ສຳນັກຂ່າວຕ່າງປະເທດ ລາຍງານໃນວັນທີ 3 ມີນາຜ່ານມານີ້ວ່າ ຊາວນາຈີນທ່ານໜຶ່ງ ຢູ່ເມືອງຊິງຜິງ ແຂວງສ່ານຊີ ໄດ້ຄົ້ນພົບຫລຽນບູຮານຈຳນວນຫລາຍ ໃນຂະນະທີ່ກຳລັງຂຸດດິນເພື່ອກຽມປຸກເຮືອນ ໃນວັນເສົາທີ 27 ກຸມພາຜ່ານມານີ້ ໂດຍຫລຽນທີ່ຖືກພົບ ແມ່ນຝັງຢູ່ໃນຂຸມຂະໜາດກວ້າງ 50×60 ຊັງຕີແມັດ ແລະ ມີນ້ຳໜັກລວມ 459 ກິໂລກຣາມ.

ເຈົ້າໜ້າທີ່ບູຮານຄະດີໃນທ້ອງຖິ່ນຂອງຈີນ ໄດ້ສັນນິຖານວ່າ ຫລຽນດັ່ງກ່າວຖືກຜະລິດຂຶ້ນ ໃນສະໄໝຮ່ອງເຕ້ ຫວັງໝັ່ງ (ຄ.ສ 8-23) ຜູ້ທີ່ລົ້ມລ້າງລາຊະວົງຫ້ານຕາເວັນຕົກ ໂດຍຫລຽນທັງໝົດນີ້ອ ຈະຖືກກວດສອບວິເຄາະລະອຽດ ກ່ອນທີ່ຈະສົ່ງໃຫ້ພິພິທະພັນເປັນຜູ້ເກັບຮັກສາມ້ຽນ.