ສິ່ງທີ່ເຮົາໜີບໍ່ພົ້ນຄືຄວາມຈິງ ແລະ ສຸດທ້າຍຕໍ່ໃຫ້ເຮົາໜີໄປສຸດຂອບຟ້າ ສຸດຂອບມະຫາສະໝຸດໄດ້ ມັນກໍ່ໜີໄດ້ພຽງຊົ່ວຄາວ ເພາະສຸດທ້າຍເຮົາກໍ່ຍອມຮັບຄວາມຈິງຢູ່ດີ ດັ່ງນັ້ນແລ້ວຢູ່ທີ່່ຕົວເຮົາເລືອກວ່າຈະເຈັບຊ້ຳແລ້ວຊ້ຳອີກ ດ້ວຍການບໍ່ຍອມຮັບຄວາມຈິງ ຫຼື ຈະຍອມປະເຊີນໜ້າກັບຄວາມເປັນຈິງ ແລະ ເຈັບພຽງຄັ້ງດຽວ ເພາະບາງຄັ້ງມັນອາດຈະບໍ່ເຈັບເທົ່າກັບເຮົາຄິດກໍ່ໄດ້ ເພາະມະນຸດເຮົາມັກຄິດກັງວົນກັບສິ່ງທີ່ມັນຍັງບໍ່ທັນເກີດ ຈົນເຮັດໃຫ້ຄວາມຄິດທີ່ວ່າຖ້າເຈັບມັນຈະເຈັບຫຼາຍ ແຕ່ຄວາມຈິງແລ້ວມັນຢູ່ທີ່ວ່າເຮົາຍອມຮັບມັນໄດ້ຫຼາຍພຽງໃດກໍ່ເຈັບໜ້ອຍເທົ່ານັ້ນ ແລະ ຫາຍໄວເທົ່ານັ້ນ
ຍອມຮັບວັນນີ້ ເຖິງວັນນີ້ອາດຍັງບໍ່ເຊົາແຕ່ມື້ຕໍ່ໄປຈະດີຂຶ້ນ ແລະ ວັນຕໍ່ໄປຈະດີຂຶ້ນເລື້ອຍໆ ແລະ ທີ່ສຸດມັນກໍ່ເຊົາເຈັບ ແຕ່ຫາກຝືນຄວາມຈິງມື້ອື່ນກະບໍ່ເຊົາ ເດືອນໜ້າກະບໍ່ເຊົາວັນໃດໆກໍ່ບໍ່ມີທາງເຊົາຈົນກາຍເປັນຄົນເຈັບແຕ່ບໍ່ຈົບ!!!
ໂດຍ: ປັອກເລັກ ລາວໂພສຕ໌