ເລື່ອງນີ້ແປກບໍ່ໜ້ອຍໜ້າກັບເລື່ອງ ໝູເກີດມາໜ້າຄືຊ້າງ ຂອງກຳປູເຈ້ຍເລີຍ ເພາະລາວເຮົາກໍ່ມີ ລູກໝາເກີດມາໜ້າຄືຊ້າງ
ໃນວັນທີ 4 ມີນາ 2016 ທີ່ຜ່ານມາ ຊາວບ້ານ ທີ່ ບ້ານທາງຄົບ ເມືອງຈຳປາສັກ ແຂວງຈຳປາສັກ ໄດ້ພາກັນຫລັງໄຫລໄປເບິ່ງໝາທີ່ເກີດ ລູກໝາອອກມາມີໜ້າຕາຄ້າຍຊ້າງ.
ເຊິ່ງທາງທີມງານພວກເຮົາກໍ່ຍັງບໍ່ທັນຮູ້ລາຍລະອຽດທີ່ຖ້ວນເທື່ອ ເພາະຂ່າວນີ້ພວກເຮົາກໍ່ເອົາມາຈາກເຟສບຸກຂອງທ່ານ ໂຈເຊບ ຟີແມນ ເຊິ່ງເພິ່ນຫາກໍ່ໂພສພຽງ 3 ຊົ່ວໂມງທີ່ຜ່ານມາ ແລະ ຖືກແຊກັນຫຼາຍໃນໂລກໂຊຊ້ຽວ ພວກເຮົາເລີຍບໍ່ພາດທີ່ຈະຂໍແບ່ງບັນຂໍ້ມູນດັ່ງກ່າວມານຳສະເໜີໃຫ້ແຟນໆຂອງລາວໂພສຕ໌ໄດ້ຮັບຮູ້, ໄດ້ເຫັນວ່າບ້ານເຮົາກໍ່ມີສັດແຫກປະຫຼາດຄືບ້ານເພິ່ນຄືກັນ.
ສ່ວນຕອນນີ້ຍັງບໍ່ຮູ້ແນ່ຊັດວ່າລູກໝາໂຕນີ້ຍັງມີຊີວິດຢູ່ ຫຼື ບໍ່? ແລະ ໃຜເປັນເຈົ້າຂອງ? ຫາກມີລາຍລະອຽດເພີ່ມເຕີມກ່ຽວກັບເລື່ອງນີ້ ພວກເຮົາບໍ່ພາດທີ່ຈະມານຳສະເໜີໃຫ້ທຸກທ່ານຮູ້ແນ່ນອນ! ແຕ່ກໍ່ຫວັງວ່າລູກໝາໂຕນີ້ຍັງຄົງມີຊີວິດລອດຢູ່.
ຂໍ້ມູນຈາກ ເຟສບຸກ Joseph Freeman
ຮຽບຮຽງໂດຍ: ປັອກເລັກ ລາວໂພສຕ໌