spot_img
Homeມູມໄອທີລາວເປີດໂຕແລ້ວ!! ສຳລັບສະມາດໂຟນ RAM 6GB ລຸ້ນທຳອິດຂອງໂລກ

ເປີດໂຕແລ້ວ!! ສຳລັບສະມາດໂຟນ RAM 6GB ລຸ້ນທຳອິດຂອງໂລກ

Published on

ບໍລິສັດຜະລິດສະມາດໂຟນຈາກປະເທດຈີນ Vivo ໄດ້ຈັດງານຖະແຫຼງຂ່າວພິເສດຂຶ້ນເພື່ອປະກາດເປີດໂຕສະມາດໂຟນ RAM 6GB ລຸ້ນທຳອິດຂອງໂລກຢູ່ທີ່ປັກກິ່ງ ນັ້ນກໍຄື Vivo Xplay 5 ແລະ Vivo Xplay 5 Elite

image

Vivo Xplay 5 Elite ມາພ້ອມກັບໜ້າຈໍຂະໜາດ 5.43 ນິ້ວ, ຄວາມລະອຽດ Quad HD (1440 x 2560), ໃຊ້ຈໍ Super AMOLED ເຊິ່ງຈໍເປັນແບບຂອບໂຄ້ງທັງສອງເບື້ອງ. ໂຕເຄື່ອງຂອງໂທລະສັບເກືອບທັງໝົດແມ່ນເຮັດມາຈາກ Aluminum Magnesium Alloy ພ້ອມກັບເສັ້ນໂຄ້ງເຊິ່ງເໝາະແກ່ການຈັບຫຼິ້ນເປັນຢ່າງດີ

image

ໃນດ້ານຂອງຮາດແວຣແມ່ນໃຊ້ງານຊິບປະມວນຜົນຄອດຄໍ Snapdragon 820 ແລະຊິບປະມວນຜົນກຣາບຟິກ Adreno 530, ພ້ອມກັບໜ່ວຍຄວາມຈຳ UFS 2.0 ລຸ້ນຫຼ້າສຸດທີ່ມີຄວາມໄວສູງ. ບໍລິສັດກ່າວວ່າໄດ້ໃຊ້ລະບົບລະບາຍຄວາມຮ້ອນດ້ວຍຂອງແຫຼວ ເຊິ່ງຈະຊ່ວຍເຮັດໃຫ້ຊີພີຢູມີຄວາມເຢັນລົງ ເພື່ອຈະເຮັດໃຫ້ການປະມວນຜົນມີປະສິດທິພາບສູງຢູ່ຕະຫຼອດເວລາ ແລະສັນຍາວ່າການປະມວນຜົນຈະບໍ່ມີຜົນກະທົບດ້ານຄວາມຮ້ອນສູງໃດໆ. RAM 6 GB, ພື້ນທີ່ຈັດເກັບ 128 GB ແລະແບັດເຕີຣີໃຫ້ມາ 3,600 mAh ຮອງຮັບລະບົບສາກໄວ.ລະບົບສຽງ Hi-Fi 3.0 (2*ES9028+OPA1612)

ສຳລັບກ້ອງຂອງ Vivo Xplay 5 Elite ນັ້ນໃຊ້ງານເຊັນເຊີກ້ອງ Sony IMX298 ຄວາມລະອຽດທີ່ 16 ລ້ານພິກເຊວ ພ້ອມກັບລະບົບກວດຈັບໂຟກັດອັດຕະໂນມັດ, ລະບົບປ້ອງກັນພາບສັ່ນ ແລະແຟລັດຄູ່ໂທນ LED. ມີລະບົົບສະແກນລາຍນິ້ວມືທີ່ດ້ານຫຼັງໂຕເຄື່ອງ

ສຳລັບ Vivo Xplay 5 Elite ແມ່ນໃຊ້ງານລະບົບປະຕິບັດການ Android 5.1 Lolipop, ຮອງຮັບ 2 ຊິມແລະຮອງຮັບ 3G ແລະ 4G. ສຳລັບໂຕເຄື່ອງນັ້ນມີລາຄາຢູ່ທີ່ 4288 ຢວນ (5.320.000 ກີບ) ແລະຈະເປີດໂຕອີກຮອບໃນວັນທີ 8 ເດືອນມີນາ ຢູ່ທີ່ປະເທດຈີນ
____________________________________________

image

Vivo Xplay 5 ມາພ້ອມກັບໜ້າຈໍຂະໜາດ 5.43 ນິ້ວ, ຄວາມລະອຽດ Quad HD (1440 x 2560), ໃຊ້ຈໍ Super AMOLED.

