ເຮົາເອີ້ນໄວຣັດກຸ່ມນີ້ວ່າ Human papillomaviruses (HPVs) ເຊິ່ງມີຫຼາຍກ່ວາຮ້ອຍຊະນິດ
ເນື່ອງຈາກເຊື້ອໄວຣັດນີ້ບາງຊະນິດອາດເຮັດໃຫ້ເກີດລັກສະນະຄືຫູດຈິ່ງເອີ້ນວ່າ papillomaviruses ຫູດນີ້ສາມາດເກີດໄດ້ທີ່ມື, ຕີນ, ຄໍ ແລະ ຍັງເກີດໄດ້ທີ່ອະໄວຍະວະເພດ.
ຫູດທີ່ອະໄວຍະວະເພດເປັນໂຣກຕິດຕໍ່ທາງເພດສຳພັນເຊິ່ງເກີດຈາກເຊື້ອ HPV ໄດ້ຫຼາຍກ່ວາຮ້ອຍຊະນິດ ຄົນສ່ວນຫຼາຍໄດ້ຮັບເຊື້ອຫູດ ຈະບໍ່ມີອາການ ແລະ ບໍ່ສາມາດຫາຍດີເອງໄດ້ ແຕ່ຫູດບາງຊະນິດສາມາດຢູ່ໄດ້ເປັນປີໂດຍບໍ່ສະແດງອາການ ເປັນສາເຫດຂອງການເກີດມະເຮັງ.
ເຊື້ອໄວຣັດຫູດຈະອາໃສຢູ່ເຊວຜິວທີ່ເອີ້ນວ່າ Sqamous cell ເຊິ່ງພົບໄດ້ໃນສ່ວນເທິງຂອງຜິວໜັງ, ປາກມົດລູກ, ຊ່ອງຄອດ, ຮູທະວານໜັກ, ສ່ວນປາຍຂອງອະໄວຍະວະເພດຊາຍ, ປາກ ແລະ ຄໍ.
ການຕິດເຊື້ອ human papillomaviruses(HPV) ເຮັດໃຫ້ເກີດໂຣກຫັຍງໄດ້ແນ່ ເນື່ອງຈາກເຊື້ອນີ້ຕິດຕໍ່ທາງເພດສຳພັນຈິ່ງເຮັດໃຫ້ໂຣກນີ້ເປັນກັນຫຼາຍໃນໄວຈະເລີນພັນ ໂຣກທີ່ພົບຈາກການຕິດເຊື້ອນີ້ໄດ້ແກ່: ຫູດທີ່ອະໄວຍະວະເພດ ແລະ ມະເຮັງປາກມົດລູກ.
ໂຣກອື່ນໆໄດ້ແກ່ແຜເປັນທີ່ອະໄວຍະວະເພດທັງຊາຍ ແລະ ຍິງ.
ເຊື້ອ (HPVs) ທີ່ເຮັດໃຫ້ເກີດມະເຮັງໄດ້ໜ້ອຍ ມີເຊື້ອໄວຣັດຫູດບາງຊະນິດຈະມີໂອກາດເປັນມະເຮັງໄດ້ໜ້ອຍໄດ້ແກ່ HPVs type 6 ແລະ 11 ເຮັດໃຫ້ເກີດໂຣກຫູດທີ່ເອີ້ນວ່າ condyloma acuminatum
ເຊື້ອ (HPVs) ທີ່ເຮັດໃຫ້ເກີດມະເຮັງໄດ້ຫຼາຍ ຫາກວ່າເຊື້ອຫູດອະໄວຍະວະເພດ ຫຼື ທະວານໜັກເຊິ່ງເກີດຈາກເຊື້ອຂ້າງລຸ່ມຈະເຮັດໃຫ້ເກີດມີການປ່ຽນແປງຂອງເຊວຄ່ອນຂ້າງຫຼາຍເຮັດໃຫ້ໂອກາດເກີດເປັນມະເຮັງສູງ ເຊື້ອດັ່ງກ່າວໄດ້ແກ່ຊະນິດ HPV-16, HPV-18, HPV-31, HPV-35, HPV-39, HPV-45, HPV-51, HPV-52, HPV-58
ບໍ່ວ່າເຊື້ອHPV ຊະນິດທີ່ມີຄວາມສ່ຽງຕໍ່ມະເຮັງຈະສູງ ຫຼື ຕ່ຳຮ່າງກາຍກໍ່ສາມາດກຳຈັດອອກໝົດພາຍໃນສອງປີປະມານ 90% ຂອງຄົນທີ່ຕິດເຊື້ອ.
ນອກຈາກເຊື້ອ HPV ຈະເຮັດໃຫ້ເກີດມະເຮັງປາກມົດລູກແລ້ວ ເຊື້ອນີ້ຍັງສາມາດເຮັດໃຫ້ເກີດມະເລັງໄດ້ອີກຫຼາຍແຫ່ງ ປະມານ 50% ຂອງຜູ້ປ່ວຍມະເຮັງຈະມີສ່ວນສຳພັນກັບການຕິດເຊື້ອ HPV.
