ເມື່ອເວົ້າເຖິງພືດພັກປອດສານພິດໃນປັດຈຸບັນ ກາຍເປັນຄວາມຕ້ອງການຂອງຕະຫຼາດ ແລະ ການບໍລິໂພກຂອງປະຊາຊົນ.
ປ້າຕຸ່ນ ແກ້ວມະນີວັນ ປະຊາຊົນບ້ານລາດຄວາຍ ເມືອງໄຊທານີ ນະຄອນຫຼວງວຽງຈັນ ກ່າວວ່າ: ປົກກະຕິອາຊີບຫຼັກແມ່ນເຮັດນາ ແຕ່ດຽວນີ້ຫັນມາປູກພືດຜັກປອດສານພິດ ໂດຍນຳໃຊ້ເນື້ອທີ່ຈຳນວນ 3 ໄລ່ ປູກຜັກສະຫຼັດ ຜັກກາດຊອມ ແລະ ພືດພັກຕາມລະດູການ ເພື່ອປ້ອນໃຫ້ຕະຫຼາດພາຍໃນ ແລະ ຕະຫຼາດນັດຜັກປອດສານພິດຈັດຂຶ້ນ ສະເລ່ຍລາຍຮັບໄລຍະລາຄາແພງ ອາທິດໜຶ່ງໄດ້ປະມານ 4-5 ລ້ານກີບ ປັດຈຸບັນ ສະເລ່ຍໄດ້ພຽງອາທິດ 1 ລ້ານກີບເທົ່ານັ້ນ.
ແຕ່ເຖິງແມ່ນວ່າລາຍຮັບຈະບໍ່ປົກກະຕິກໍ່ຕາມ ແຕ່ການປູກພືດຜັກປອດສານພິດ ກໍ່ຍັງເປັນທີ່ຕ້ອງການຂອງຕະຫຼາດ ແລະ ການບໍລິໂພກຂອງປະຊາຊົນ ນອກຈາກຊ່ວຍໃນການຫຼຸດຕົ້ນທຶນການຜະລິດແລ້ວ ທີ່ສຳຄັນຍັງຊ່ວຍເຮັດໃຫ້ສຸຂະພາບຂອງຜູ້ຜະລິດ ແລະ ຜູ້ບໍລິໂພກແຂງແຮງອີກດ້ວຍ.
ແຫລ່ງຂ່າວ:
