ສຳນັກຂ່າວຕ່າງປະເທດ ລາຍງານໃນວັນທີ 3 ມີນາຜ່ານມານີ້ວ່າ ທ່ານ ຈອນ ແຄຣີ ລັດຖະມົນຕີການຕ່າງປະເທດ ແຫ່ງສະຫະລັດອາເມຮິກາ ໄດ້ຍົກເລີກແຜນການເດີນທາງຢ້ຽມຢາມ ສາທາລະນະລັດກູບາ ໃນກາງເດືອນມີນານີ້ ເພື່ອເຈລະຈາກ່ຽວກັບບັນຫາສິດທິມະນຸດ ຊຶ່ງແຜນການດັ່ງກ່າວ ໄດ້ຖືກວາງອອກໃນສະພາບການທີ່ສອງຝ່າຍ ພວມກະກຽມໃຫ້ແກ່ການຢ້ຽມຢາມ ນະຄອນຫລວງລາຮາວານ ປະເທດກູບາ ຂອງ ທ່ານ ບາຣັກ ໂອບາມາ ປະທານາທິບໍດີ ແຫ່ງ ສະຫະລັດອາເມຣິກາ ຊຶ່ງຄາດວ່າຈະດຳເນີນໃນລະຫວ່າງວັນທີ 21-22 ມີນາທີ່ຈະມາເຖິງນີ້.
ກ່ອນໜ້ານັ້ນ, ໃນວາລະອະພິປາຍຕໍ່ລັດຖະສະພາ ແຫ່ງ ສະຫະລັດອາເມຣິກາ ເມື່ອວັນທີ 23 ກຸມພາຜ່ານມາ ທ່ານ ຈອນ ແຄຣີ ໄດ້ໃຫ້ຮູ້ວ່າ ທ່ານອາດຈະໄປຢ້ຽມຢາມກູບາໃນອາທິດໜ້າ ເພື່ອຈັດຕັ້ງການເຈລະຈາ ກ່ຽວກັບສິດທິມະນຸດ ກ່ອນທີ່ປະທານາທິບໍດີ ບາຣັກ ໂອບາມາ ຈະມາຢ້ຽມຢາມປະເທດນີ້ ຕາມແຜນການທີ່ໄດ້ວາງອອກ.