ໃຊ້ງານຊິບປະມວນຜົນ Snapdragon 652 (4xCortex-A72 ຄວາມໄວ 1.8GHz + 4xCortex-A53 ຄວາມໄວ 1.4GHz) ແລະຊິບປະມວນຜົນກຣາບຟິກ Adreno 510, RAM 4GB, ພື້ນທີ່ຈັດເກັບ 128 GB.ລະບົບສຽງແຕກຕ່າງຈາກລຸ້ນ Elite ຄື Hi-Fi (CS4395+AD4525)

image

ສຳລັບລາຄາຂອງໂຕເຄື່ອງນັ້ນແມ່ນ 3698 ຢວນ (4.585.000 ກີບ) ແລະຈະເປີດໂຕອີກຮອບໃນວັນທີ 8 ເດືອນມີນາ ຢູ່ທີ່ປະເທດຈີນ

*ໝາຍເຫດ: ສຳລັບລຸ້ນ Vivo Xplay 5 ນັ້ນແມ່ນຄືກັບລຸ້ນ Vivo Xplay 5 Elite ເກືອບທັງໝົດແຕ່ສິ່ງທີ່ຕ່າງແມ່ນ RAM ແລະ CPU ເທົ່ານັ້ນ (ອາດຈະໃດ໋ 555 ເພາະຂໍ້ມູນຍັງບໍ່ຫຼາຍພໍເທື່ອສຳລັັບລຸ້ນນີ້)

ແລ້ວຈະມາສະຫຼຸບສະເປັກທັງໝົດໃຫ້ໃໝ່ຫຼັງຈາກເປີດໂຕໃນງານທີ່ຈະຈັດຂຶ້ນໃນວັນທີ 8 ນີ້

ທີ່ມາ:1,2

ບົດຄວາມຫຼ້າສຸດ

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...

ເສຍຊີວິດ 63 ຄົນ ເຫດການແຜ່ນດິນໄຫວຂະໜາດໃຫຍ່ທີ່ຟິລິບປິນ ທາງການເຕືອນອາດຈະເກີດສຶນາມິຕາມມາອີກ

ສຳນັກຂ່າວຕ່າງປະເທດລາຍງານໃນວັນທີ 30 ກັນຍາ 2025 ທີ່ຜ່ານມາ ເວລາປະມານ 22:00ໂມງ ເກີດເຫດການແຜ່ນດິນໄຫວຂະໜາດໃຫຍ່ 6.9 ລິກເຕີ ທີ່ເທິງເກາະເຊບູ ປະເທດຟິລິບປິນ ເຮັດໃຫ້ມີຜູ້ເສຍຊີວິດຫຼາຍກວ່າ 63...

ການຂົນສົ່ງສາທາລະນະຢູ່ນະຄອນຫຼວງວຽງຈັນ

ນະຄອນຫຼວງວຽງຈັນ ຖືວ່າເປັນນະຄອນຫຼວງແຫ່ງ ສປປ ລາວ ທີ່ມີລະບົບການຂົນສົ່ງສາທາລະນະທີ່ອ້ອມຮອບ ເນື່ອງຈາກມີລົດເມໄວ້ຄອຍໃຫ້ບໍລິການຢູ່ຫຼາຍເຂດ ຕັ້ງແຕ່ໃນຕົວເມືອງຈົນໄປຮອດນອກຕົວເມືອງ ເພື່ອຄວາມສະດວກສະບາຍໃນການໄປ-ມາ ຂອງປະຊາຊົນເວົ້າລວມ ເວົ້າສະເພາະກໍຄືຜູ້ທີ່ອາໄສໃນນະຄອນຫຼວງວຽງຈັນໃນແຕ່ລະມື້. ນອກຈາກນີ້, ໃນປີ 2026 ກໍຈະເປີດໃຫ້ບໍລິການສຳລັບລົດເມໂດຍສານດ່ວນພິເສດ...