ເມື່ອຂ່າວການເກີດອຸບັດຕິເຫດລົດຂົນເຄື່ອງດົນຕີຂອງນັກຮ້ອງ ລູກທົ່ງໝໍລຳຊື່ດັງຂອງລາວ “ນອ້ຍ ແກ້ວມະນີໂຊ” ປີ້ນ ໃນວັນທີ 4 ມີນາ 2016 ກໍ່ເຮັດໃຫ້ແຟນເພງຂອງເພິ່ນຈຳນວນຫຼາຍຕົກໃຈ ແລະ ສະແດງຄຳຄິດເຫັນຕ່າງໆນາໆໃນໂລກໂຊຊ້ຽວ ສ່ວນຫຼາຍກໍ່ສະແດງໃນທາງໃຫ້ກຳລັງໃຈ “ນອ້ຍ ແກ້ວມະນີໂຊ”.
ຈາກແຫລ່ງຂ່າວຕົ້ນສະບັບເຟສບຸກຂອງທ່ານໄຊເງິນ ລາຍງານໃນວັນທີ 4 ມີນາ 2016 ນີ້ວ່າ ເກີດເຫດລົດຂົນເຄື່ອງດົນຕີ ນັກຮ້ອງຊື່ດັງຂອງລາວ “ນອ້ຍ ແກ້ວມະນີໂຊ” ປິ້ນຢູ່ ບ້ານ ກະເປ ເມືອງ ຕະໂອ້ຍ ແຂວງ ສາລະວັນ ສົ່ງຜົນເຮັດໃຫ້ 2 ຄົນໄດ້ຮັບບາດເຈັບ ແຕ່ບໍ່ມີຄົນເສຍຊີວິດ.
ສ່ວນລາຍລະອຽດຄວາມເສຍຫາຍ ແລະ ສາເຫດຂອງການປີ້ນນັ້ນມີຄວາມຄືບໜ້າແນວໃດ ທາງເຮົາໄດ້ຂ່າວແນວໃດຈະມາລາຍງານໃຫ້ຊາບຕື່ມ.
ຂອບໃຈເຟສບຸກ ທ່ານ ໄຊເງິນ
ຂອບໃຈຂໍ້ມູນຈາກ ເຟສບຸກ: Pathedlao Lao
ຮຽບຮຽງຂ່າວໂດຍ: ປັອກເລັກ ລາວໂພສຕ໌.