ມະເຮັງອະໄວຍະວະເພດຊາຍ
ມະເຮັງຊ່ອງຄອດ
ມະເຮັງທໍ່ຍ່ຽວ
ມະເຮັງທີ່່ຕ່ອມທອນຊິລ ມະເຮັງທີ່ລີ້ນ
ຜູ້ຊາຍຈະເປັນມະເຮັງເກີດຈາກເຊື້ອ HPV ຫຼືບໍ່?.
ດັ່ງທີ່ຮູ້ກັນວ່າການຕິດເຊື້ອ HPV ຕິດຕໍ່ທາງເພດສຳພັນ ດັ່ງນັ້ນຜູ້ຊາຍກໍ່ມີສິດຕິດເຊື້ອນີ້ຄືກັນກັບແມ່ຍິງ ແຕ່ການວິໄຈອາດຈະຍາກກ່ວາແມ່ຍິງ ເນື່ອງຈາກບໍ່ສະແດງອາການ ນອກຈາກນັ້ນກໍ່ຍັງພົບວ່າການຕິດເຊື້ອບາງສາຍພັນຂອງ HPV ຈະເຮັດໃຫ້ເກີດມະເຮັງທີ່ອະໄວຍະວະເພດ ແລະ ຮອບທະວານໜັກ.
ການຕິດເຊື້ອ HPV ຮັກສາໄດ້ ຫຼື ບໍ່?.
ປະມານ 70% ຂອງຜູ້ປ່ວຍຮ່າງກາຍຈະມີພູມຕ້ານທານ ແລະ ກຳຈັດເຊື້ອອອກຈາກຮ່າງກາຍພາຍໃນໜຶ່ງປີ ແລະ ປະມານ 90% ຈະກຳຈັດອອກໝົດໃນສອງປີ ເຮົາຍັງບໍ່ມີຢາໃຊ້ໃນການຮັກສາການຕິດເຊື້ອ HPV ທີ່ເຮົາຮັກສາຄືຮັກສາເຊລ໌ທີ່ເກີດຈາກການປ່ຽນແປງຈາກການຕິດເຊື້ອເຊັ່ນການກຳຈັດຫູດອອກ
ການປ້ອງກັນການຕິດເຊື້ອ HPV
ການປ້ອງກັນການຕິດເຊື້ອ HPV ທີ່ດີຄືການຫຼີກລ່ຽງ ຫຼື ສຳພັດຜູ້ທີ່ຕິດເຊື້ອເຊິ່ງມີວິທີດັ່ງຕໍ່ໄປນີ້:
– ສີດວັກຊີນປ້ອງກັນການຕິດເຊື້ອ HPV ເຊິ່ງສາມາດປ້ອງກັນການຕິດເຊື້ອໄດ້ບາງຊະນິດ.
– ບໍ່ຊຳຊ່ອນທາງເພດ ຄວນມີຄູ່ນອນພຽງຄົນດຽວ.
– ການໃຊ້ຖົງຢາງອານາໄມກໍ່ພໍປ້ອງກັນໄດ້ແຕ່ບໍ່ທັງໝົດ ເນື່ອງຈາກການຖູໄຖຂອງຜິວໜັງກ່ອນສວມຖົງຢາງກໍ່ສາມາດຕິດເຊື້ອ HPV ໄດ້ ແລະ ຖົງຢາງກໍ່ບໍ່ສາມາດຄຸມອະໄວຍະວະເພດຊາຍໄດ້ທັງໝົດ
ການຕິດຕໍ່ຂອງເຊື້ອ HPV
ການຕິດເຊື້ອ HPV ຕິດຈາກການຮ່ວມເພດບໍ່ວ່າຈະເປັນທາງຊ່ອງຄອດ ຫຼື ທາງທະວານໜັກ ບໍ່ໄດ້ຕິດຕໍ່ທາງເລືອດ ຫຼື ຕິດຕໍ່ທາງຜິວໜັງ, ການຕິດຕໍ່ຈາກແມ່ຫາລູກ ຫຼື ການຕິດຕໍ່ຈາກປາກໄປອະໄວຍະວະ ຫຼື ການສຳພັດພາຍນອກໂດຍບໍ່ໄດ້ຮ່ວມເພດມັກຈະບໍ່ຕິດຕໍ່.
ການຕິດຕໍ່ເຊື້ອ HPV ແລະ ການເກີດມະເຮັງປາກມົດລູກ
ປະມານ 90% ຂອງມະເຮັງປາກມົດລູກຈະມີຄວາມສຳພັນກັບການຕິດເຊື້ອ HPV
ປະມານ 70% ຂອງເຊື້ອ HPV ຈະເປັນຊະນິດ types 16 or 18
ຜູ້ຊ່ວຍທີ່ເປັນ Precancerous ຫຼາຍກ່ວາ 50% ຈາກການຕິດເຊື້ອ types 16 or 18
ເຖິງແມ່ນວ່າມະເຮັງປາກມົດລູກຈະເກີດການຕິດເຊື້ອ HPV ແຕ່ຜູ້ປ່ວຍຕິດເຊື້ອ HPV ສ່ວນໃຫຍ່ຈະຫາຍດີ ແລະ ມີພູມຕ້ານໃນ 6-12 ເດືອນ.
ຂໍ້ມູນຈາກ http://thbnk-news.blogspot.com/
ແປ ແລະ ຮຽບຮຽງໂດຍ: ປັອກເລັກ ລາວໂພສຕ໌.