອກ­ຈາກ​ນີ້​ຍັງ​ເປັນ​ອ່າງເກັບ​ນ້ຳ​ຊຶ່ງ​ສາ­ມາດ​ເປັນ​ບ່ອນ​ຫາ​ກິນ ແລະ​ແຮ​ນ້ຳ​ໄວ້​ໃຊ້​ໃນ​ລະ­ດູ­ແລ້ງ ເພື່ອ​ຍົກລະ­ດັບ​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນໃຫ້​ຫຼຸດ​ພົ້ນ​ອອກ​ຈາກ​ຄວາມ­ທຸກ​ຍາກ​ເທື່ອ​ລະ​ກ້າວ ແລະ​ຖ້າ​ນ້ຳ​ຢູ່​ໃນ​ລະ­ດັບ ພ້ອມ​ທີ່​ຜະ­ລິດ​ກະ­ແສ​ໄຟ­ຟ້າ​ໄດ້​ແລ້ວ​ຄາດວ່າ​ໃນ​ເດືອນ​ເມ­ສາຈະ​ເລີ່ມ​ເດີນ​ເຄື່ອງຈັກ​ຜະ­ລິດ​ກະ­ແສ​ໄຟ­ຟ້າ.

ທີ່ມາ:logo

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...